Breaking News

ആനക്കാര്യത്തില്‍ ഇളക്കമില്ലാതെ കളക്ടര്‍ അനുപമ

ആനക്കാര്യത്തില്‍ ഇളക്കമില്ലാതെ കളക്ടര്‍ അനുപമ
തൃശൂര്‍: തൃശൂര്‍ പൂരത്തിന് എഴുന്നള്ളിക്കുന്ന ആനകളുടെ കാര്യത്തില്‍ കോടതി ഉത്തരവില്‍ വെള്ളം ചേര്‍ക്കാനില്ലെന്ന് കളക്ടര്‍ അനുപമ വ്യക്തമാക്കി. പൂരത്തിന് ആനകളെ എഴുന്നള്ളിക്കുന്നതിന് നിയന്ത്രണങ്ങളുണ്ട്. അത് കോടതി ഉത്തരവിന്റെ അടിസ്ഥാനത്തിലാണ്. മെയ് 12,13,14 ദിവസങ്ങളില്‍ നീരുള്ളവ, മദപ്പാടുള്ളവ, വെടിക്കെട്ട് നടക്കുമ്പോള്‍ വിരണ്ടോടുന്ന തരത്തിലുള്ളവ എന്നിങ്ങനെയുള്ള ആനകളെ തൃശൂര്‍ ടൗണിനകത്ത് പ്രവേശിക്കുന്നതില്‍ വിലക്കുണ്ട്. അതേസമയം വിലക്കുള്ള ആനകളില്‍ തെച്ചിക്കോട്ട് കാവ് രാമചന്ദ്രന്‍ ഉള്‍പ്പെടുമോ എന്ന ചോദ്യത്തിന് കോടതിയുടെ പരിഗണനയിലിരിക്കുന്ന വിഷയത്തില്‍ അഭിപ്രായം പറയുന്നില്ലെന്നും അവര്‍ പറഞ്ഞു. തൃശൂര്‍ പൂരത്തിന്റെ ഒരുക്കങ്ങള്‍ വിശദീകരിക്കാന്‍ വിളിച്ചു ചേര്‍ത്ത പത്രസമ്മേളനത്തിലാണ് കളക്ടര്‍ ഇക്കാര്യങ്ങള്‍ വ്യക്തമാക്കിയത്.
തെച്ചിക്കോട്ട്കാവ് രാമചന്ദ്രനെ ഉത്സവത്തിന് എഴുന്നള്ളിക്കുന്നത് വിലക്കാനുള്ള നീക്കത്തില്‍ പ്രതിഷേധിച്ച് സംസ്ഥാനത്തെ ഒരു പരിപാടിക്കും ആനകളെ പങ്കെടുപ്പിക്കില്ലെന്ന് ആനയുടമകള്‍ വ്യക്തമാക്കിയിരുന്നു. ഉത്സവങ്ങള്‍ തകര്‍ക്കാനുള്ള നീക്കമാണ് വനംവകുപ്പിന്റെ നേതൃത്വത്തില്‍ നടക്കുന്നതെന്നും അവര്‍ ആരോപിച്ചിരുന്നു.
തൃശൂര്‍ പൂരത്തിന് വര്‍ഷങ്ങളായി സ്ഥിര സാന്നിധ്യമാണ് രാമചന്ദ്രന്‍. ഘടക ക്ഷേത്രമായ നെയ്തലക്കാവിലമ്മയുടെ തിടമ്പേറ്റി വടക്കുംനാഥന്റെ തെക്കേ ഗോപുരവാതില്‍ തുറന്ന് തെക്കോട്ടിറങ്ങി തൃശൂര്‍ പൂരത്തിന് തുടക്കം കുറിക്കുന്ന ചടങ്ങിന് വര്‍ഷങ്ങളായി രാമചന്ദ്രനാണ് തിരഞ്ഞെടുക്കപ്പെടുന്നത്. തെക്കോട്ടിറങ്ങി രാമചന്ദ്രന്‍ മടങ്ങുന്ന കാഴ്ച്ച കാണാന്‍ നൂറുകണക്കിന് ആളുകളാണ് എത്തിച്ചേരുന്നത്. ഏഷ്യയിലെ ഏറ്റവും ഉയരമുള്ള രണ്ടാമത്തെ ആനയും കേരളത്തിലെ ഏറ്റവും ഉയരമുള്ള ആനയുമാണ് രാമചന്ദ്രന്‍. 317 സെന്റീമീറ്ററാണ് ഇരിക്കസ്ഥാനത്തുനിന്നുള്ള ഉയരം. ഉടല്‍നീളം 340 സെന്റീമീറ്റര്‍. വിരിഞ്ഞ മസ്തകം, കൊഴുത്തുരുണ്ട നീണ്ട ഉടല്‍, ഉറച്ച കാലുകള്‍ എന്നിവയാണ് രാമചന്ദ്രന്റെ പ്രത്യേകതകള്‍. ലക്ഷണമൊത്ത 18 നഖവും നിലംമുട്ടുന്ന തുമ്പിക്കൈയും തലയെടുപ്പുമൊക്കെയുള്ള ഈ ആന എഴുന്നള്ളത്തിന് കോലം കയറ്റിക്കഴിഞ്ഞാല്‍ തിടമ്പിറക്കുംവരെയും തല എടുത്തുപിടിച്ചുനില്‍ക്കുമെന്നതാണ് ആകര്‍ഷണീയത. കേരളത്തില്‍ തലപ്പൊക്ക മത്സരങ്ങളില്‍ എപ്പോഴും വിജയിക്കുന്നതും രാമചന്ദ്രന്‍ തന്നെ. ബിഹാറില്‍ നിന്നു കൊണ്ടു വന്ന രാമചന്ദ്രന് ഇപ്പോള്‍ 50 വയസ് പ്രായമുണ്ട്. 
കാഴ്ചയില്‍ ശാന്തനാണെങ്കിലും ഇടഞ്ഞാല്‍ പോക്കിരിയാണ്. ആറ് പാപ്പാന്‍മാരും നാല് സ്ത്രീകളും ഒരു വിദ്യാര്‍ഥിയും ഉള്‍പ്പെടെ 13 പേരെ തെച്ചിക്കോട്ട് രാമചന്ദ്രന്‍ ഇതുവരെ കൊന്നിട്ടുണ്ട്. രാമചന്ദ്രന്റെ കുത്തേറ്റ് തിരുവമ്പാടി ചന്ദ്രശേഖരനെന്ന ആന ചരിഞ്ഞു.

Related Articles

തീരദേശത്തെ കടലാക്രമണ വിഷയത്തിൽ ഫിഷറീസ് മന്ത്രിയുടെ പ്രസ്താവന അപലപിനിയം. കെ സി വെ എം ആലപ്പുഴ രൂപത

തീരദേശത്തെ കടലാക്രമണ മേഖലയിൽ നിന്ന് ജനങ്ങൾ മാറി താമസിക്കുന്നത് മാത്രമാണ് പരിഹാരം എന്ന ജെ. മേഴ്‌സിക്കുട്ടിയമ്മയുടെ പ്രസ്താവന സർക്കാരിന്റെ ജനവിരുദ്ധ നയങ്ങളുടെ തുറന്നു കാട്ടലാണ്. കടലിനെ ആശ്രയിച്ചു

നമ്പ്രാടത്ത് ജാനകിയെന്ന അമ്മയുടെ കാല്‍ക്കല്‍ നമസ്‌കരിച്ച്

റവ. ഡോ. ഗാസ്പര്‍ കടവിപറമ്പില്‍ ”ഇന്ത്യന്‍ പേസ്ബൗളര്‍ ഹാര്‍ദിക് പാണ്ഡ്യ ഒരു ഓവര്‍ എറിയുന്ന സമയത്തിനിടക്ക്, നാലുമാലിന്യവണ്ടികള്‍ നിറക്കാന്‍ മാത്രമുള്ള പ്ലാസ്റ്റിക് മാലിന്യങ്ങള്‍ കടലില്‍ വലിച്ചെറിയപ്പട്ടിരിക്കും”. 2018ലെ

ദുരിതത്തിൽ അകപ്പെട്ട വർക്ക് നഷ്ടപരിഹാരം ലഭിക്കാൻ

ദുരിതാശ്വാസ പദ്ധതിയുടെ ഭാഗമായി സർക്കാരിൽ സമർപ്പിക്കേണ്ട പ്രകൃതിക്ഷോഭ ദുരിതാശ്വാസ പദ്ധതിയുടെ പൊതുവായ അപേക്ഷാ ഫോറം ആണ് ഇതോടൊപ്പം ചേർത്തിട്ടുള്ളത്. അപേക്ഷാ ഫോറം കൃത്യമായി പൂരിപ്പിച്ച് അപേക്ഷ നൽകണം.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*