അഴീക്കോട്-മുനമ്പം ജങ്കാര്‍ സര്‍വീസ് ഉടന്‍ പുനരാരംഭിക്കണം

അഴീക്കോട്-മുനമ്പം ജങ്കാര്‍ സര്‍വീസ് ഉടന്‍ പുനരാരംഭിക്കണം

കൊടുങ്ങല്ലൂര്‍: തൃശൂര്‍-എറണാകുളം ജില്ലകളെ ബന്ധിപ്പിക്കുന്നതും തീരദേശമേഖലയിലെ പ്രധാന യാത്രാമാര്‍ഗവുമായ അഴീക്കോട്-മുനമ്പം ജങ്കാര്‍ സര്‍വീസ് ഉടനെ പുനരാരംഭിച്ചില്ലെങ്കില്‍ പ്രക്ഷോഭം ശക്തമാക്കുമെന്ന് കേരള ലാറ്റിന്‍ കാത്തലിക് അസോസിയേഷന്‍ (കെഎല്‍സിഎ) മുന്നറിയിപ്പ് നല്‍കി. ഇതിന് മുന്നോടിയായി സംഘടിപ്പിച്ച ജനജാഗ്രതാ മാര്‍ച്ച് കോട്ടപ്പുറം രൂപത വികാരി ജനറല്‍ മോണ്‍. ആന്റണി കുരിശിങ്കല്‍ ഉദ്ഘാടനം ചെയ്തു. മാര്‍ച്ചില്‍ നൂറുകണക്കിനുപേര്‍ പങ്കെടുത്തു.
തുടര്‍ന്നു സംഘടിപ്പിച്ച പ്രതിഷേധയോഗം കെഎല്‍സിഎ സംസ്ഥാന ജനറല്‍ സെക്രട്ടറി അഡ്വ. ഷെറി ജെ. തോമസ് ഉദ്ഘാടനം ചെയ്തു. അഡ്വ. എം.ജയശങ്കര്‍ മുഖ്യപ്രഭാഷണം നടത്തി. കെഎല്‍സിഎ കോട്ടപ്പുറം രൂപത പ്രസിഡന്റ് അലക്‌സ് താളൂപ്പാടത്ത് അധ്യക്ഷത വഹിച്ചു.
കെഎല്‍സിഎ സംസ്ഥാന വൈസ് പ്രസിഡന്റ് ഇ.ഡി. ഫ്രാന്‍സിസ് ആശംസ നേര്‍ന്നു. കെഎല്‍സിഎ രൂപതാ ജനറല്‍ സെക്രട്ടറി ജെയ്‌സണ്‍ ജേക്കബ് സ്വാഗതവും സാമൂഹ്യ രാഷ്ട്രീയ ഫോറം കണ്‍വീനര്‍ ഷാജു പീറ്റര്‍ നന്ദിയും പറഞ്ഞു.
ദിവസേന ആയിരക്കണക്കിനു യാത്രക്കാരും ചരക്കുവാഹനങ്ങളും മത്സ്യത്തൊഴിലാളികളും യാത്ര ചെയ്തിരുന്ന തീരദേശ ജനതയുടെ പ്രധാന യാത്രാമാര്‍ഗമായ മുനമ്പം-അഴീക്കോട് ജങ്കാര്‍ സര്‍വീസ് നിര്‍ത്തിയിട്ട് ഒരു വര്‍ഷം തികയുന്നു. ഒന്ന
ര കോടി രൂപ അറ്റകുറ്റപ്പണിക്കായി ചെലവഴിച്ചു പണിത ജങ്കാര്‍ ജെട്ടിയില്‍ അടുപ്പിക്കാനുള്ള ഊന്നുകുറ്റി നശിച്ചുപോയതിന്റെ പേരിലാണ് സര്‍വീസ് നിര്‍ത്തിയിരിക്കുന്നത്. നടപടികളെടുക്കേണ്ട ജനപ്രതിനിധികളും അധികാരികളും അനങ്ങാപ്പാറനയം സ്വീകരിക്കുകയാണെന്ന് കെഎല്‍സിഎ ആരോപിച്ചു.
2018 ജൂണിലാണ് ജങ്കാര്‍ സര്‍വീസ് നിര്‍ത്തിയത്. പിന്നെയും മൂന്നുമാസം കഴിഞ്ഞാണ് തകര്‍ന്ന ഊന്നുകുറ്റി മാറ്റി സ്ഥാപിക്കുന്നതിനായി തൃശൂര്‍ ജില്ലാ പഞ്ചായത്ത് ഹാര്‍ബര്‍ എന്‍ജിനീയറിംഗ് വിഭാഗത്തെ സമീപിക്കുന്നത്. അന്ന് 35 ലക്ഷം രൂപ എസ്റ്റിമേറ്റില്‍ ടെന്‍ഡര്‍ നടപടികള്‍ ആരംഭിച്ചെന്നും പിന്നീട് കരാറുകാരന്‍ പിന്‍മാറിയെന്നുമാണ് പറയുന്നത്. നിലവില്‍ 40 ലക്ഷം രൂപയ്ക്ക് ടെന്‍ഡര്‍ ക്ഷണിച്ചിട്ടുണ്ടെന്നും തുറമുഖ എന്‍ജിനീയറിംഗ് വിഭാഗത്തെ നിര്‍മാണ ചുമതല ഏല്‍പ്പിച്ചിട്ടുണ്ടെന്നും തുറമുഖ ഹാര്‍ബര്‍ എന്‍ജിനിയറിംഗ് വിഭാഗം നിര്‍മാണം തുടങ്ങുന്നതിന് തങ്ങള്‍ക്ക് സമ്മര്‍ദ്ദം ചെലുത്താന്‍ കഴിയില്ലെന്നുള്ള വരട്ടുവാദമാണ് ജില്ലാ പഞ്ചായത്തിന്റേത്. തൃശൂര്‍ ജില്ലാ പഞ്ചായത്തിന്റെയും ബന്ധപ്പെട്ട വകുപ്പുകളുടെയും കെടുകാര്യസ്ഥതയും ഇതിന്റെ പിന്നിലെ അഴിമതിയും കണ്ടില്ലെന്ന് നടിക്കാനാവില്ല-കെഎല്‍സിഎ നേതാക്കള്‍ ചൂണ്ടിക്കാട്ടി.
കോടിക്കണക്കിനു രൂപ ഖജനാവിലേക്ക് സ്വരൂപിക്കുന്ന മത്സ്യത്തൊഴിലാളികളുടെയും തീരദേശ ജനതയുടെയും അടിസ്ഥാന ആവശ്യത്തിനുമേല്‍ ജില്ലാ പഞ്ചായത്ത് അടയിരിക്കാന്‍ തുടങ്ങിയിട്ട് ഒരു വര്‍ഷം പിന്നിടുകയാണ്.
ജങ്കാറിനു പകരമായി ഇപ്പോള്‍ സര്‍വീസ് നടത്തുന്ന ചെറിയ ബോട്ട് അപകടകരമായാണ് സര്‍വീസ് നടത്തുന്നത്. പ്രളയകാലത്ത് നാടിന്റെ രക്ഷകരായി മാറിയ കേരളത്തിന്റെ സ്വന്തം സേനയായ മത്സ്യത്തൊഴിലാളികളുടെയും തീരദേശ ജനതയുടെയും യാത്രാമാര്‍ഗത്തിനുവേണ്ടിയുള്ള സമരത്തിന് കേരള ലാറ്റിന്‍ കാത്തലിക് അസോസിയേഷന്‍ മുന്‍കൈയെടുത്തിരിക്കുകയാണ്. ഇതിന്റെ ഭാഗമായി മുനമ്പം, പള്ളിപ്പുറം, അഴീക്കോട്, എറിയാട്, കാര പ്രദേശങ്ങളില്‍ വിശദീകരണ യോഗങ്ങള്‍ സംഘടിപ്പിച്ചു.
ജൂണ്‍ അഞ്ചിന് വൈകീട്ട് എറിയാട് പേ ബസാറില്‍ നിന്നും അഴീക്കോട്ടേയ്ക്ക് നടത്തിയ ജനജാഗ്രതാമാര്‍ച്ചില്‍ വന്‍ജനാവലിയാണ് പങ്കെടുത്തത്.


Related Articles

മാർ ആലഞ്ചേരി സ്ഥാനമൊഴിഞ്ഞു. മാർ ജേക്കബ് മനത്തോടത്ത് അപ്പോസ്തലീക അഡ്മിനിസ്ട്രേറ്റർ

പാലക്കാട് രൂപത മെത്രാൻ മാർ ജേക്കബ് മനത്തോടത്ത് എറണാകുളം-അങ്കമാലി അതിരൂപതയുടെ അപ്പോസ്തോലിക അഡ്മിനിസ്ട്രേറ്ററായി മാർപാപ്പ നിയമിച്ചു. റോമൻ സമയം ഉച്ചയ്ക്ക് 12 മണിക്കും ഇന്ത്യൻ സമയം ഉച്ചയ്ക്ക്

പ്രൊഫ. എബ്രഹാം അറയ്ക്കലിന് കെസിബിസി ഗുരുപൂജ പുരസ്‌കാരം

എറണാകുളം: കേരള കത്തോലിക്കാസഭയുടെ മീഡിയകമ്മീഷന്‍ 2017ലെ അവാര്‍ഡുകള്‍ പ്രഖ്യാപിച്ചു. ഷെവലിയര്‍ പ്രൊഫ. അബ്രാഹം അറയ്ക്കല്‍, ഫാ. അലക്‌സാണ്ടര്‍ പൈകട, മോണ്‍. മാത്യു എം. ചാലില്‍, സോളമന്‍ ജോസഫ്

ആല്‍ഫി ഇവാന്‍സിന്റെ വേര്‍പാടില്‍ അഗാധദു:ഖം: ഫ്രാന്‍സിസ് പാപ്പാ

                       കുഞ്ഞ് ആല്‍ഫിയുടെ നിര്യാണത്താല്‍ താന്‍ ആഴമായി സ്പര്‍ശിക്കപ്പെട്ടതായി ഫ്രാന്‍സിസ് പാപ്പാ. വിങ്ങുന്ന

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*