Breaking News

അമ്മൂമ്മയ്ക്കു പുതുജീവനേകി പേരക്കുട്ടി

അമ്മൂമ്മയ്ക്കു പുതുജീവനേകി പേരക്കുട്ടി

പുന്നപ്ര: വള്ളം മുങ്ങി ജീവന്‍ അപകടത്തിലായപ്പോള്‍ സ്വയം രക്ഷപ്പെടാനല്ല റോജിന്‍ ശ്രമിച്ചത്. ജീവിതത്തിലേക്ക് തന്റെ അമ്മൂമ്മയെക്കൂടി കൈപിടിച്ച് നീന്തിച്ചു ആ പതിനൊന്നുകാരന്‍. കരിച്ചിറ വാളേക്കാട് വീട്ടില്‍ വി.ജെ ജോസഫിന്റെ ഭാര്യ മറിയാമ്മയെ (60) യാണ് പുന്നപ്ര തെക്ക് പുത്തന്‍പുരക്കല്‍ റോബര്‍ട്ടിന്റെ മകന്‍ റോജിന്‍ രക്ഷിച്ചത്. റോജിന്റെ അമ്മ ജിന്‍സിയുടെ മാതാവാണ് മറിയാമ്മ.
പൂക്കൈതയാറിന്റെ മറുകരയില്‍ ചെമ്പുംപുറം നര്‍ബോനപുരം പള്ളിയിലേക്ക് വഞ്ചിയില്‍ പോകുകയായിരുന്നു ഇരുവരും. മറിയാമ്മയുടെ ഭര്‍ത്താവ് ജോസഫിന്റെ കുഴിമാടത്തില്‍ പ്രാര്‍ഥിക്കാനായിരുന്നു അമ്മൂമ്മയും പേരക്കുട്ടിയും പോയത്.
രാവിലെ 6.45 ഓടെ വഞ്ചിയില്‍ അമിതവേഗത്തില്‍ വന്ന ഒരു പുരവഞ്ചി(വഞ്ചിവീട്) ഇടിക്കുകയായിരുന്നു. വഞ്ചി മറിഞ്ഞ് ഇരുവരും വെള്ളത്തില്‍ വീണു. രക്ഷിക്കാന്‍ മെനക്കെടാതെ വഞ്ചിവീട്ടുകാര്‍ സ്ഥലം വിട്ടു. ഇരുവര്‍ക്കും നീന്തല്‍ അറിയാമായിരുന്നെങ്കിലും മറിയാമ്മയുടെ കാലില്‍ സാരി കുരുങ്ങിയതിനാല്‍ നീന്താന്‍ കഴിഞ്ഞില്ല. റോജിന്‍ ഒരു കൈകൊണ്ട് അമ്മൂമ്മയെ താങ്ങിപ്പിടിച്ച് മറുകൈ വഞ്ചിയില്‍ പിടിച്ച് കരയിലേക്കു നീന്തി. ഏറെ ആയാസപ്പെട്ടെങ്കിലും അമ്മൂമ്മയെ കൈവിടാതെ റോജിന്‍ കരയിലെത്തിച്ചു. വീട്ടിലെത്തിയ ഇരുവരും നനഞ്ഞ വസ്ത്രങ്ങള്‍ മാറി വീണ്ടും പള്ളിയിലേക്കു പുറപ്പെട്ടു.
റോജിന്റെ ധീരതയെ പുന്നപ്ര വിശുദ്ധ ജോണ്‍ മരിയ വിയാനി പള്ളിയില്‍ ചേര്‍ന്ന യോഗം അഭിനന്ദിച്ചു. വികാരി ഫാ. ഫ്രാന്‍സിസ് സേവ്യര്‍ കൈതവളപ്പില്‍ റോജിന് പുരസ്‌കാരം സമ്മാനിച്ചു.


Related Articles

ഐസാറ്റ് എന്‍ജിനീയറിംഗ് കോളജ് വിദ്യാര്‍ഥികള്‍ക്ക് കാമ്പസ് റിക്രൂട്ട്‌മെന്റിലൂടെ നിയമനം

എറണാകുളം: കളമശേരി ആല്‍ബേര്‍ഷ്യന്‍ ഇന്‍സ്റ്റിറ്റിയൂട്ട് ഓഫ് സയന്‍സ് ആന്‍ഡ് ടെക്‌നോളജിയില്‍ വിവിധ കമ്പനികള്‍ നടത്തിയ റിക്രൂട്ട്‌മെന്റിലൂടെ 78 ശതമാനം വിദ്യാര്‍ഥികള്‍ക്ക് നിയമനം ലഭിച്ചതായി മാനേജ്‌മെന്റ് അറിയിച്ചു. പ്ലേസ്‌മെന്റില്‍

ന്യൂനപക്ഷങ്ങള്‍ക്കെതിരായ ആക്രമണം ഇന്ത്യയ്ക്കെതിരായ ആക്രമണംതന്നെ!

പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയ്ക്കുശേഷം കര്‍ദ്ദിനാള്‍ ഓസ്വാള്‍ഡ് ഗ്രേഷ്യസ് പങ്കുവച്ച വസ്തുതകള്‍ : ഇന്ത്യയിലെ ന്യൂനപക്ഷങ്ങള്‍ക്ക് എതിരായ ആക്രമണം ഇന്ത്യ്ക്കെതിരായ ആക്രമണം തന്നെയാണെന്ന് കര്‍ദ്ദിനാള്‍ ഓസ്വാള്‍ ഗ്രേഷ്യസ്

കൗമാര പ്രായക്കാരനില്‍ ഉണ്ടായ ഹാര്‍ട്ടറ്റാക്ക്

പാതിരാത്രി ഏതാണ്ട് രണ്ടുമണിയോടുകൂടി ഗാഢനിദ്രയില്‍ ആയിരുന്ന എന്നെ പെട്ടെന്ന് ഉണര്‍ത്തിയത് സുഹൃത്തായ വൈദികന്റെ ടെലഫോണ്‍ വിളിയാണ്. അച്ചന്റെ സഹോദരന്റെ കേവലം 17 വയസുള്ള മകന് കലശലായ നെഞ്ചുവേദന.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*