ആര്‍ച്ച്ബിഷപ് ബച്ചിനെല്ലി 150-ാം ചരമവാര്‍ഷിക അനുസ്മരണം: പോസ്റ്റല്‍ കവര്‍ പ്രകാശനം ഇന്ന് (നവംബര്‍ 10, ശനി)
കൊച്ചി: പള്ളിക്കൊപ്പം പള്ളിക്കൂടം എന്ന ഇടയലേഖനത്തിലൂടെ മലയാളക്കരയില്‍ ജാതി മത ലിംഗ ഭേദമില്ലാതെ എല്ലാവര്‍ക്കും പ്രാഥമിക വിദ്യാഭ്യാസത്തിന് ആധുനിക രീതിയില്‍ വ്യവസ്ഥാപിത സംവിധാനത്തിനു തുടക്കം കുറിച്ച വരാപ്പുഴ വികാരിയാത്തിലെ വികാരി അപ്പസ്‌തോലിക്കയായിരുന്ന ആര്‍ച്ച്ബിഷപ് ബെര്‍ണര്‍ദീന്‍ ബച്ചിനെല്ലിയുടെ 150-ാം ചരമവാര്‍ഷിക അനുസ്മരണത്തിന്റെ ഭാഗമായി പ്രത്യേക പോസ്റ്റല്‍ കവര്‍ പ്രകാശനം ഇന്നു നടത്തും.
എറണാകുളം ആശിര്‍ഭവനില്‍ രാവിലെ 10ന് നടക്കുന്ന ചടങ്ങില്‍ വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍, കേരള റീജ്യന്‍ ലാറ്റിന്‍ കാത്തലിക് ബിഷപ്‌സ് കൗണ്‍സില്‍ ഹെരിറ്റേജ് കമ്മിഷന്‍ ചെയര്‍മാന്‍ ബിഷപ് ഡോ. അലക്‌സ് വടക്കുംതല, പ്രഫ. കെ.വി. തോമസ് എംപി, എറണാകുളം പോസ്റ്റല്‍ ഡിവിഷന്‍ സീനിയര്‍ സൂപ്രണ്ട് പ്രതീക് തുടങ്ങിയവര്‍ പങ്കെടുക്കും.
എറണാകുളം നോര്‍ത്ത് പോസ്റ്റ് ഓഫിസില്‍ നിന്നാണ് സ്‌പെഷല്‍ കവറും പ്രത്യേക സ്റ്റാമ്പും മുദ്രചെയ്യുന്നതെന്ന് ആര്‍ച്ച്ബിഷപ് ബച്ചിനെല്ലി 150 ചരമവാര്‍ഷികാചരണ സംഘടക സമിതി ചെയര്‍മാന്‍ മോണ്‍. ജോസഫ് പടിയാരംപറമ്പില്‍ അറിയിച്ചു.
ബച്ചിനെല്ലി അനുസ്മരണത്തോടനുബന്ധിച്ച് ജോണ്‍ ഓച്ചന്തുരുത്ത് മെമ്മോറിയല്‍ അക്കാദമി ഓഫ് ഹിസ്റ്ററി (ജോമ), കേരള ലാറ്റിന്‍ കാത്തലിക് ഹിസ്റ്ററി അസോസിയേഷന്‍, കെആര്‍എല്‍സിബിസി ഹെരിറ്റേജ് കമ്മിഷന്‍ എന്നിവ ചേര്‍ന്നു സംഘടിപ്പിക്കുന്ന ചരിത്ര സെമിനാര്‍ 10.30ന് കേരള സാഹിത്യ അക്കാദമി വൈസ് പ്രസിഡന്റ് ഡോ. ഖദീജ മുംതാസ് ഉദ്ഘാടനം ചെയ്യും. ബിഷപ് ഡോ. അലക്‌സ് വടക്കുംതല അധ്യക്ഷത വഹിക്കും. ‘കേരള സാംസ്‌കാരിക നവോത്ഥാനം: ആര്‍ച്ച്ബിഷപ് അലക്‌സിസി മെനേസിസ് മുതല്‍ ശ്രീനാരായണഗുരു വരെ’ എന്ന വിഷയത്തിലാണ് സെമിനാര്‍.
Related Articles
വിവരചോര്‍ച്ച ആവര്‍ത്തിക്കുമ്പോള്‍
എല്ലാവര്‍ക്കും തങ്ങളുടെ സ്വകാര്യത ഏറ്റവും വിലമതിച്ചതുതന്നെയാണ്. സ്വകാര്യതയില്‍ കടന്നുകയറാനുള്ള താല്പര്യത്തിനും അത്രത്തോളം തന്നെ വിലമതിപ്പുണ്ട്. സ്വകാര്യത ചോര്‍ത്തി വില്ക്കാനുള്ള ശ്രമങ്ങള്‍ നടത്തുന്നത് വിലയിലെ ആകര്‍ഷകത്വം കൊണ്ടുതന്നെ. ഇന്ത്യയിലെ
ചരിത്രപരതയുടെ ക്രിസ്മസ്‌
‘ആര്‍ക്കറിയാം’ സക്കറിയായുടെ പ്രസിദ്ധമായ കഥയാണ്. ക്രിസ്മസിന്റെ അതി മഹത്തായ രഹസ്യങ്ങളിലേക്ക് വായനക്കാരെ ക്ഷണിക്കുന്ന ഉജ്ജ്വലമായ സര്‍ഗസൃഷ്ടി. ഗണികാഗൃഹത്തിലേക്ക് പട്ടാളക്കാരന്‍ ക്ഷീണിതനായി എത്തുകയാണ്. അന്ന് മുഴുവന്‍ അയാള്‍ക്ക് പിടിപ്പത്
ട്രംപിനെ യുഎസ് അതിജീവിക്കുമ്പോള്‍
അമേരിക്കയെ തോല്പിക്കാനും ലോകജനതയ്ക്കു മുമ്പാകെ നാണംകെടുത്തി മുട്ടുകുത്തിക്കാനും റഷ്യയ്ക്കോ ചൈനയ്ക്കോ ഇറാനോ ഉത്തര കൊറിയയ്ക്കോ തുര്‍ക്കിക്കോ ഇസ്‌ലാമിക ഭീകരവാദികള്‍ക്കോ കഴിയുന്നില്ലെങ്കില്‍ തനിക്കാകുമെന്ന് അമേരിക്കന്‍ ഐക്യനാടുകളുടെ സര്‍വസൈന്യാധിപനും
