അധികൃതര്‍ അലംഭാവം വെടിഞ്ഞാല്‍ കുതിക്കും, ചെല്ലാനം ഹാര്‍ബര്‍: ചെല്ലാനം തുറമുഖവും യാഥാര്‍ത്ഥ്യങ്ങളും-4

അധികൃതര്‍ അലംഭാവം വെടിഞ്ഞാല്‍ കുതിക്കും, ചെല്ലാനം ഹാര്‍ബര്‍: ചെല്ലാനം തുറമുഖവും യാഥാര്‍ത്ഥ്യങ്ങളും-4
                      അസൗകര്യങ്ങളുടെ നടുവില്‍ പോലും ചെല്ലാനം ഹാര്‍ബര്‍ ഇന്ന് മത്സ്യബന്ധന വള്ളങ്ങളുടെ താവളമായി മാറിയിരിക്കുകയാണ്. അധികൃതരുടെ ഭാഗത്തുനിന്നുള്ള അലംഭാവം വെടിഞ്ഞാല്‍ സാധ്യമാക്കും ചെല്ലാനം ഹാര്‍ബര്‍ എന്ന യാഥാര്‍ത്ഥ്യം. ഒരുകൂട്ടം മത്സ്യത്തൊഴിലാളികളുടെ മാത്രം ആവശ്യമല്ല ചെല്ലാനം ഹാര്‍ബര്‍. കടലും കായലുമായി ബന്ധപ്പെട്ട് ജീവിക്കുന്ന വലിയൊരു ജനവിഭാഗത്തിന്റെ ഉന്നമനത്തിന് വഴിവയ്ക്കുന്ന ഘടകം കൂടിയാണ്.
ആദ്യഘട്ടം പൂര്‍ത്തിയായ നാള്‍ മുതല്‍ ഹാര്‍ബറില്‍ അടുക്കുന്ന വള്ളങ്ങളുടെ എണ്ണം നൂറിനു മേലാണ്. ചെല്ലാനത്തടുക്കുന്ന വള്ളങ്ങളില്‍ ഏതാണ്ട് 35ഓളം വള്ളങ്ങള്‍ മാത്രമാണ് നാട്ടുകാരുടേതായുള്ളത്. ശേഷിക്കുന്ന വള്ളങ്ങള്‍ ആലപ്പുഴ ജില്ലയുടെ വിവിധ ഭാഗത്തുനിന്നുള്ളവയാണ്. വലിയ വള്ളങ്ങള്‍ പോലും ഇപ്പോള്‍ ചെല്ലാനത്തെത്തുന്നതോടെ ശരാശരി ഒരു കോടിയുടെ വിപണനം പ്രതിദിനം ചെല്ലാനം ഹാര്‍ബറില്‍ നടക്കുന്നതായാണ് കണക്കുകള്‍ സൂചിപ്പിക്കുന്നത്. എന്നാല്‍ അടിസ്ഥാന സൗകര്യങ്ങളുടെ അഭാവം മത്സ്യത്തൊഴിലാളികളെ ഏറെ ബുദ്ധിമുട്ടിക്കുന്നു.
ദൂരസ്ഥലങ്ങളില്‍ നിന്നും വരുന്ന മത്സ്യത്തൊഴിലാളികളുടെ താമസം, ഭക്ഷണം എന്നിവ വലിയ പ്രശ്‌നമാണ്. ഇപ്പോള്‍ കൂടെയുള്ളവര്‍ ഒരുക്കിക്കൊടുക്കുന്നിടത്താണ് തൊഴിലാളികള്‍ തങ്ങുന്നത്. തൊഴിലുപകരണങ്ങള്‍ അറ്റകുറ്റപ്പണി നടത്തുവാനുള്ള സൗകര്യങ്ങള്‍ ഹാര്‍ബറില്‍ ഇല്ല. ഈ അസൗകര്യങ്ങള്‍ മൂലം വള്ളങ്ങള്‍ മറ്റു ഹാര്‍ബര്‍ തേടിപ്പോകാന്‍ കാരണമാകുന്നു.
എന്നാല്‍ ഗതാഗത സൗകര്യത്തിന്റെ കാര്യത്തില്‍ ചെല്ലാത്തിനു മറ്റുള്ള ഹാര്‍ബറുകളെ അപേക്ഷിച്ച് സവിശേഷതയുണ്ട്. പ്രധാന റോഡില്‍ നിന്നും ഹാര്‍ബറിലേക്കു പ്രവേശിക്കാന്‍ അരകിലോമീറ്റര്‍ ദൈര്‍ഘ്യമുള്ള റോഡ് മാത്രമാണുള്ളത്. ഈ റോഡിന്റെ വികസന കാര്യത്തില്‍ അധികൃതര്‍ കാണിക്കുന്ന അനാസ്ഥകൂടി മറികടന്നാല്‍ ചെല്ലാനം ഹാര്‍ബറിന്റെ വികസനം സാധ്യമാകുമെന്നതില്‍ സംശയമില്ല.
ഏതു കാലാവസ്ഥയിലും വള്ളം ഇറക്കുവാനുള്ള സൗകര്യം ഇന്ന് ചെല്ലാനം ഹാര്‍ബറിലുണ്ട്. രണ്ടാംഘട്ട നിര്‍മാണമുള്‍പ്പെടെയുള്ള ഹാര്‍ബറിന്റെ അടിസ്ഥാന സൗകര്യങ്ങള്‍ ഒരുക്കുന്നതില്‍ അധികൃതര്‍ പിന്നോട്ടുപോകാതെ ഒരുമയോടെയുള്ള പ്രവര്‍ത്തനങ്ങളിലൂടെ ഹാര്‍ബര്‍ എന്ന സ്വപ്‌നം യാഥാര്‍ത്ഥ്യമാക്കണം.
നല്ല നാളുകള്‍ തുടര്‍ന്നുപോകണമെങ്കില്‍ ഉറച്ച രാഷ്ട്രീയ ഇച്ഛാശക്തി വേണം. ജനപ്രതിനിധികള്‍ പ്രഖ്യാപനങ്ങള്‍ നടപ്പിലാക്കുവാനുള്ള ആര്‍ജവം കാണിക്കണം. ആവശ്യങ്ങള്‍ നേടിയെടുക്കാനുള്ള തൊഴിലാളി നേതൃത്വം വേണം. എങ്കില്‍ മാത്രമേ ചെല്ലാനം ഹാര്‍ബര്‍ എന്ന വലിയ സ്വപ്‌നം യാഥാര്‍ത്ഥ്യമായി തീരുകയുള്ളൂ. (അവസാനിച്ചു)

Related Articles

പ്രളയം തകർത്ത ഭവനങ്ങളിലേക്ക് അനുഗ്രഹമായി കുമ്പളങ്ങി സേക്രഡ് ഹാർട്ട് ഇടവകയിലെ തിരുഹൃദയ ചിത്രങ്ങൾ ഇന്നു കൈമാറും

മഹാപ്രളയം തകർത്ത കുടുംബങ്ങളിൽ പ്രതിഷ്ഠിച്ചു പ്രാർത്ഥിക്കുന്നതിനായി കുമ്പളങ്ങി സേക്രട്ഡ് ഹാർട്ട് ഇടവക നിർമ്മിച്ചു നൽകുന്ന 1000 തിരുഹൃദയ ചിത്രങ്ങൾ ഇന്ന് (30/9/2018 ഞായർ ) കൈമാറും. വരാപ്പുഴ,

KLCWA വനിതാദിനാഘോഷം

കൊച്ചി: വരാപ്പുഴ അതിരൂപത കേരള ലാറ്റിൻ കാത്തലിക് വിമൻസ് അസോസിയേഷൻ വനിതാദിനാഘോഷം മോൺസിഞ്ഞോർ പണിയാരം പറമ്പിൽ ഉദ്ഘാടനം ചെയ്തു. അസോസിയേഷൻ വൈസ് പ്രസിഡന്റ് ഫിലോമിന ലിങ്കൻ അധ്യക്ഷയായിരുന്നു.

നെയ്യാറ്റിന്‍കരയില്‍ ഉന്നത വിജയം നേടിയ പ്രതിഭകളെ ആദരിച്ചു 

നെയ്യാറ്റിന്‍കര; നെയ്യാറ്റിന്‍കര രൂപതയില്‍ ഉന്നത വിജയം നേടിയ പ്രതിഭകളുടെ സംഗമം സംഘടിപ്പിച്ചു. വഌങ്ങാമുറി ലോഗോസ് പാസ്റ്ററല്‍ സെന്ററില്‍ നെയ്യാറ്റിന്‍കര രൂപത വിദ്യാഭ്യാസ സമിതിയുടെ ആഭിമുഖ്യത്തില്‍ കെഎല്‍സിഎ, കെഎല്‍സിഡബ്ല്യൂഎ,

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*