അനിശ്ചിതകാല റിലേ സത്യഗ്രഹം നടത്തി

അനിശ്ചിതകാല റിലേ സത്യഗ്രഹം നടത്തി

കൊല്ലം: കെസിബിസി വിദ്യാഭ്യാസ കമ്മീഷന്റെയും കാത്തലിക് സ്‌കൂള്‍ സ്റ്റാഫ് അസോസിയേഷന്റെയും (സിഎസ്എസ്എ), കാത്തലിക് ടീച്ചേഴ്‌സ് ഗില്‍ഡിന്റെയും ആഹ്വാന പ്രകാരം കൊല്ലം രൂപതാ കോര്‍പ്പറേറ്റ് മാനേജ്‌മെന്റിന്റെയും പുനലൂര്‍ രൂപത കോര്‍പ്പറേറ്റ് മാനേജ്‌മെന്റിന്റെയും നേതൃത്വത്തില്‍ കൊല്ലം കളക്ടറേറ്റ് പടിക്കല്‍ റിലേ സത്യഗ്രഹം ആരംഭിച്ചു. സത്യഗ്രഹം പുനലൂര്‍ രൂപത കോര്‍പ്പറേറ്റ് മാനേജര്‍ റവ. ഡോ. ക്രിസ്റ്റി ജോസഫ് ഉദ്ഘാടനം ചെയ്തു. കൊല്ലം രൂപത എഡുക്കേഷന്‍ സെക്രട്ടറി ഫാ. ബിനു തോമസ് മുഖ്യപ്രഭാഷണം നടത്തി.
ന്യൂനപക്ഷ വിദ്യാഭ്യാസ അവകാശങ്ങള്‍ സംരക്ഷിക്കേണ്ട ഉത്തരവാദിത്വത്തില്‍ നിന്നും ഒഴിഞ്ഞുമാറാന്‍ ഒരു ഗവണ്‍മെന്റിനും സാധിക്കില്ലെന്ന് അദ്ദേഹം പറഞ്ഞു. കഴിഞ്ഞ ആറു വര്‍ഷക്കാലമായി അധ്യാപക അനധ്യാപക നിയമനങ്ങള്‍ സര്‍ക്കാര്‍ അംഗീകരിക്കുന്നില്ല. ജോലിക്കൊപ്പം പാര്‍ടൈം തൊഴില്‍ കൂടി കണ്ടെത്തിയാണ് അധ്യാപകരും അനധ്യാപകരും കുടുംബം മുന്നോട്ട് നയിക്കുന്നത്. നിയമനങ്ങള്‍ അംഗീകരിക്കാത്തത് വിദ്യാഭ്യാസമേഖലയോടുള്ള കടുത്ത അവഗണനയാണെന്നും റവ. ഫാ. ബിനു തോമസ് പറഞ്ഞു. പൊതുവിദ്യാഭ്യാസ മേഖലയില്‍ കാത്തലിക് എയ്ഡഡ് സ്‌കൂളുകള്‍ നല്‍കിയിട്ടുള്ള സംഭാവനകള്‍ വിസ്മരിക്കാന്‍ കഴിയില്ലെന്നും ന്യൂനപക്ഷ വിദ്യാഭ്യാസ അവകാശങ്ങള്‍ സംരക്ഷിച്ചുകൊണ്ട് അധ്യാപക അനധ്യാപക നിയമനങ്ങള്‍ക്ക് അംഗീകാരം നല്‍കി എയ്ഡഡ് മേഖലയില്‍ നിലനില്‍ക്കുന്ന പ്രശ്‌നങ്ങള്‍ പരിഹരിക്കാന്‍ ഗവണ്‍മെന്റ് തയ്യാറായില്ലെങ്കില്‍ ശക്തമായ പ്രതിഷേധം കേരളത്തിലുടനീളമുണ്ടാകുമെന്ന് എം.കെ പ്രേമചന്ദ്രന്‍ എംപി പറഞ്ഞു.
നീതിക്കായുള്ള ഈ സമരപോരാട്ടത്തില്‍ എല്ലാവിധ സഹായങ്ങളും വാഗ്ദാനം ചെയ്തുകൊണ്ട് സാമൂഹിക സാംസ്‌കാരിക മേഖലകളില്‍ നിന്നുള്ളവര്‍ക്ക് വിവിധ സ്‌കൂളുകളിലെ പ്രിന്‍സിപ്പല്‍മാര്‍ പ്രധാന അധ്യാപകര്‍, അധ്യാപക അനധ്യാപകര്‍ സാമൂഹ്യമാധ്യമപ്രവര്‍ത്തകര്‍ തുടങ്ങിയവര്‍ ശക്തമായ പിന്തുണ അറിയിച്ചുകൊണ്ട് സമരവേദിയിലെത്തി.


Related Articles

യൂത്ത് സെന്‍സസ് ബിഷപ് ഡോ. ജയിംസ് ആനാപറമ്പില്‍ ഉദ്ഘാടനം ചെയ്തു

എറണാകുളം: കെആര്‍എല്‍സിബിസി യുവജന കമ്മീഷന്റെയും എല്‍സിവൈഎം സംസ്ഥാന സമിതിയുടെയും നേതൃത്വത്തില്‍ നടക്കുന്ന യൂത്ത് സെന്‍സസിന്റെ സംസ്ഥാനതല ഉദ്ഘാടനം കെആര്‍എല്‍സിസി ഓഫീസില്‍ ബിഷപ് ഡോ. ജയിംസ് ആനാപറമ്പില്‍ നിര്‍വഹിച്ചു.

സ്വര്‍ഗദൂതന്റെ 60 വര്‍ഷങ്ങള്‍

പോഞ്ഞിക്കരയിലെ 24 വയസുകാരന്‍ റാഫി 1948 മെയ് 28-ാം തീയതി ‘സൈമന്റെ ഓര്‍മകള്‍’ എന്ന ശീര്‍ഷകത്തില്‍ ഒരു നോവല്‍ എഴുതാന്‍ തുടങ്ങി. പരപ്പേറിയ ക്യാന്‍വാസില്‍ നോവല്‍ രചന

സര്‍ക്കാര്‍ ജീവനക്കാരുടെ ഒരു മാസത്തെ ശമ്പളം പിടിക്കും

തിരുവനന്തപുരം: കൊറോണ വൈറസ് ബാധയുടെ പശ്ചാത്തലത്തില്‍ സര്‍ക്കാര്‍ ജീവനക്കാരുടെ ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസനിധിയിലേക്ക് എത്തിക്കാനുള്ള സാലറി ചാലഞ്ചിന് മന്ത്രിസഭാ യോഗം അംഗീകാരം നല്കി. ജീവനക്കാരുടെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*