എല്ലാവരെയും ഉൾക്കൊള്ളുന്നതാണ് ഭാരതത്തിന്റെ യഥാര്‍ത്ഥ സംസ്‌കാരമെന്ന് കര്‍ദ്ദിനാള്‍ മാര്‍ ബസേലിയോസ് ക്ലീമിസ് കാതോലിക്ക ബാവ
പത്തനംതിട്ട: എല്ലാ വിഭാഗം ജനങ്ങളെയും ഉള്‍ക്കൊള്ളുകയും സംരക്ഷിക്കുകയും ചെയ്യുന്നതാണ് ഭാരതത്തിന്റെ യഥാര്‍ത്ഥ സംസ്‌കാരമെന്ന് കര്‍ദ്ദിനാള്‍ മാര്‍ ബസേലിയോസ് ക്ലീമിസ് കാതോലിക്ക ബാവ. ഭരണഘടനാ ദിനാചരണത്തിന്റെ ഭാഗമായി മലങ്കര കാത്തലിക് അസോസിയേഷന്‍ സഭാതല സമിതി സംഘടിപ്പിച്ച ഓണ്‍ലൈന്‍ അഭിഭാഷക സംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. അവകാശങ്ങളെയും ആനുകൂല്യങ്ങളെയും പറ്റി അജ്ഞരായ ആളുകള്‍ക്ക് അഭിഭാഷകര്‍ ആശ്വാസമായി മാറണം. നീതി നിഷേധിക്കപ്പെടുന്നവരുടെ പക്ഷം ചേരുക എന്ന സവിശേഷമായ ദൗത്യം അഭിഭാഷകര്‍ വിസ്മരിക്കരുതെന്നും അദ്ദേഹം പറഞ്ഞു.
എംസിഎ പ്രസിഡന്റ് വി.പി. മത്തായി അധ്യക്ഷത വഹിച്ചു. അല്‍മായ കമ്മീഷന്‍ ചെയര്‍മാന്‍ ഡോ.ജോഷ്വാ മാര്‍ ഇഗ്‌നാത്തിയോസ് മെത്രാപ്പോലീത്ത, പത്തനംതിട്ട രൂപതാധ്യക്ഷന്‍ ഡോ.സാമുവല്‍ മാര്‍ ഐറേനിയോസ് മെത്രാപ്പോലീത്ത, ഫാ.ജോസഫ് വെണ്മാരനത്ത്, എംസിഎ ആത്മീയ ഉപദേഷ്ടാവ് ഫാ.ജോണ്‍ അരീക്കല്‍, ജനറല്‍ സെക്രട്ടറി ചെറിയാന്‍ ചെന്നീര്‍ക്കര തുടങ്ങിയവര്‍ പ്രസംഗിച്ചു.
Related Articles
സംസ്ഥാനത്ത് നിയന്ത്രണങ്ങളില്‍ ഇളവുണ്ടായേക്കും മദ്യവില്പനശാലകള്‍ തുറക്കാന്‍ സാധ്യത
കൊച്ചി: കേരളത്തില്‍ കൊവിഡ്-19ന്റെ ഭാഗമായ നിയന്ത്രണങ്ങള്‍ക്ക് ഇളവുകള്‍ നല്കാന്‍ സാധ്യത. ഇന്ന് രാവിലെ 10 മണിക്ക് പ്രധാനമന്ത്രി രാജ്യത്തെ അഭിസംബോധന ചെയ്തതിനു ശേഷമായിരിക്കും സര്‍ക്കാര്‍ നിലപാടുകള്‍ വെളിപ്പെടുത്തുക.
ആവശ്യങ്ങള്‍ കണ്ടറിഞ്ഞ് കയ്റോസിന്റെ ഇടപെടല്‍
കണ്ണൂര്‍ രൂപതയുടെ സാമൂഹ്യസേവന വിഭാഗമായ കയ്റോസ് കൊറോണക്കാലത്തു നടത്തിയ സാമൂഹിക ഇടപെടലുകള്‍ ശ്രദ്ധേയമായി. കൊറോണവൈറസ് വ്യാപനം തടയുന്നതിന് ലോക്ഡൗണ്‍ ആരംഭിച്ചതിനു തൊട്ടടുത്ത ദിവസം മുതല്‍ കണ്ണൂര്‍ ജില്ലയിലെ
90കാരി മാര്‍ഗരറ്റ് കീനന് കൊവിഡ് വാക്‌സിന്‍ ആദ്യമായി സ്വീകരിച്ച വ്യക്തി
ലണ്ടന്‍: 90കാരിയായ മാര്‍ഗരറ്റ് കീനന് പരീക്ഷണാനന്തരം കൊവിഡ് വാക്‌സിന്‍ നല്‍കി ബ്രിട്ടന്‍ കുത്തിവയ്പിന് തുടക്കമിട്ടു. ബ്രിട്ടീഷ് സര്‍ക്കാര്‍ ജനങ്ങള്‍ക്ക് കൊവിഡ് വാക്‌സിന്‍ നല്‍കുന്നത് ആരംഭിച്ചതോടെയാണ് മാര്‍ഗരറ്റ് കീനന്
