Breaking News

ഇറാഖ് പാപ്പായെ കാത്തിരിക്കുന്നുവെന്ന് മൊസൂള്‍ ആര്‍ച്ച്ബിഷപ്

ഇറാഖ് പാപ്പായെ കാത്തിരിക്കുന്നുവെന്ന് മൊസൂള്‍ ആര്‍ച്ച്ബിഷപ്

ബാഗ്ദാദ്: ഷിയാ മുസ്‌ലിംകളും കുര്‍ദുകളും ഉള്‍പ്പെടെ ഇറാഖിലെ ജനങ്ങള്‍ ഫ്രാന്‍സിസ് പാപ്പായുടെ സന്ദര്‍ശനം പ്രതീക്ഷിച്ചിരിക്കയാണെന്ന് മൊസൂളിലെ പുതിയ കല്‍ദായ മെത്രാപ്പോലീത്ത നജീബ് മിഖായേല്‍ മൗസാ പറഞ്ഞു. 2008ല്‍ തീവ്രവാദികള്‍ തട്ടിക്കൊണ്ടുപോയി കൊലപ്പെടുത്തിയ മാര്‍ പൗലോസ് ഫറാജ് റാഹോ മെത്രാപ്പോലീത്തയുടെ പിന്‍ഗാമിയായി പുതുതായി അഭിഷിക്തനായതാണ് ആര്‍ച്ച്ബിഷപ് മൗസാ.
ആഭ്യന്തര യുദ്ധത്തില്‍ തകര്‍ന്നടിഞ്ഞ മൊസൂളില്‍ ഈയിടെ പുനരുദ്ധരിച്ച സെന്റ് പോള്‍ ദേവാലയത്തില്‍ ബാഗ്ദാദിലെ കല്‍ദായ പാത്രിയാര്‍ക്കീസ് കര്‍ദിനാള്‍ റഫായേല്‍ സാക്കോയുടെ മുഖ്യകാര്‍മികത്വത്തില്‍ നടന്ന അഭിഷേചനകര്‍മത്തില്‍ 12 കല്‍ദായ മെത്രാന്മാരും രണ്ടു സുറിയാനി കത്തോലിക്കാ മെത്രാന്മാരും ഒരു സുറിയാനി ഓര്‍ത്തഡോക്‌സ് മെത്രാപ്പോലീത്തയും രണ്ടു മുസ്ലിം ഷെയ്ക്കുമാരും പങ്കെടുത്തു. മൊസൂള്‍ അതിരൂപതയുടെ 95 ശതമാനവും യുദ്ധത്തില്‍ നശിച്ചിരിക്കെ പുതിയ മെത്രാപ്പോലീത്ത തത്കാലം നിനവെ തടത്തിലെ കരാമലെസിലാണ് താമസിക്കുന്നത്.
തനിക്കു വൈദികപട്ടം നല്‍കിയ മെത്രാപ്പോലീത്തയും തന്റെ മുന്‍ഗാമിയായ മെത്രാപ്പോലീത്തയും രകതസാക്ഷികളായത് അനുസ്മരിച്ച ആര്‍ച്ച്ബിഷപ് മൗസാ സാര്‍വത്രിക സഭയുടെ സഹായവും പ്രാര്‍ഥനയുമാണ് തങ്ങള്‍ക്ക് കരുത്തേകുന്നതെന്ന് വ്യക്തമാക്കി.


Related Articles

ചാന്ദ്രദൗത്യത്തിന്റെ ജൂബിലിയില്‍ ആ ദിവ്യകാരുണ്യ സ്മരണയും

വത്തിക്കാന്‍ സിറ്റി: മനുഷ്യന്‍ ചന്ദ്രനില്‍ കാലുകുത്തിയതിന്റെ, ‘മനുഷ്യന് ചെറിയൊരു കാല്‍വയ്പ്, മാനവരാശിക്ക് വലിയൊരു ചുവടുവയ്പ്’ എന്നു വിശേഷിപ്പിക്കപ്പെട്ട ആ ചരിത്രമുഹൂര്‍ത്തത്തിന്റെ, അന്‍പതാം വാര്‍ഷികം ആഘോഷിക്കുന്ന വേളയില്‍, നമ്മുടെ

തിരുവോസ്തി മാലിന്യത്തില്‍ നിക്ഷേപിച്ച സംഭവം: കെ.സി.വൈ.എം കൊച്ചി രൂപതയുടെ നേതൃത്വത്തിൽ പ്രതിഷേധയോഗവും പ്രകടനം സംഘടിപ്പിച്ചു.

അരൂക്കുറ്റി പാദുവാപുരം സെൻ്റ് ആൻ്റെണിസ് ഇടവക പള്ളിയുടെ കീഴിലുള്ള സെൻ്റ് ജേക്കബ് ചാപ്പലിലെ സക്രാരി തുറന്ന് തിരുവോസ്തി മാല്ലിന്യ ചതുപ്പിൽ നിക്ഷേപിച്ച ഹീനപ്രവ്യത്തിയിൽ കെ.സി.വൈ.എം കൊച്ചി രൂപത

സ്വകാര്യ ബസ് സര്‍വീസ് നിര്‍ത്താന്‍ അപേക്ഷ നല്‍കിയത് 10600 ഓളം ബസുകള്‍

കൊച്ചി:പൊതുഗതാഗതത്തിന്റെ ഭാഗമായ എല്ലാ സ്വകാര്യബസുകളും സര്‍വീസ് താത്കാലികമായി നിര്‍ത്താനുള്ള നീക്കത്തില്‍. സംസ്ഥാനത്തെ 10,600 സ്വകാര്യ ബസുകളാണ് സര്‍വീസ് നിര്‍ത്തിവെക്കാനുള്ള ജി ഫോം മോട്ടോർവഹന വകുപ്പിന് അപേക്ഷ നല്‍കിയിട്ടുള്ളത്.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*