അരൂര്‍-കുമ്പളങ്ങി ഫെറി സര്‍വിസ് പുനരാരംഭിക്കണം: കെസിവൈഎം
കൊച്ചി: അരൂര്‍-കുമ്പളങ്ങി കെല്‍ട്രോണ്‍ ഫെറി ചങ്ങാട സര്‍വിസ് പുനരാംരഭിക്കണമെന്ന് ആവശ്യപ്പെട്ട് കെസിവൈഎം കുമ്പളങ്ങി മേഖലയുടെ നേതൃത്വത്തില്‍ പ്രതിഷേധ ധര്‍ണ നടത്തി. വിദ്യാര്‍ത്ഥികള്‍ ഉള്‍പ്പടെ നിരവധി യാത്രക്കാര്‍ ദിവസവും സഞ്ചരിക്കുന്ന അരൂര്‍ കെല്‍ട്രോണ്‍ ഫെറിയില്‍ ഫിറ്റ്‌നസ് സര്‍ട്ടിഫിക്കറ്റ് ഇല്ലാതെ നടത്തിയിരുന്ന ചങ്ങാട സര്‍വീസ് നിര്‍ത്തലാക്കിയതിനെ തുടര്‍ന്ന് ചെറിയ വഞ്ചികളില്‍ യാതൊരു സുരക്ഷയുമില്ലാതെ സര്‍വീസ് നടത്തുന്നത് ആപത്താണെന്നു കെസിവൈഎം ചൂണ്ടിക്കാട്ടി. എല്‍സിവൈഎം സംസ്ഥാന പ്രസിഡന്റ് അജിത്ത് തങ്കച്ചന്‍ കാനപ്പിള്ളി ഉദ്ഘാടനം നിര്‍വഹിച്ചു. കുമ്പളങ്ങി മേഖല പ്രസിഡന്റ് ടെറന്‍സ് തെക്കേകളത്തുങ്കല്‍ അദ്ധ്യക്ഷത വഹിച്ചു. രൂപത പ്രസിഡന്റ് ജോസഫ് ദിലീപ് ചൂളക്കല്‍ മുഖ്യപ്രഭാഷണം നടത്തി. ഒപ്പം തന്നെ കുമ്പളങ്ങി അരൂര്‍ പാലത്തിന്റെ നിര്‍മാണത്തിനുള്ള നടപടികളും അധികൃതര്‍ വേഗത്തിലാക്കണമെന്നും യോഗം ആവശ്യപ്പെട്ടു. ഈ വിഷയത്തില്‍ സമരം കൂടുതല്‍ ജനകീയമാക്കാനും ശക്തമായ സമരങ്ങളുമായ് മുന്നോട്ടു പോകുവാനാണ് കെസിവൈഎം തീരുമാനിച്ചിരിക്കുന്നത്.
രൂപത ജനറല്‍ സെക്രട്ടറി ക്രിസ്റ്റി ചക്കാലക്കല്‍ മുന്‍ രൂപത പ്രസിഡന്റ് സെല്‍ബന്‍ അറക്കല്‍, മേഖല സെക്രട്ടറി ജോസ്‌മോന്‍ കാനയ്ക്കാപ്പിള്ളി, സെല്‍ജന്‍ കുറുപ്പശേരി, സെബിന്‍ തുടങ്ങിയവര്‍ പ്രസംഗിച്ചു. തുടര്‍ന്ന് നടന്ന മേഖല എക്‌സിക്യൂട്ടീവ് യോഗത്തില്‍ കെല്‍ട്രോണ്‍ കുമ്പളങ്ങി അരൂര്‍ പാലം എന്ന ആവശ്യത്തിനായ് കെസിവൈഎമ്മിന്റെ നേതൃത്വത്തില്‍ ജനകീയ സമരസമിതി രൂപീകരിക്കാനും തിരുമാനിച്ചു.
Related Articles
അയോധ്യാകാണ്ഡത്തിനുശേഷം
തര്‍ക്കവിതര്‍ക്കങ്ങള്‍ക്ക് സ്ഥാനം നല്‍കാതെ അയോധ്യാ കേസിലെ പരമോന്നത കോടതി വിധി പരക്കെ സ്വാഗതം ചെയ്ത രണ്ടു ദിനങ്ങള്‍ക്കുശേഷം മാധ്യമങ്ങള്‍-കുറഞ്ഞത് ദേശീയ മാധ്യമങ്ങളെങ്കിലും- അച്ചടക്കത്തിന്റെ വല്മീകത്തില്‍നിന്ന് പുറത്തുകടന്നിരിക്കുന്നു. കോടതി
കെആര്‍എല്‍സിസി ജനറല്‍ അസംബ്ലി നാളെ (13ന്) ഇടക്കൊച്ചി ആല്‍ഫ പാസ്റ്ററല്‍ സെന്ററില്‍ ആരംഭിക്കും
കൊച്ചി : കേരള റീജ്യന്‍ ലാറ്റിന്‍ കാത്തലിക് കൗണ്‍സിലിന്റെ 32-ാംമത് ജനറല്‍ അസംബ്ലി ജൂലായ് 13,14,15 തീയതികളിലായി ഇടക്കൊച്ചി ആല്‍ഫാ പാസ്റ്ററല്‍ സെന്ററില്‍ നടക്കും. വിദ്യഭ്യാസ മേഖലയിലുള്ള
ദൈവദാസന്‍ ജോസഫ് അട്ടിപ്പേറ്റിയുടെ ദൈവദാസ പദവിയുടെ ഒന്നാം വാര്‍ഷികം ആചരിച്ചു.
എറണാകുളം: വരാപ്പുഴ അതിരൂപതയുടെയും ഭാരത ലത്തീന്‍ സഭയുടെയും പ്രഥമ തദ്ദേശീയ മെത്രാപോലിത്ത ജോസഫ് അട്ടിപ്പേറ്റി ദൈവദാസന്‍ ആയി ഉയര്‍ത്തപ്പെട്ടതിന്റെ പ്രഥമ വാര്‍ഷികം 2021 ജനുവരി 21ന്
