അജപാലനസമൂഹം യുവജനങ്ങളുടെ പ്രതിസന്ധിയില്‍ കൂടെയുണ്ടാകണം

അജപാലനസമൂഹം യുവജനങ്ങളുടെ പ്രതിസന്ധിയില്‍  കൂടെയുണ്ടാകണം

?സിനഡിന്റെ പ്രതിഫലനം കേരളസഭയില്‍ എപ്രകാരമായിരിക്കും.
കേരളത്തില്‍ വിവിധ യുവജനപ്രസ്ഥാനങ്ങള്‍ ഉണ്ടെങ്കിലും ഫലവത്തായി യുവജനങ്ങളുടെ രൂപീകരണത്തിലും വളര്‍ച്ചയിലും സഹായിക്കുന്ന ഒരു അജപാലനസമൂഹവും സഭാവീക്ഷണവും ഇനിയും വളര്‍ത്തിയേടുക്കേണ്ടതുണ്ട്. അതു മതബോധന കാലഘട്ടത്തിലും വിവാഹത്തിന് ഒരുക്കമായുള്ള കോഴ്‌സിലും മാത്രം ഒതുങ്ങുന്നതായാല്‍പ്പോരാ, വിവാഹാനന്തരം കുടുംബജീവിതത്തിലും തുടരേണ്ടതാണ്. യുവജനങ്ങള്‍ക്കുവേണ്ടിയുള്ള മെത്രാന്മാരുടെ 15-ാമത് സിനഡുസമ്മേളനത്തില്‍ പങ്കെടുക്കുന്നത് ഭാഗ്യമായി കണക്കാക്കുന്നു.

? സിനഡിന്റെ ഫലപ്രാപ്തിയെക്കുറിച്ച്.
സിനഡിന്റെ അന്ത്യത്തില്‍ ഇന്നത്തെ യുവതലമുറയെ കാലികമായി വിശ്വാസത്തില്‍ രൂപപ്പെടുത്താനും അവരുടെ വിശ്വാസയാത്രയില്‍ കൂടെനടക്കാനും കരുത്തുള്ള ഒരു അജപാലനസമൂഹത്തെ രൂപപ്പെടുത്താനും പോരുന്ന ഒരു പ്രമാണരേഖ ഫ്രാന്‍സിസ് പാപ്പാ പ്രബോധിപ്പിക്കും. അത് ഈ സിനഡിന്റെ ഫലപ്രാപ്തിയായിരിക്കും. ഇത് എനിക്ക് ഏറെ പ്രത്യാശയും സന്തോഷവും തരുന്ന ഈ സംഗമത്തിന്റെ ഭാഗമാണ്.

? സിനഡിലെ അഭിപ്രായപ്രകടനം.
സിനഡുസമ്മേളനത്തിന്റെ ആറാമത്തെ പൊതുസമ്മേളനത്തില്‍ ഫ്രാന്‍സിസ് പാപ്പായുടെ സാന്നിധ്യത്തില്‍ അഭിപ്രായപ്രകടനത്തിനു കിട്ടിയ അവസരം കേരള ലത്തീന്‍ സഭയുടെ പ്രതിനിധിയായി ഇവിടെയെത്തിയ എനിക്ക് ഉപയോഗപ്പെടുത്താന്‍ കഴിഞ്ഞുവെന്നാണ് കരുതുന്നത്. അതില്‍ കേരളസഭയിലെ സംയുക്തവും ക്രിയാത്മകവുമായ പ്രവര്‍ത്തനങ്ങളെ ചൂണ്ടിക്കാണിച്ചിരുന്നു. ഇന്നത്തെ യുവതലമുറയെ രൂപപ്പെടുത്താനും അവരുടെ കൂടെനടക്കാനും ഉതകുന്ന ഒരു അജപാലനരൂപീകരണ സംവിധാനം സഭയ്ക്കു പൊതുവെയും പ്രത്യേകിച്ച് സഭാനേതൃത്വത്തിനും അനിവാര്യമാണ്. ഇതാണ് ദേശീയസഭയും പ്രാദേശികസഭയും സിനഡില്‍നിന്നു പ്രതീക്ഷിക്കുന്നത്.

? അകലുന്നത് സഭയോ യുവജനങ്ങളോ.
യുവജനങ്ങള്‍ സഭയില്‍നിന്ന് അകന്നുപോകുന്നു എന്നു പറഞ്ഞ് തള്ളിയതുകൊണ്ടായില്ല. മറുഭാഗത്ത് സഭയും സഭയിലെ അജപാലനശുശ്രൂഷകരും യുവജനങ്ങളില്‍നിന്ന് അകന്നുപോകുന്നുണ്ട്. യുവജനങ്ങള്‍ക്ക് ബോധ്യമാകുന്ന നല്ല സമര്‍പ്പണമാതൃകയും സുവിശേഷത്തിന്റെ മൗലികതയുള്ള പ്രചോദനവും പങ്കുവയ്ക്കാന്‍ നല്ലൊരു ശതമാനം അജപാലകര്‍ക്കും കഴിയാതെ പോകുന്നുണ്ട്. അതിനാല്‍ യുവജനങ്ങളുടെ ജീവിതതിരഞ്ഞെടുപ്പുകളിലും അവരുടെ പ്രതിസന്ധികളുടെ ഘട്ടങ്ങളിലും കൂടെനടക്കുന്ന ഒരു സഭയെ രൂപപ്പെടുത്തേണ്ടതാണ് ഇന്നിന്റെ ആവശ്യം.

? ഫ്രാന്‍സിസ് പാപ്പായെകുറിച്ച്.
ആശ്ചര്യപ്പെടുത്തുന്ന പ്രതിഭാധനന്‍! സിനഡിന്റെ എല്ലാ സമ്മേളനങ്ങളിലും പൂര്‍ണ്ണമായും പങ്കെടുക്കുന്നു. പലപ്പോഴും തനിമയാര്‍ന്നതും ഏറെ ക്രിയാത്മകവും പ്രായോഗികവുമായ അഭിപ്രായപ്രകടനങ്ങളും ഇടപെടലുകളും നടത്തുന്നു ഈ 82 വയസുകാരന്‍. ഫ്രാന്‍സിസ് പാപ്പായാണ് സിനഡില്‍ എന്നെ ആശ്ചര്യപ്പെടുത്തുന്ന പ്രതിഭാധനനും പ്രചോദനവും. സമയത്തിലും നേരത്തെ സമ്മേളനങ്ങള്‍ക്ക് ഫയലുകളുമായി തന്റെ വസതിയായ സാന്താ മാര്‍ത്തയില്‍നിന്നു നടന്നെത്തുന്ന പാപ്പാ ഫ്രാന്‍സിസ് സിനഡുപിതാക്കന്മാരുമായി മാത്രമല്ല യുവജനപ്രതിനിധികളുമായും മറ്റെല്ലാവരുമായും വ്യക്തിപരമായി കാണുവാനും സംസാരിക്കാനും സമയം കണ്ടെത്തുന്നു. സ്‌നേഹത്തോടെയും അനൗപചാരികമായും പാപ്പാ എല്ലാവരുമായി ഇടപഴകുന്നത് എന്നെ ആശ്ചര്യപ്പെടുത്തുന്നു.

(വത്തിക്കാനില്‍ നടന്നുകൊണ്ടിരിക്കുന്ന മെത്രാന്‍ന്മാരുടെ സിനഡില്‍ പങ്കെടുക്കുന്നതിനിടെ ബിഷപ് ഡോ. സെബാസ്റ്റ്യന്‍ തെക്കെത്തെച്ചേരില്‍ ഫ്രാന്‍സിസ് പാപ്പായുമായി കൂടിക്കാഴ്ച നടത്തിയിരുന്നു.)


Related Articles

അവധിക്കാലം കുട്ടികളുടെ പ്രഘോഷണകാലം

ഏപ്രില്‍-മെയ് മാസങ്ങളില്‍ വേനല്‍ക്കാല അവധിയാണ്. കുട്ടികള്‍ ഏറെ പങ്കും ബന്ധുവീടുകളില്‍ സന്ദര്‍ശനം നടത്തുവാനും വിനോദങ്ങളില്‍ ഏര്‍പ്പെടുവാനും ഇഷ്ടപ്പെടുന്ന സമയം. എന്നാല്‍ ഇന്ന് കുട്ടികള്‍ക്ക് ആനന്ദകരമായ അവധിക്കാലം അപ്രത്യക്ഷമാകുകയാണ്.

കടലോരത്തെ കാലാവസ്ഥാ അഭയാര്‍ഥികളെ മറക്കരുത്

പ്രളയദുരന്തത്തെ നവകേരളസൃഷ്ടിക്കുള്ള അവസരമാക്കി മാറ്റുകയെന്നത് ശുഭചിന്തയാണ്, ദുര്‍ദ്ദശയില്‍ നിന്ന് പ്രത്യാശയിലേക്കുള്ള പരിവര്‍ത്തനം. കേരളത്തിലെ ജനങ്ങളില്‍ ആറിലൊന്നുപേരെ – 981 വില്ലേജുകളിലായി 55 ലക്ഷം ആളുകളെ – നേരിട്ടു

സെബീന ടീച്ചറിന്റെ അനുഗ്രഹം – അജിത്കുമാര്‍ ഗോതുരുത്ത്

  2020 ജൂണ്‍ 22ന് സെബീന ടീച്ചര്‍ വിടവാങ്ങിയിട്ട് മൂന്നു പതിറ്റാണ്ടു പൂര്‍ത്തിയായി. ടീച്ചറിന്റെ അനുഗ്രഹം ഏറ്റുവാങ്ങാന്‍ ഭാഗ്യമുണ്ടായ ഒരാളാണ് ഞാന്‍. ടീച്ചറിന്റെ തറവാടുമായി ഞങ്ങളുടെ കുടുംബത്തിനു

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*