Breaking News

ആലപ്പുഴ രൂപതക്ക് ഇന്ന് അറുപത്തെട്ടാം പിറന്നാള്‍

ആലപ്പുഴ രൂപതക്ക് ഇന്ന് അറുപത്തെട്ടാം പിറന്നാള്‍
1952 ജൂണ്‍ 19നാണ് പന്ത്രണ്ടാം പീയൂസ് പാപ്പ’ഏയ റെദെംപ്‌തോറിസ് വെര്‍ബാ ‘ എന്ന തിരുവെഴുത്ത് വഴി കൊച്ചി രൂപത വിഭജിച്ച് ആലപ്പുഴ രൂപത സ്ഥാപിച്ചത്. പ്രഥമമെത്രാനായി ബിഷപ് മൈക്കിള്‍ ആറാട്ടുകുളത്തിനേയും പാപ്പ നിയമിച്ചു. തെക്ക് തോട്ടപ്പള്ളി മുതല്‍ വടക്ക് കുത്തിയതോട് വരെയും രൂപതകളുടെ അതിര്‍ത്തിയായി നിശ്ചയിച്ചു.
മത്സ്യത്തൊഴിലാളികളും കയര്‍തൊഴിലാളികളും ധാരാളമുള്ള ആലപ്പുഴ രൂപതയുടെ സമഗ്രമായ വളര്‍ച്ചയ്ക്ക് പ്രഥമമെത്രാന്‍ മൈക്കിള്‍ ആറാട്ടുകുളം പിതാവ് അക്ഷീണം പ്രയത്‌നിച്ചു.കാനന്‍നിയമ വിശാരദനായിരുന്ന ആറാട്ടുകുളം പിതാവിന്‌ശേഷം 1984 മുതല്‍ 2002 വരെ ബിഷപ് ഡോ.പീറ്റര്‍ ചേനപ്പറമ്പില്‍ രൂപതയെ നയിച്ചു. ഭാവനാസമ്പന്നനായ അദ്ദേഹം എല്ലാ ജനവിഭാഗങ്ങളെയും ഉള്‍പ്പെടുത്തികൊണ്ട് പല പദ്ധതികളും രൂപതയില്‍ ആരംഭിച്ചു. ആലപ്പുഴ രൂപതയുടെ ചരിത്രത്തിലാദ്യമായി സിനഡ് നടത്തിയതും അദ്ദേഹമായിരുന്നു.
2001 ഡിസംബര്‍ ഒമ്പതിനാണ് ആലപ്പുഴ രൂപതയുടെ മൂന്നാമത്തെ മെത്രാനായി അഭിവന്ദ്യ സ്റ്റീഫന്‍ അത്തിപ്പൊഴിയില്‍ സ്ഥാനമേല്‍ക്കുന്നത്. സുനാമി ദുരന്തത്തില്‍ അവശതകള്‍ അനുഭവിക്കുന്ന കടലോര ജനതയ്ക്ക് അവകാശപ്പെട്ട സുനാമി ഫണ്ട് മുഴുവന്‍ നേടിയെടുക്കുന്നതിന് രൂപതയുടെ നേതൃത്വത്തില്‍ നടത്തിയ കളക്ടറേറ്റ് സമരം പിതാവിന്റെ സാമൂഹ്യപ്രതിബദ്ധതക്ക് ഉത്തമ ഉദാഹരണമായിരുന്നു. അദ്ദേഹത്തിന്റെ പിന്‍ഗാമിയായി 2019 ഒക്ടോബര്‍ 11 ന് അഭിവന്ദ്യ ജെയിംസ് റാഫേല്‍ ആനാപറമ്പില്‍ പിതാവ് ആലപ്പുഴ രൂപതയുടെ നാലാമത്തെ മെത്രാനായി സ്ഥാനമേറ്റു.
ആലപ്പുഴ മൗണ്ട് കാര്‍മല്‍ കത്തീഡ്രലാണ് ഭദ്രാസന ദേവാലയം.രൂപതയുടെ മദ്ധ്യസ്ഥ കര്‍മ്മല മാതാവ്. ദൈവദാസന്‍ ഫാ.സെബാസ്റ്റ്യന്‍ പ്രസന്റേഷന്‍ 1924 ല്‍ ആലപ്പുഴ രൂപതയിലെ കാട്ടൂരില്‍ സ്ഥാപിച്ച സന്യാസിനീ സമൂഹമാണ് സിസ്‌റ്റേഴ്‌സ് ഓഫ് വിസിറ്റേഷന്‍ കോണ്‍ഗ്രിഗേഷന്‍ .
സെന്റ്.ആന്‍ഡ്രൂസ് ബസിലിക്ക അര്‍ത്തുങ്കല്‍, സെന്റ്. ജൂഡ്‌സ് ചര്‍ച്ച് വനസ്വര്‍ഗം, സെന്റ് തോമസ് ചര്‍ച്ച് തുമ്പോളി, സെന്റ്.ജോണ്‍ മരിയ വിയാനി ചര്‍ച്ച് പുന്നപ്ര, തിരുമുഖ തീര്‍ത്ഥാടന കേന്ദ്രം ഫോര്‍ട്ട് കൊച്ചി ,എന്നിവയാണ് രൂപതയിലെ പ്രധാന തീര്‍ത്ഥാടന കേന്ദ്രങ്ങള്‍.
സെന്റ്.മൈക്കിള്‍സ് കോളേജ് ചേര്‍ത്തല, സെന്റ്.സെബാസ്റ്റ്യന്‍സ് വിസിറ്റേഷന്‍സ് ഹോസ്പിറ്റല്‍ അര്‍ത്തുങ്കല്‍, തുടങ്ങിയവ പ്രധാന സ്ഥാപനങ്ങളാണ്.
അഭിവന്ദ്യ ജെയിംസ് പിതാവിനും വൈദികര്‍ക്കും സന്യസ്തര്‍ക്കും രൂപത മക്കള്‍ക്കും സ്ഥാപനദിനത്തിന്റെ പ്രാര്‍ഥനാശംസകള്‍..
ജീവനാദം

Related Articles

തെറ്റായ വിശ്വാസ താരതമ്യം ‎

കോവിഡ് 19 അഴിഞ്ഞാടുന്ന ഈ കാലഘട്ടത്തിൽ തികച്ചും ‎നിരുത്തരവാദപരമായ പല കാര്യങ്ങളും പലവിധത്തിലുള്ള ‎നേതൃത്വങ്ങളിൽനിന്നും ഉണ്ടാകുന്നുണ്ട്. ഈ ദുരന്തത്തെ ‎രാഷ്ട്രീയവൽക്കരിക്കാനും മതവൽക്കരിക്കാനും മൗതീകവൽക്കരിക്കാനും ‎നിരവധിപേർ ശ്രമിക്കുന്നുണ്ട്. അതിൽ

പരസ്പരസ്‌നേഹത്തില്‍ അധിഷ്ഠിതമായ നവമാധ്യമ സംസ്‌കാരം വളര്‍ത്തണം -ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍

എറണാകുളം: പരസ്പരസ്‌നേഹത്തിലും ബഹുമാനത്തിലും അധിഷ്ഠിതമായ നവമാധ്യമ സംസ്‌കാരം വളര്‍ത്തിയെടുക്കാന്‍ മാധ്യമ സ്ഥാപനങ്ങളും മാധ്യമ പ്രവര്‍ത്തകരും തയ്യാറാകണമെന്ന് കേരള റീജിയണല്‍ ലാറ്റിന്‍ കാത്തലിക് ബിഷപ്‌സ് കൗണ്‍സില്‍ (കെആര്‍എല്‍സിബിസി) മീഡിയാ

Carlo Acutis loved the homeless, St. Francis of Assisi, and souls in purgatory

Ahead of Carlo Acutis’ beatification this week, people who knew the young computer programmer shared their memories of his love

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*