ആര്‍ച്ച്ബിഷപ് എമരിറ്റസ് ഡോ. ഫ്രാന്‍സിസ് കല്ലറക്കലിന്റെപൗരോഹിത്യസുവര്‍ണജൂബിലി ആഘോഷിച്ചു

ആര്‍ച്ച്ബിഷപ് എമരിറ്റസ് ഡോ. ഫ്രാന്‍സിസ് കല്ലറക്കലിന്റെപൗരോഹിത്യസുവര്‍ണജൂബിലി ആഘോഷിച്ചു

കോട്ടപ്പുറം: കോട്ടപ്പുറം രൂപതയുടെ പ്രഥമ മെത്രാന്‍ ആര്‍ച്ച്ബിഷപ് എമരിറ്റസ് ഡോ. ഫ്രാന്‍സിസ് കല്ലറക്കലിന്റെ പൗരോഹിത്യസുവര്‍ണ ജൂബിലി കോട്ടപ്പുറം രൂപതയുടെ ആഭിമുഖ്യത്തില്‍ ആഘോഷിച്ചു. കോട്ടപ്പുറം സെന്റ് മൈക്കിള്‍സ് കത്തീഡ്രലില്‍ നടന്ന ആഘോഷത്തില്‍ കോട്ടപ്പുറം ബിഷപ് ഡോ. ജോസഫ് കാരിക്കശേരി, ചാന്‍സലര്‍ റവ. ഡോ. ഫ്രാന്‍സിസ്‌കോ പടമാടന്‍, ജെസി ഇ. സി എന്നിവര്‍ പ്രസംഗിച്ചു. ആര്‍ച്ച്ബിഷപ് ഡോ. ഫ്രാന്‍സിസ് കല്ലറക്കല്‍ മറുപടി പ്രസംഗം നടത്തി.
ദിവ്യബലിയില്‍ ആര്‍ച്ച്ബിഷപ് ഡോ. ഫ്രാന്‍സിസ് കല്ലറക്കല്‍ മുഖ്യകാര്‍മികത്വം വഹിച്ചു. ബിഷപ് ഡോ. ജോസഫ് കാരിക്കശേരി, ചാന്‍സലര്‍ റവ. ഡോ. ഫ്രാന്‍സിസ്‌കോ പടമാടന്‍ എന്നിവര്‍ സഹകാര്‍മികരായി. ജീവനാദം മുന്‍ മാനേജിംഗ് എഡിറ്ററും എപ്പിസ്‌കോപ്പല്‍ വികാരിയുമായ ഫാ. റോക്കി റോബി കളത്തില്‍ വചനപ്രഘോഷണം നടത്തി.
ദയയുടെ ഭവനമാണ് ആര്‍ച്ച്ബിഷപ് കല്ലറക്കലെന്ന് ഫാ. റോക്കി റോബി കളത്തില്‍ പറഞ്ഞു. വിക്ടര്‍ ഹ്യൂഗോയുടെ പാവങ്ങള്‍ എന്ന നോവലില്‍ മെത്രാന്റെ ഭവനത്തിന് ജീന്‍വാല്‍ജിന്‍ എന്ന മോഷ്ടാവ് നല്കുന്ന പേര് ദയയുടെ ഭവനമെന്നാണ്. മനുഷ്യരെ മാത്രമല്ല പക്ഷിമൃഗാദികളെയും സ്‌നേഹിക്കണമെന്നു പഠിപ്പിച്ച അസീസിയിലെ സ്‌നേഹഗായകന്റെ നാമം പേറുന്ന ആര്‍ച്ച്ബിഷപ് കല്ലറക്കലിന് ചേരുന്ന വിശേഷണമാണ് ദയയുടെ ഭവനം. അദ്ദേഹവും അദ്ദേഹത്തിന്റെ മെത്രാസനമന്ദിരവും ഏതു പാവപ്പെട്ടവനും ഏതുസമയത്തും കയറിചെല്ലാവുന്ന അഭയകേന്ദ്രമായിരുന്നു.
ദൈവത്തിനും മനുഷ്യനും വേണ്ടി എന്ന തന്റെ ആപ്തവാക്യം അദ്ദേഹത്തിന്റെ ജീവിതത്തിലേക്കുള്ള ചൂണ്ടുപലകയാണ്. തിരക്കുകള്‍ക്കിടയിലും പരിചിതരോടും അപരിചിതരോടും കുശലം പറഞ്ഞും പുഞ്ചിരിച്ചും നടന്നു നീങ്ങുന്ന അദ്ദേഹത്തിന്റെ ജീവിതശൈലി അടുത്തറിയാവുന്ന എല്ലാവരെയും ആകര്‍ഷിച്ചിട്ടുണ്ട്. ആരെയും മാറ്റി നിര്‍ത്താതെ എല്ലാവരെയും ചേര്‍ത്തു നിര്‍ത്തുന്ന വ്യക്തിത്വമാണ് അദ്ദേഹത്തിന്റേത്.
1987 ഒക്ടോബര്‍ 4ന് കോട്ടപ്പുറം മെത്രാനായി അഭിഷിക്തനായതുമുതല്‍ ഏറെ പ്രയാസങ്ങള്‍ അദ്ദേഹം അനുഭവിച്ചിട്ടുണ്ട്. എന്നാല്‍ എല്ലാ പ്രതിസന്ധികളെയും തന്റെ ഇച്ഛാശക്തികൊണ്ടും പ്രാര്‍ത്ഥനാചൈതന്യം കൊണ്ടും അദ്ദേഹം മറികടന്നു. കോട്ടപ്പുറം രൂപതയ്ക്ക് ശക്തമായ അടിത്തറയിടാനും വളര്‍ച്ചയിലേക്ക് നയിക്കുവാനും അദ്ദേഹത്തിനു സാധിച്ചു. കരുണ ചൊരിയുന്ന ഹൃദയവുമായി ഫ്രാന്‍സിസ് പാപ്പാ സഭയെ നയിക്കുമ്പോള്‍ അതേനാമം പേറുന്ന ഫ്രാന്‍സിസ് കല്ലറക്കല്‍ പിതാവും നമ്മെ ഓര്‍മിപ്പിക്കുന്നത് ദൈവത്തിന്റെ വലിയ കരുണതന്നെയാണ്. വിശുദ്ധ ജോണ്‍ 23-ാമന്‍ പാപ്പാ പറഞ്ഞതുപോലെ മെത്രാന്‍ എപ്പോഴും ഒരു പൊതുനീരുറവയാണ്. കാരുണ്യത്തിന്റെയും കനിവിന്റെയും നീരുറവയായി നീണ്ടകാലം ഇനിയും ദൈവജനത്തെ സേവിക്കാന്‍ ആയുസും ആരോഗ്യവും ദൈവം അദ്ദേഹത്തിന് നല്കട്ടെയെന്നു പ്രാര്‍ത്ഥിക്കാമെന്നും ഫാ. റോക്കി റോബി കളത്തില്‍ പറഞ്ഞു.


Related Articles

മറിയം ത്രേസ്യ വിശുദ്ധപദം ചൂടി

വത്തിക്കാന്‍ സിറ്റി: കുടുംബങ്ങള്‍ക്കുള്ള പ്രേഷിത പ്രവര്‍ത്തനങ്ങളിലൂടെ പുണ്യജീവിതം നയിച്ച വാഴ്ത്തപ്പെട്ട മറിയം ത്രേസ്യയെ ഒക്‌ടോബര്‍ 13ന് ഞായറാഴ്ച പ്രാദേശിക സമയം ഉച്ചയ്ക്കുശേഷം 1.30ന് വത്തിക്കാനില്‍ വിശുദ്ധ പത്രോസിന്റെ

ആര്‍ച്ച്ബിഷപ് ബച്ചിനെല്ലിയും കൂനമ്മാവും

ചരിത്രത്തിന്റെ വഴിച്ചാലില്‍ എന്നും പ്രഭ ചൊരിഞ്ഞ് നില്‍ക്കുന്ന ഭാരതത്തിന്റെ മഹാമിഷണറി ആര്‍ച്ച്ബിഷപ് ബെര്‍ണര്‍ദീന്‍ ബച്ചിനെല്ലിയുടെ 150-ാം ചരമവാര്‍ഷികം കേരളമൊന്നാകെ ആചരിക്കുമ്പോള്‍, അദ്ദേഹം മലയാളത്തിന് നല്കിയ അതുല്യ സംഭാവനകള്‍ക്ക്

ജാതിവിവേചനത്തിനെതിരെ ബിഷപ് സ്തബിലീനിയുടെ ഇടയലേഖനം: 190-ാം വാര്‍ഷിക അനുസ്മരണം

കൊല്ലം: മനുഷ്യരെല്ലാം ഒരേ ജാതിയില്‍പ്പെട്ടവരാണെന്നും ജാതിവിവേചനം ദൈവനിശ്ചയമല്ലെന്നും അത് അധാര്‍മികവും ശിക്ഷാര്‍ഹമായ തെറ്റുമാണെന്നും വ്യക്തമാക്കി 1829 ജൂലൈ 14ന് മലയാളക്കരയില്‍ ഇടയലേഖനം ഇറക്കിയ വരാപ്പുഴ വികാരിയത്തിന്റെയും കൊച്ചി

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*