അലക്‌സാണ്ടര്‍ ആന്റണിക്ക്‌ തീരദേശത്തിന്റെ ആദരം
തിരുവനന്തപുരം: സംസ്ഥാന സര്‍ക്കാര്‍ ഉദ്യോഗസ്ഥരില്‍ നിന്ന്‌ ഇത്തവണ ഐഎഎസ്‌ ലഭിച്ച ലേബര്‍ കമ്മീഷണര്‍ അലക്‌സാണ്ടര്‍ ആന്റണിക്ക്‌ തീരദേശ സമൂഹത്തിന്റെ ആദരം. ഒരു മത്സ്യത്തൊഴിലാളിയുടെ മകന്‍ സംസ്ഥാനത്തിന്റെ ചരിത്രത്തില്‍ ആദ്യമായാണ്‌ ഐഎഎസ്‌ നേടുന്നത്‌.
കന്യാകുമാരി ജില്ലയിലെ വല്ലവിളയില്‍ മത്സ്യത്തൊഴിലാളിയായിരുന്ന ആന്റണിയുടെയും മരിയ പുഷ്‌പത്തിന്റെയും മകനാണ്‌ അലക്‌സാണ്ടര്‍ ആന്റണി. ബാലരാമപുരത്ത്‌ സഹോദരിയുടെ കുടുംബത്തോടൊപ്പം താമസിച്ചാണ്‌ വിദ്യാഭ്യാസം നടത്തിയത്‌. തിരുവനന്തപുരം ലയോള കോളജില്‍ നിന്ന്‌ എംഎസ്‌ഡബ്ല്യു ബിരുദം നേടിയശേഷം 1990ല്‍ അസിസ്റ്റന്റ്‌ ലേബര്‍ ഓഫീസറായി സംസ്ഥാന സര്‍ക്കാര്‍ സര്‍വീസില്‍ പ്രവേശിച്ചു. ആലപ്പുഴയിലും തിരുവനന്തപുരത്തും ഡപ്യൂട്ടി ലേബര്‍ കമ്മീഷണര്‍, ജോയിന്റ്‌ ലേബര്‍ കമ്മീഷണര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്‌.
ഇത്തവണ കേരളത്തില്‍ നിന്നു ഒരു സര്‍ക്കാര്‍ ഉദ്യോഗസ്ഥന്‌ മാത്രമേ ഐഎഎസ്‌ ലഭിച്ചിട്ടുള്ളൂ.
അഞ്ചുപേരുടെ പട്ടികയില്‍ നിന്നാണ്‌ അലക്‌സാണ്ടര്‍ ആന്റണി തിരഞ്ഞെടുക്കപ്പെട്ടത്‌. ഇപ്പോള്‍ കമലേശ്വരത്താണ്‌ താമസം. സ്വകാര്യബാങ്ക്‌ ഉദ്യോഗസ്ഥയായ സല്‍മ അലക്‌സാണ്ടര്‍ ആണ്‌ ഭാര്യ. വിദ്യാര്‍ത്ഥികളായ ടോമി അലക്‌സാണ്ടര്‍, ആഷ്‌മി അലക്‌സാണ്ടര്‍ എന്നിവരാണ്‌ മക്കള്‍.
~ഐഎഎസ്‌ പരീക്ഷയുടെ ഭാഗമായ അഭിമുഖത്തിന്‌ തയ്യാറെടുക്കുന്ന വലിയതുറ സ്വദേശിയായ ആനന്ദാണ്‌ അനുമോദനച്ചടങ്ങില്‍ അലക്‌സാണ്ടറിന്‌ പുരസ്‌കാരം സമ്മാനിച്ചത്‌. ടി. പീറ്റര്‍ അദ്ധ്യക്ഷനായി. റോബര്‍ട്ട്‌ പനിപ്പിള്ള, നളിനി നായിക്‌, ആന്റണി രാജു, ഡോ. മരിയ ജോണ്‍, ഡോ. ടിറ്റോ, ഡോ. ജോണ്‍ കുര്യന്‍ എന്നിവര്‍ സംസാരിച്ചു.
Related Articles
ഫ്രാങ്കോ മുളയ്ക്കലിനെ ബിഷപ് സ്ഥാനത്തു നിന്നും നീക്കി; ബിഷപ് ഡോ. ആഗ്നലോ റൂഫിനോ ഗ്രേഷ്യസിന് ചുമതല
ന്യൂഡല്‍ഹി: ജലന്ധര്‍ ബിഷപ്പ് സ്ഥാനത്തു നിന്നും തന്നെ താല്ക്കാലികമായി മാറ്റണമെന്ന ബിഷപ് ഫ്രാങ്കോ മുളയ്ക്കലിന്റെ അഭ്യര്‍ത്ഥന ഫ്രാന്‍സിസ് പാപ്പാ സ്വീകരിച്ചതായി സിബിസിഐ പ്രസിഡന്റ് കര്‍ദിനാള്‍ ഡോ. ഓസ്വാള്‍ഡ്
ആലുവ സെൻ്റ് സേവ്യേഴ്സിന് കേന്ദ വിദ്യാഭ്യാസ മന്ത്രാലയത്തിൻ്റെ ഫൈവ് സ്റ്റാർ റാങ്കിംഗ് ദേശീയാംഗീകാരം
കേന്ദ്ര വിദ്യാഭ്യാസ മന്ത്രാലയത്തിൻ്റെ ദേശീയ ഇന്നവേഷൻ റാങ്കിങ്ങിൽ സെൻ്റ് സേവ്യേഴ്സിന് ഫൈവ് സ്റ്റാർ അംഗീകാരം. നൂതന ആശയ വികസനം, സംരംഭകത്വം, ബൗദ്ധിക സ്വത്തവകാശം എന്നീ ഘടകങ്ങളെ മുൻനിർത്തിയുള്ള
അമ്മൂമ്മയ്ക്കു പുതുജീവനേകി പേരക്കുട്ടി
പുന്നപ്ര: വള്ളം മുങ്ങി ജീവന്‍ അപകടത്തിലായപ്പോള്‍ സ്വയം രക്ഷപ്പെടാനല്ല റോജിന്‍ ശ്രമിച്ചത്. ജീവിതത്തിലേക്ക് തന്റെ അമ്മൂമ്മയെക്കൂടി കൈപിടിച്ച് നീന്തിച്ചു ആ പതിനൊന്നുകാരന്‍. കരിച്ചിറ വാളേക്കാട് വീട്ടില്‍ വി.ജെ
