ആര്‍ച്ച്ബിഷപ് ബെര്‍ണര്‍ദീന്‍ ബച്ചിനെല്ലി അവാര്‍ഡിന് അപേക്ഷ ക്ഷണിക്കുന്നു
എറണാകുളം: ‘പള്ളിക്കൊപ്പം പള്ളിക്കൂടം’ എന്ന ഇടയലേഖനത്തിലൂടെ കേരളത്തില്‍ സാര്‍വത്രിക വിദ്യാഭ്യാസത്തിന് അടിത്തറപാകിയ വരാപ്പുഴ വികാരിയാത്തിന്റെ മുന്‍ വികാരി അപ്പസ്‌തോലിക് ബെര്‍ണര്‍ദീന്‍ ബച്ചിനെല്ലി ഒസിഡിയുടെ സ്മരണാര്‍ത്ഥം കേരള റീജ്യണ്‍ ലാറ്റിന്‍ കാത്തലിക് കൗണ്‍സില്‍ ഏര്‍പ്പെടുത്തിയിട്ടുള്ള അധ്യാപക അവാര്‍ഡിന് എന്‍ട്രികള്‍ ക്ഷണിച്ചു. കേരളത്തിലെ സര്‍ക്കാര്‍-എയ്ഡഡ് മേഖലയിലെ എല്‍.പി, യു. പി വിദ്യാലയങ്ങളിലെ മികച്ച അധ്യാപകന്/അധ്യാപികയ്ക്കാണ് പുരസ്‌ക്കാരം നല്‍കുന്നത്. ഒരുലക്ഷം രൂപയുടെ ക്യാഷ് അവാര്‍ഡും പ്രശസ്തിപത്രവും മികച്ച അധ്യാപകന്/അധ്യാപികയ്ക്ക് സമ്മാനിക്കും. 12 വര്‍ഷമെങ്കിലും അധ്യാപനസേവനമനുഷ്ഠിച്ചവരെയാണ് അവാര്‍ഡിന് പരിഗണിക്കുന്നത്. കോര്‍പ്പറേറ്റ് മാനേജര്‍മാര്‍, സ്‌കൂള്‍ അധികൃതര്‍, പിടിഎ ഭാരവാഹികള്‍, അധ്യാപക സംഘടനകള്‍, ഇടവകസമിതികള്‍, സന്നദ്ധ-സാമൂഹ്യ സംഘടനകള്‍ എന്നിവര്‍ക്ക് അവാര്‍ഡിന് അര്‍ഹതയുള്ളവരെ നാമനിര്‍ദേശം ചെയ്യാവുന്നതാണ്. സ്വന്തമായ നാമനിര്‍ദേശങ്ങള്‍ സ്വീകരിക്കുന്നതല്ല.
വിശദവിവരങ്ങള്‍ www.krlcc.org എന്ന സൈറ്റില്‍ ലഭ്യമാണ്. അന്വേഷണങ്ങള്‍ക്ക് കെആര്‍എല്‍സിസി ഓഫീസിലെ 0484 2603705 എന്ന ഫോണ്‍നമ്പറില്‍ ബന്ധപ്പെടാവുന്നതാണ്. 2018 ഒക്‌ടോബര്‍ 20നു മുമ്പ് എന്‍ട്രികള്‍ കെആര്‍എല്‍സിസി സെക്രട്ടറിയേറ്റില്‍ ലഭിക്കണം. 2018 നവംബര്‍ അവസാനവാരത്തില്‍ അവാര്‍ഡ് ജേതാവിന്റെ സ്‌കൂളില്‍ നടക്കുന്ന ബെര്‍ണര്‍ദീന്‍ ബച്ചിനെല്ലി അനുസ്മരണ സമ്മേളനത്തില്‍ അവാര്‍ഡ് സമ്മാനിക്കും.
Related Articles
ഗാന്ധിജിയുടെ ഗ്രാമസ്വരാജില്‍ വീണ്ടും ചോരപ്പാടുകള്‍
പോര്‍ബന്തറിലെ ദിവാന്റെ മകനായി ജനിച്ച്, ഇംഗ്ലണ്ടില്‍ പോയി നിയമം പഠിച്ച് ബാരിസ്റ്ററായ മോഹന്‍ദാസ് കരംചന്ദ് ഗാന്ധി ഇന്ത്യയുടെ ദരിദ്രകോടികളുടെ പ്രതിരൂപമായി ദാരിദ്ര്യം സ്വയംവരിച്ച് ആത്മത്യാഗത്തിന്റെ അതികഠിന പരീക്ഷണങ്ങളിലൂടെ
ഫാ. റോക്കി റോബി കളത്തില്‍ ഡോണ്‍ബോസ്‌കോ ആശുപത്രി ഡയറക്ടര്‍
കോട്ടപ്പുറം: കോട്ടപ്പുറം രൂപതയുടെ ഡോണ്‍ബോസ്‌കോ ചാരിറ്റബിള്‍ ട്രസ്റ്റിന്റെ കീഴില്‍ പ്രവര്‍ത്തിക്കുന്ന പറവൂര്‍ ഡോണ്‍ ബോസ്‌കോ ആശുപത്രിയുടെ ഡയറക്ടറായി ഫാ. റോക്കി റോബി കളത്തില്‍ നിയമിതനായി. നിലവില്‍ ജോയിന്റ്
ഈ ആത്മബലിയിൽ കുരുത്തോലകളേന്തി നിങ്ങളുമുണ്ട് ഒപ്പം
നൂറ്റാണ്ടുകളുടെ ചരിത്രമുറങ്ങുന്ന മട്ടാഞ്ചേരി ജീവമാതാ ഇടവകയിലെ ഈ പ്രാവിശ്യത്തെ ഓശാന ഞായർ ഹൃദയഭേദകമായി. യേശുവിൻ്റെ ജറുസലേം പ്രവേശം ആവേശത്തോടെ അനുസ്മരിച്ച് ഓശാന പാടിയിരുന്ന മട്ടാഞ്ചേരിയുടെ തെരുവുകൾ ഇന്ന്
