എഫേസൂസ് രണ്ടാം സൂനഹദോസ്

എഫേസൂസ് രണ്ടാം സൂനഹദോസ്

നിഖ്യാ കൗണ്‍സില്‍ കാലത്ത് തുടക്കമിട്ട പാഷണ്ഡത ഒരു നൂറ്റാണ്ട് കഴിഞ്ഞിട്ടും സഭയെ വിട്ടൊഴിഞ്ഞില്ല. കോണ്‍സ്റ്റാന്റിനോപ്പിള്‍ സൂനഹദോസില്‍ പ്രധാന ചര്‍ച്ചാവിഷയമായിരുന്ന നെസ്‌തോറിയിസത്തെ എഫേസൂസ് സൂനഹദോസില്‍ പാഷണ്ഡതയായി കണക്കാക്കി ശപിച്ചുതള്ളുകയും നെസ്‌തോറിയിസത്തിന്റെ വക്താവായിരുന്ന കോണ്‍സ്റ്റാന്റിനോപ്പിള്‍ പാത്രിയാര്‍ക്കീസ് നെസ്‌തോറിയനെ സഭയ്ക്ക് പുറത്താക്കുകയും ചെയ്തിരുന്നു.
എന്നാല്‍ എദേസാ, നിസിബിസ് എന്നീ ദൈവശാസ്ത്ര കേന്ദ്രങ്ങള്‍ നെസ്‌തോറിയിസത്തോട് അനുഭാവം പുലര്‍ത്തിപ്പോന്നു. അന്ത്യോക്യാസഭയുടെ ഭാഗമായിരുന്ന ഈ കേന്ദ്രങ്ങള്‍ 498ല്‍ പുതിയ പാത്രിയാര്‍ക്കേറ്റിന് രൂപം നല്കി. കിഴക്കിന്റെ സഭയെന്ന് പൊതുവേ അറിയപ്പെട്ടിരുന്ന ഈ വിഭാഗം നെസ്‌തോറിയന്‍, കാല്‍ഡിയന്‍, സിറിയന്‍, ബാബിലോണിയന്‍, അസീറിയന്‍, പേര്‍ഷ്യന്‍ എന്നീ പേരുകളിലും അറിയപ്പെട്ടു.
കോണ്‍സ്റ്റാന്റിനോപ്പിളിലെ ഒരു സന്യാസാശ്രമത്തിന്റെ അധിപനായിരുന്ന എവുത്തിക്കസ് പുതുയൊരു വാദവുമായി രംഗത്തെത്തി. ക്രിസ്തുവില്‍ ദൈവസ്വഭാവം മാത്രമാണുള്ളതെന്നും മനുഷ്യസ്വഭാവം ഇല്ലെന്നും അതുകൊണ്ടു തന്നെ ക്രിസ്തുവിന്റേത് മനുഷ്യശരീരമല്ല എന്നുമായിരുന്നു അദ്ദേഹത്തിന്റെ പ്രചരണം. ദൊച്ചേറ്റിസം (Docetism) എന്നാണ് ഈ വാദം അറിയപ്പെട്ടിരുന്നത്. ഈ വാദത്തെ പിന്തുണയ്ക്കാനും സഭയില്‍ ഒരു വിഭാഗം പേരുണ്ടായിരുന്നു. ഫ്രീജിയായിലെ മെത്രാനായിരുന്ന എവുസേബിയസുമായി എവുത്തിക്കസ് തര്‍ക്കത്തിലേര്‍പ്പെട്ടു. ക്രിസ്തുവില്‍ ദൈവത്തിന്റെയും മനുഷ്യന്റെയും സ്വഭാവങ്ങള്‍ കൂടിച്ചേര്‍ന്നിരിക്കുന്നു എന്നായിരുന്നു എവുസേബിയസ് മെത്രാന്‍ വാദിച്ചിരുന്നത്. രണ്ടുവിഭാഗങ്ങള്‍ തമ്മിലുള്ള തര്‍ക്കം രൂക്ഷമായപ്പോള്‍ കോണ്‍സ്റ്റാന്റിനോപ്പിളിലെ പാത്രിയാര്‍ക്കീസായിരുന്ന ഫഌവിയന്‍ 448ല്‍ കോണ്‍സ്റ്റാന്റിനോപ്പിളില്‍ ഒരു പ്രാദേശിക സിനഡ് വിളിച്ചുകൂട്ടി. സിനഡില്‍ എവുത്തിക്കസിന്റെ പഠനങ്ങളെ തള്ളിക്കളഞ്ഞു.
എഫേസൂസ് സൂനഹദോസില്‍ നെസ്‌തോറിയന്‍ ആശയങ്ങളെ ശക്തമായി എതിര്‍ത്തിരുന്നത് അലക്‌സാണ്ട്രിയയിലെ പാത്രിയാര്‍ക്കീസായിരുന്ന സിറിളായിരുന്നു. അദ്ദേഹത്തിന്റെ പിന്‍ഗാമിയായി അവരോധിതനായത് ദിയസ്‌കോറസ് ആയിരുന്നു. സഭ തള്ളിക്കളഞ്ഞ എവുത്തിക്കസിന്റെ ആശയങ്ങളെ ദിയസ്‌കോറസ് പിന്തുണച്ചു. എഫേസൂസില്‍ വീണ്ടുമൊരു സൂനഹദോസ് വിളിച്ചുകൂട്ടി തന്റെ ആശയങ്ങള്‍ അവതരിപ്പിച്ച് അനുകൂല തീരമാനമെടുപ്പിക്കാന്‍ ദിയസ്‌കോറസ് ശ്രമം തുടങ്ങി.
(തുടരും)


Related Articles

മത്സ്യസമ്പത്ത് കൊള്ളയടിക്കുന്ന കരാര്‍ അവസാനിപ്പിക്കണം- ‘കടല്‍’

  എറണാകുളം: കടലും കടല്‍ത്തീരവും മത്സ്യത്തൊഴിലാളികള്‍ക്കന്യമാക്കുന്ന നയങ്ങളും പദ്ധതികളും അസ്വീകാര്യമെന്ന് കോസ്റ്റല്‍ ഏരിയ ഡവലപ്പ്മെന്റ് ഏജന്‍സി ഫോര്‍ ലിബറേഷന്‍ (കടല്‍) അഭിപ്രായപ്പെട്ടു. ആഴക്കടലിലെ പരിമിതമായ മത്സ്യസമ്പത്ത് കൊള്ളയടിക്കാന്‍

മറിയം ത്രേസ്യ വിശുദ്ധപദം ചൂടി

വത്തിക്കാന്‍ സിറ്റി: കുടുംബങ്ങള്‍ക്കുള്ള പ്രേഷിത പ്രവര്‍ത്തനങ്ങളിലൂടെ പുണ്യജീവിതം നയിച്ച വാഴ്ത്തപ്പെട്ട മറിയം ത്രേസ്യയെ ഒക്‌ടോബര്‍ 13ന് ഞായറാഴ്ച പ്രാദേശിക സമയം ഉച്ചയ്ക്കുശേഷം 1.30ന് വത്തിക്കാനില്‍ വിശുദ്ധ പത്രോസിന്റെ

ബാലാമിന്റെ അന്ത്യം

ബാലാമിനും കൂടെയുളളവര്‍ക്കും ദൈവദൂതനെ കാണാന്‍ കഴിഞ്ഞില്ല. എന്നാല്‍ കഴുതയ്ക്ക് കാണാമായിരുന്നു. കഴുത ഒരടി മുന്നോട്ടുപോകാതെ വഴിയില്‍ കിടന്നു. എത്ര പറഞ്ഞിട്ടും മുന്നോട്ടുപോകാതിരുന്ന കഴുതയെ ബാലാം ശക്തമായി പ്രഹരിച്ചു.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*