അന്നവും അക്ഷരവും ആദരവോടെ വിളമ്പുന്നൊരിടം

അന്നവും അക്ഷരവും ആദരവോടെ വിളമ്പുന്നൊരിടം

നെയ്യാറ്റിൻകര : ഫാ. ബോബി ജോസ് കട്ടിക്കാടിന്റെ നേതൃത്വത്തിൽ അമരവിളയിൽ പ്രവർത്തനം ആരംഭിച്ച അഞ്ചപ്പമെന്ന ഭക്ഷണ ശാല ഇതിനോടകം ശ്രദ്ധ പിടിച്ചുപറ്റിയിരിക്കുകയാണ്.

ജാതി മത ഭേദമന്യേ എല്ലാവർക്കും ഒത്തുചേരാനുള്ള ഒരിടമെന്ന ആശയത്തോടെ  ബോബിയച്ചനും ഒരു പറ്റം യുവമനസുകളുടെയും  പങ്കാളിത്തത്തോടെ  അഞ്ചപ്പം പ്രവർത്തനം  ആരംഭിച്ചിട്ട് മൂന്ന് വർഷങ്ങൾ പിന്നിടുകയാണ്.

അഞ്ചപ്പമെന്ന ഭോജന ശാലയിൽ ആളുകൾക്ക് ഒത്തുചേരാനും ഭക്ഷണം കഴിക്കാനും, വിളമ്പാനും, വിവിധ ചർച്ചകൾ നടത്താനും, പുസ്തകങ്ങൾ വായിക്കാനും അതിലെ ആശയങ്ങൾ പങ്കുവെയ്ക്കാനും സാധിക്കുന്ന തരത്തിലാണ് ഒരുക്കിയിരിക്കുന്നത്.  ഒരു സ്നേഹത്തിന്റെ,  സാഹോദര്യത്തിന്റെ കൂട്ടായ്മയെ സൃഷ്ടിക്കലാണ്  ലക്ഷ്യം.

കഴിഞ്ഞ വർഷങ്ങളിൽ നെയ്യാറ്റിൻ കര ടൗണിനോട് ചേർന്ന് അഞ്ചപ്പം പ്രവർത്തിച്ചു വരികയായിരുന്നു. ഡിസംബർ ഒന്നിന് പുതിയ ശാല അമരവിളയിൽ പ്രവർത്തനം  പുനരാരംഭിച്ചിരിക്കുകയാണ്. ബോബിയച്ചനും അദ്ദേഹത്തിന്റെ ഒരു കൂട്ടം സുഹൃത്തുക്കളായ യുവാക്കളും ചേർന്നാണ് അഞ്ചപ്പത്തിന്റെ പ്രവർത്തനം മുന്നോട്ട് കൊണ്ടുപോകുന്നത്.

അന്നവും അക്ഷരവും ആദരവോടെ എന്ന ആശയത്തോടെയുള്ള  പുതിയ ഭോജന ശാല തികച്ചും പ്രകൃതി സൗഹൃദപരമായും, ഉപയോഗ ശൂന്യമായ വസ്തുക്കൾ ഉപയോഗിച്ചുമാണ് അലങ്കരിച്ചിരിക്കുന്നത്.
പുതിയ കാലത്തെ ഒരു കഫെ പ്രീതിഫലിപ്പിക്കുന്ന രീതിയിൽ വളരെ മനോഹരണയാണ് തന്റെ കൂടെയുള്ള യുവാക്കൾ തയ്യാറാക്കിയതെന്നും, നമ്മൾ പൊതുവെ അവഗണിക്കുന്ന കാര്യങ്ങളെ ഒന്ന് മിനുക്കിയെടുത്താൽ അതിന് എന്ത് മാത്രം വെത്യാസമുണ്ടാകുമെന്ന ചെറിയൊരു ഉദാഹരണമാണ് അഞ്ചപ്പം എന്ന്‌ ഫാ. ബോബി ജോസ് കട്ടിക്കാട് പറഞ്ഞു.

അന്നം, അക്ഷരം, ആദരവ് എന്നീ ആശയങ്ങളിൽ നിന്നുകൊണ്ട്, സുമനസുകളെ കൂട്ടിനിർത്തിയുള്ള ഒരു സൗഹൃദ കൂട്ടായ്മയാണ് അഞ്ചപ്പം. ബില്ലും, ക്യാഷ് കൗണ്ടറുകളും ഒന്നും ഇല്ലാതെ പ്രവർത്തിക്കുന്ന ശാലയിൽ  ആർക്കും എപ്പോൾ വേണമെങ്കിലും പ്രവേശിക്കാൻ സാധിക്കുന്ന  ഒരിടമാണെന്നു ദിവ്യ പി ദേവ്  പറഞ്ഞു. അഞ്ചപ്പത്തോടൊപ്പം പ്രവർത്തിക്കാൻ കഴിഞ്ഞതിൽ വളരെ സന്തോഷമുണ്ടെന്ന്  കോർഡിനേറ്റർ ദിവ്യ പി ദേവ്  കൂട്ടിച്ചേർത്തു.


Tags assigned to this article:
anjappamfoodfr.boby joseservice

Related Articles

കെ. സി. വൈ. എം കൊച്ചി രൂപതയും ജീവനാദവും കൈകോർത്തു

  കെ.സി.വൈ.എം കൊച്ചി രൂപതയും കേരള ലാറ്റിൻ കത്തോലിക്ക സഭയുടെ മുഖപത്രമായ ജീവനാദവും കൈകോർക്കുന്നു. കുമ്പളങ്ങി സാൻജോസ് ഇടവകയിൽ വച്ച് ഈ പദ്ധതിയുടെ രൂപതാതല ഉത്ഘാടനം ജീവനാദം

കേരളത്തെ രാഹുല്‍ ഗാന്ധി ആശ്ലേഷിക്കുമ്പോള്‍

പ്രധാനമന്ത്രി സ്ഥാനാര്‍ഥി എന്നു സ്വയം വിശേഷിപ്പിക്കുന്നില്ലെങ്കിലും ഇന്ത്യന്‍ നാഷണല്‍ കോണ്‍ഗ്രസിന്റെ ദേശീയ അധ്യക്ഷന്‍ രാഹുല്‍ ഗാന്ധി കേരളത്തിലെ ഏറ്റവും പിന്നാക്ക മേഖലയിലെ ഒരു ലോക്‌സഭാ മണ്ഡലത്തെ തന്റെ

കെആര്‍എല്‍സിസി എന്നാല്‍

  കേരളത്തിലെ ലത്തീന്‍ രൂപതകളെയും സംഘടനകളെയും പ്രസ്ഥാനങ്ങളെയും ഏകോപിക്കുന്ന സമിതിയാണ് കേരള റീജ്യന്‍ ലാറ്റിന്‍ കാത്തലിക് കൗണ്‍സില്‍ (കെആര്‍എല്‍സിസി). 2002 മെയ് 24ന് ആരംഭംകുറിച്ച കെആര്‍എല്‍സിസി ലത്തീന്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*