എല്‍സിവൈഎം പുനലൂര്‍ രൂപത അര്‍ദ്ധ വാര്‍ഷിക സെനറ്റ്

by admin | July 23, 2018 9:16 am

പുനലൂര്‍: എല്‍സിവൈഎം പുനലൂര്‍ രൂപതയുടെ 2018 വര്‍ഷത്തെ സെനറ്റ് സമ്മേളനം പത്തനാപുരം ആനിമേഷന്‍ സെന്റില്‍ ചേര്‍ന്നു. സെനറ്റ് സമ്മേളനത്തില്‍ 28 ഇടവകകളില്‍ നിന്നായി 103 യുവജനങ്ങള്‍ പങ്കെടുത്തു. 2018 ജനുവരി മുതല്‍ ജൂണ്‍ വരെയുളള എല്‍സിവൈഎം പുനലൂര്‍ രൂപത യുവജനങ്ങളുടെ പ്രവര്‍ത്തനങ്ങളെ വിലയിരുത്തുവാനും ഈ പ്രവര്‍ത്തനങ്ങള്‍ വഴി അവരുടെ ലക്ഷ്യങ്ങളെ അറിയുവാനുമാണ് ഇത്തരത്തില്‍ സെനറ്റ് സമ്മേളനം സംഘടിപ്പിച്ചത്.
സമ്മേളനം ഐസിവൈഎം ജനറല്‍ സെക്രട്ടറി പോള്‍ ജോസ് പടമാട്ടുമേല്‍ ഉദ്ഘാടനം ചെയ്തു. രൂപതാ സമിതിയംഗമായ ജിബിന്‍ ജെ. ഫെര്‍ണാണ്ടസ് സെനറ്റ് സമ്മേളനം ക്രമീകരിച്ചു. എല്‍സിവൈഎം പുനലൂര്‍ രൂപത ഡയറക്ടര്‍ ഫാ. ജോസ് ഫിഫിന്‍ സിഎസ്‌ജെയും, രൂപതാ പ്രസിഡന്റ് ഡീനാ പിറ്റര്‍ ജോസഫ് രൂപത ജനറല്‍ സെക്രട്ടറി സ്‌റ്റെഫി ചാള്‍സ് രൂപതാസമിതി അംഗങ്ങളായ ജിബിന്‍ ഗബ്രിയേല്‍, അഖില്‍ അനിയന്‍, ഡോണ്‍ ഡാനിയല്‍ ജോസഫ്, മെറിന്‍ ജെ. വിന്‍സെന്റ്, ദിലീപ്, ലിബിന്‍, ഷിജോ എന്നിവരും സംബന്ധിച്ചു.

Source URL: https://jeevanaadam.in/%e0%b4%8e%e0%b4%b2%e0%b5%8d%e2%80%8d%e0%b4%b8%e0%b4%bf%e0%b4%b5%e0%b5%88%e0%b4%8e%e0%b4%82-%e0%b4%aa%e0%b5%81%e0%b4%a8%e0%b4%b2%e0%b5%82%e0%b4%b0%e0%b5%8d%e2%80%8d-%e0%b4%b0%e0%b5%82%e0%b4%aa%e0%b4%a4/