ആഹാര ക്രമീകരണം കുട്ടികളില്‍
കുട്ടികളെയും കൗമാരപ്രായക്കാരെയും ഭാവിയിലുണ്ടാക്കാന്‍ പോകുന്ന ഹൃദ്രോഗത്തിന്റെ നീരാളിപ്പിടുത്തത്തില്‍ നിന്ന്‌ എങ്ങനെ രക്ഷപ്പെടുത്താം? പെട്ടെന്ന്‌ വളര്‍ന്ന്‌ വലുതാകണമെന്ന ആര്‍ത്തിയോടെ കുട്ടികള്‍ക്ക്‌ കിട്ടാവുന്നതെന്തും കൊടുക്കാമോ? അമേരിക്കന്‍ അക്കാദമി ഓഫ്‌ പീഡിയാട്രിക്‌സിന്റെ നിര്‍ദേശപ്രകാരം രണ്ടുവയസിനു താഴെയുള്ള കുട്ടികള്‍ക്ക്‌ പ്രത്യേകിച്ച്‌ ഭക്ഷണക്രമീകരണം ആവശ്യമില്ല. എന്നാല്‍ രണ്ടു വയസിനുശേഷം ആഹാരനിയന്ത്രണം തുടങ്ങിയേ പറ്റൂ. കുട്ടികളുടെ ഇഷ്‌ടാനിഷ്‌ടങ്ങള്‍ കണക്കാക്കാതെ നിര്‍ബന്ധിച്ച്‌ എപ്പോഴും ഭക്ഷണം കഴിപ്പിക്കുക എന്നതാണ്‌ പല അമ്മമാരുടെയും ശാഠ്യം. ചിലരുടെ പ്രധാന ജോലിയും അതുതന്നെ. കുട്ടി പെട്ടെന്ന്‌ വളര്‍ന്ന്‌ വലുതായി ബുദ്ധിരാക്ഷസനായിത്തീരാന്‍ വെമ്പുന്ന അമ്മമാര്‍ കയ്യില്‍ കിട്ടുന്ന പരിഷ്‌കാര ഭക്ഷണപദാര്‍ത്ഥങ്ങള്‍ കൊടുക്കുന്നു. എന്ത്‌ കൊടുക്കണം, എന്തു കൊടുക്കരുത്‌ എന്ന പരിഗണനയൊന്നുമില്ല. അയല്‍പക്കത്തെ കുട്ടിയെക്കാള്‍ തങ്ങളുടെ കുട്ടി തടിച്ചുകൊഴുത്തിരിക്കണം. അതു മാത്രമാണ്‌ മാതാപിതാക്കളുടെ ലക്ഷ്യം. വിശക്കുമ്പോള്‍ കുട്ടി തനിയെ ചോദിച്ചുകൊള്ളുമെന്നും അവന്‌ മതിയെന്ന്‌ പറഞ്ഞാല്‍ പിന്നെ നിര്‍ബന്ധിക്കേണ്ടതില്ലെന്നുമുള്ള വിവരമൊന്നും പല അമ്മമാര്‍ക്കുമില്ല. അതുപോലെ കുട്ടി സ്വയം ഭക്ഷണം കഴിക്കാറായി എന്നുകണ്ടാല്‍ അതിനുള്ള പ്രചോദനവും നല്‍കണം. അതുപോലെ ആഹാരമേറെ കഴിച്ച്‌ വ്യായാമം ചെയ്യാതെ തടിച്ചുകൊഴുത്തിരിക്കുന്ന മാതാപിതാക്കള്‍ കുട്ടികള്‍ വണ്ണം വെയ്‌ക്കരുതെന്ന്‌ ശാഠ്യം പിടിക്കരുത്‌. അവര്‍ നിങ്ങളെ കണ്ടാണ്‌ വളരുന്നത്‌. നിങ്ങള്‍ കഴിക്കുന്നതും ചെയ്യുന്നതുമാണ്‌ മക്കളും പൂര്‍ണമായി അനുകരിക്കുന്നതെന്നോര്‍ക്കുക. അപ്പോള്‍ കുട്ടികള്‍ക്ക്‌ ആരോഗ്യപാഠങ്ങള്‍ വീട്ടില്‍ തന്നെ നടത്തണം.
-ഡോ. ജോര്‍ജ്‌ തയ്യില്‍
Related Articles
ഹൃദ്രോഗ സാധ്യത ബാല്യം മുതല്‍
രോഗം വന്നിട്ട്‌ ചികിത്സിക്കുന്നതിനെക്കാള്‍ രോഗം വരാതിരിക്കാനുള്ള മുന്‍കരുതലുകള്‍ ചെറുപ്പത്തിലേ ആരംഭിക്കുകയെന്ന ചിന്താഗതിക്ക്‌ ഇന്ന്‌ പ്രാധാന്യം ഏറുകയാണ്‌;ഹൃദ്രോഗത്തിന്റെ കാര്യത്തില്‍ പ്രത്യേകിച്ചും. ഹൃദ്രോഗത്തിലേക്കു നയിക്കുന്ന ഘടകങ്ങളെ ചെറുപ്പത്തിലേ കണ്ടുപിടിച്ച്‌, അവയെ
ഹാര്‍ട്ടറ്റാക്കിനുശേഷം സ്‌ട്രെസ് മാനേജ്‌മെന്റ് തെറാപ്പി
1984ല്‍ ബൊഹാച്ചിക് ഹാര്‍ട്ടറ്റാക്കുണ്ടായ നിരവധി രോഗികളെ നിരീക്ഷിച്ചുകൊണ്ട് നടത്തിയ പഠനം ശ്രദ്ധയാകര്‍ഷിക്കുന്നു. അറ്റാക്കിനു ശേഷം വ്യായാമ പദ്ധതികള്‍ സംവിധാനം ചെയ്ത് രോഗികളെ രണ്ട് വിഭാഗങ്ങളായി തിരിച്ചു. ഒരുകൂട്ടരില്‍
കുട്ടികളില്‍ ഉണ്ടാകുന്ന വാതപ്പനി
നിസാരമെന്നു കരുതി മിക്കവരും അവഗണിക്കുന്ന ജലദോഷവും തുടര്‍ന്നുണ്ടാകുന്ന തൊണ്ടവേദനയും പനിയും മാരകമായ ഹൃദ്രോഗത്തിലെത്തിച്ചേരുമ്പോഴത്തെ സ്ഥിതി! കുട്ടികള്‍ സ്‌കൂളില്‍ പോയി തുടങ്ങുന്നതോടെ സാധാരണ കാണുന്ന പ്രതിഭാസമാണിത്. മിക്ക ആഴ്ചകളിലും
