ഐക്യത്തിന്റെ നാളുകളിലേക്ക് വിരല്‍ചൂണ്ടി കര്‍ണാടക തിരഞ്ഞെടുപ്പ്
മാരത്തോണില്‍ ലോക റിക്കാര്‍ഡിനുടമയായ കെനിയയുടെ ഡെന്നീസ് കിര്‍പ്പുറ്റോ കിമോറ്റുവിന്റെ ശൈലിയിലാണ് ബിജെപി ഇത്തവണ കര്‍ണാടക തിരഞ്ഞെടുപ്പിനെ നേരിട്ടത്. പതിഞ്ഞ താളത്തില്‍ തുടക്കം. പിന്നീട് ഓരോ കടമ്പയും ഭേദിച്ച് മുന്നേറ്റം. അവസാന ലാപ്പുകളില്‍ കിതപ്പില്ലാത്ത കുതിപ്പ്. ഡെന്നീസ് കിമുറ്റോയ്ക്ക് ഫിനിഷിംഗില്‍ താളം തെറ്റാറില്ലെന്നു മാത്രം. കപ്പിനും ചുണ്ടിനുമിടയില്‍ ബിജെപിക്ക് കര്‍ണാടകത്തില്‍ കേവല ഭൂരിപക്ഷം നഷ്ടമായെങ്കിലും ദക്ഷിണേന്ത്യയിലേക്കുള്ള മോദിയുടെയും അമിത്ഷായുടെയും അശ്വമേധം പരാജയമാണെന്നു പറയാന്‍ കഴിയില്ല. രാഷ്ട്രീയമായും സംഘടനാപരമായും ബിജെപിയുടെ മുന്നേറ്റത്തിനൊപ്പം കോണ്‍ഗ്രസ് ഉള്‍പ്പെടെയുള്ള പ്രതിപക്ഷ പാര്‍ട്ടികളുടെ ഐക്യനിര ഉയരുന്നതും കര്‍ണാടകത്തില്‍ ദൃശ്യമാണ്. പാര്‍ട്ടി കോണ്‍ഗ്രസില്‍ എന്തു തീരുമാനമെടുത്താലും ബിജെപിയെ നേരിടാന്‍ കോണ്‍ഗ്രസ് ഉള്‍പ്പെടെയുള്ളവരുടെ സഖ്യം ആവശ്യമാണെന്ന് ബുദ്ധിയുള്ള ഇടതുപക്ഷക്കാരനും മനസിലാകും.
കഴിഞ്ഞ നാലുവര്‍ഷവും കേന്ദ്രം ഭരിച്ച ബിജെപി സര്‍ക്കാര്‍ സംഭാവന ചെയ്ത പ്രധാന കാര്യങ്ങള്‍ വര്‍ഗീയ, വംശീയ വിദ്വേഷവും, സാമ്പത്തിക തകര്‍ച്ചയുമാണ്. ബിജെപി സംസ്ഥാന നേതാക്കള്‍ക്കെതിരെയുള്ള അഴിമതിയാരോപണവും തിരഞ്ഞെടുപ്പില്‍ അവര്‍ക്കു നേരിടേണ്ടി വന്നു. മഹാഭാരത യുദ്ധക്കാലത്ത് ഇന്ത്യയില്‍ ഇന്റര്‍നെറ്റ് ഉപയോഗിച്ചിരുന്നുവെന്നും രാമായണകാലത്ത് ഇന്ത്യയ്ക്ക് അണുവായുധവും വിമാനവുമൊക്കെ ഉണ്ടായിരുന്നുവെന്നും വീമ്പും വിഡ്ഡിത്തവും ദിവസേന വിളമ്പുന്ന ബിജെപി നേതാക്കള്‍ക്കോ, ദളിതരെയും ന്യൂനപക്ഷക്കാരെയും അവഹേളിക്കുകയും തച്ചുകൊല്ലുകയും ചെയ്യുന്ന അനുയായികള്‍ക്കോ മോദിയുടെ മുന്നേറ്റത്തെ കാര്യമായി ദുര്‍ബലപ്പെടുത്താന്‍ കഴിഞ്ഞില്ലെന്നത് വലിയ ആശങ്കയോടെ മാത്രമെ കാണാനാകൂ. കര്‍ണാടകയില്‍ ഒറ്റയടിക്ക് ഭരണം നേടാനായില്ലെങ്കിലും ഒരു വമ്പന്‍ രാഷ്ട്രീയപാര്‍ട്ടിയായി ബിജെപി മാറിയിരിക്കുകയാണ്. 2019ലെ പൊതുതിരഞ്ഞെടുപ്പില്‍ പ്രതിപക്ഷം ഒറ്റക്കെട്ടായി നിന്നില്ലെങ്കില്‍ ഭരണം വീണ്ടും ബിജെപി കൈപ്പിടിയിലൊതുക്കുമെന്ന് തീര്‍ച്ചയാണ്.
ഛത്തീസ്ഗഢ്, മധ്യപ്രദേശ്, രാജസ്ഥാന്‍ എന്നീ സംസ്ഥാനങ്ങളിലെ നിയമസഭാ തിരഞ്ഞെടുപ്പും അടുത്തെത്തിക്കഴിഞ്ഞു. അവിടങ്ങളില്‍ കോണ്‍ഗ്രസും ബിജെപിയും നേരിട്ടുള്ള പോരാട്ടത്തിലാണ്. ബിഎസ്പി പോലുള്ള കക്ഷികള്‍ക്ക് കാര്യമായ സ്വാധീനമില്ല. കര്‍ണാടകത്തിലേതു പോലെ ജനതാദള്‍ എസ് എന്ന ഒരു മൂന്നാംശക്തിയില്ലാത്തതു കൊണ്ട് കോണ്‍ഗ്രസിന് മാനം രക്ഷിക്കണമെങ്കില്‍ നന്നായി വിയര്‍ക്കേണ്ടിവരും.
കര്‍ണാടകത്തില്‍ തിരഞ്ഞെടുപ്പ് പ്രചാരണങ്ങളുടെ ആദ്യ ഘട്ടങ്ങളില്‍ ബിജെപി പ്രതിരോധത്തിലായിരുന്നു. യദ്യൂരപ്പയ്ക്കും ബെല്ലാരി സഹോദരന്മാര്‍ക്കുമെതിരേയുള്ള അഴിമതിയാരോപണങ്ങള്‍ ഉയര്‍ത്തി കോണ്‍ഗ്രസ് കളംനിറഞ്ഞപ്പോള്‍ ഭരണം വീണ്ടും കോണ്‍ഗ്രസിനു ലഭിക്കുമെന്ന് പ്രതീക്ഷയുണര്‍ന്നു. എന്നാല്‍ കര്‍ണാടകം കേന്ദ്രീകരിച്ച് തന്ത്രങ്ങളുമായി അമിത് ഷാ കളം നിറയാന്‍ അധികസമയം വേണ്ടിവന്നില്ല. മോദിയുടേത് ഉള്‍പ്പടെ 21 റാലികളാണ് ബിജെപി സംഘടിപ്പിച്ചത്. റാലികളില്‍ കേന്ദ്രസര്‍ക്കാരിന്റെ ജനക്ഷേമപദ്ധതികള്‍ വിശദീകരിച്ചതിനൊപ്പം സിദ്ധരാമയ്യ സര്‍ക്കാരിന്റെ പ്രവര്‍ത്തനവീഴ്ചകളും കൂടി വിശദീകരിച്ചായിരുന്നു ബിജെപി തിരഞ്ഞെടുപ്പ് പ്രചാരണരംഗത്ത് മേല്‍ക്കൈ നേടിയത്.
ബിജെപി നേതാക്കള്‍ക്കെതിരേയുള്ള അഴിമതി ആരോപണത്തെ നേരിടാന്‍ പൊടിപിടിച്ചു കിടന്ന നാഷണല്‍ ഹെറാള്‍ഡ് കേസ് പൊക്കിയെടുത്തു. സോണിയയും രാഹുലും ഉള്‍പ്പെട്ട കേസായതുകൊണ്ട് കോണ്‍ഗ്രസ് പ്രതിരോധത്തിലായി. അഴിമതി ചര്‍ച്ച തന്നെ അതോടെ ഇല്ലാതായി. പട്ടികജാതി വര്‍ഗ നിയമത്തില്‍ വെള്ളം ചേര്‍ത്തെന്ന ആരോപണം കത്തിക്കാളുന്നതിനിടയിലായിരുന്
തിരഞ്ഞെടുപ്പ് പരാജയത്തില്‍ നിന്നും കോണ്‍ഗ്രസ് ഉടനടി ഉയിര്‍ത്തെഴുന്നേറ്റു എന്നതാണ് ജനതാദള്‍ എസുമായി സഖ്യമുണ്ടാക്കാനുള്ള നീക്കം സൂചിപ്പിക്കുന്നത്. തിരഞ്ഞെടുപ്പ് പ്രചാരണത്തിനിടയില്‍ ജനതാദള്‍-എസ് ബിജെപിയുടെ ബി ടീമാണെന്നു വരെ സിദ്ധരാമയ്യ ആരോപിച്ചിരുന്നു. ഗോവയിലും മേഘാലയയിലും മണിപ്പുരിലും ബിജെപി നടത്തിയ ചടുലമായ രാഷ്ട്രീയ നീക്കങ്ങള്‍ കോണ്‍ഗ്രസിനെ അധികാരത്തില്‍ നിന്നു അകറ്റാന്‍ കാരണമായിരുന്നു. അമിത് ഷായെ പോലുള്ള ഒരു ചാണക്യതന്ത്രശാലി കോണ്‍ഗ്രസിനില്ലെങ്കിലും മറ്റു സംസ്ഥാനങ്ങളില്‍ നടന്ന അട്ടിമറികള്‍ അവരുടെ കണ്ണു തുറപ്പിക്കാന്‍ കാരണമായി. മാത്രമല്ല 2019ല്‍ നടക്കാനിരിക്കുന്ന പൊതുതിരഞ്ഞെടുപ്പില്‍ പ്രതിപക്ഷ പാര്‍ട്ടികളുടെ ഒരു പാലം നിര്‍മിച്ച് ബിജെപിയെന്ന വന്‍നദി കടക്കാന്‍ കര്‍ണാടക ഉപകരിക്കുമെന്നും കോണ്‍ഗ്രസ് നേതാക്കള്‍ കരുതുന്നു. യുപി നിയമസഭാ തിരഞ്ഞെടുപ്പിനു ശേഷം ബിഎസ്പിയിലും സമാജ്‌വാദി പാര്‍ട്ടിയിലുമുണ്ടായ പുനര്‍ചിന്തകളാണ് പ്രതിപക്ഷ ഐക്യത്തെക്കുറിച്ചുള്ള സങ്കല്പത്തിന് ജീവന്‍ വപ്പിച്ചത്. ഗോരഖ്പുര്‍, ഫൂല്‍പുര്‍ ലോക്‌സഭാ സീറ്റുകളില്‍ ബിജെപിക്കു തിരിച്ചടി നല്‍കാന്‍ ഇരുപാര്‍ട്ടികളുടെയും കൂട്ടുകെട്ടിനായി. കോണ്‍ഗ്രസിന്റെ സഹായമില്ലാതെ ബിജെപിയെ നേരിടാന്‍ സാധിക്കില്ലെന്ന ചിന്ത പ്രാദേശിക കക്ഷികളില്‍ വ്യാപകമാണ്. തിരിച്ച് പ്രാദേശി കകക്ഷികളുമായി രാഷ്ട്രീയ കൂട്ടുകെട്ട് ഉണ്ടാക്കാതെ തിരിച്ചുവരാന്‍ കഴിയില്ലെന്ന് കോണ്‍ഗ്രസിനും ബോധ്യമുണ്ട്. യുപിയിലെതന്നെ കൈരാന ലോക്‌സഭാ സീറ്റിലും നൂര്‍പുര്‍ നിയമസഭാ സീറ്റിലും 28ന് നടക്കുന്ന തിരഞ്ഞെടുപ്പില്‍ കോണ്‍ഗ്രസ് ഉള്‍പ്പെടെയുള്ള എല്ലാ പ്രതിപക്ഷ പാര്‍ട്ടികളും ഒറ്റക്കെട്ടായാണ് ബിജെപിയെ നേരിടുന്നത്. അതേ കൂട്ടുകെട്ട് 2019ലെ തിരഞ്ഞെടുപ്പിലും ഉണ്ടാക്കാനായാല്‍ ബിജെപിക്ക് അത് കനത്ത വെല്ലുവിളിയാവും ഉയര്‍ത്തുക.
Related Articles
ഭാവിയിലേക്കുള്ള നടവഴികള്‍ തുറന്ന സ്റ്റീഫന്‍ പാദുവ
ആംഗ്ലോ-ഇന്ത്യന്‍ സമുദായത്തിന്റെ നേതാവും നിയമസഭാംഗവുമായിരുന്ന സ്റ്റീഫന്‍ പാദുവ ജനിച്ചത് 1914ലെ വര്‍ഷാവസാന ദിനത്തിലാണ്, ഡിസംബര്‍ 31ന.് ജനനംകൊണ്ട് ഒരു കാലത്തെ അദ്ദേഹം വേര്‍തിരിക്കുകയും പുതുവര്‍ഷത്തിന് ആരംഭംകുറിക്കുകയും ചെയ്തു.
സൗമ്യ സന്തോഷിന്റെ മൃതസംസ്കാര ശുശ്രൂഷകള്‍ക്ക് ഇടുക്കി രൂപതാധ്യക്ഷന്‍ മുഖ്യകാര്‍മ്മികത്വം വഹിക്കും
ന്യൂഡല്‍ഹി: ഇസ്രേയേൽ കൊല്ലപ്പെട്ട സൗമ്യ സന്തോഷിന്റെ മൃതദേഹം കേന്ദ്രമന്ത്രി വി മുരളീധരന്‍ ഡല്‍ഹി രാജ്യാന്തര വിമാനത്താവളത്തില്‍ മൃതദേഹം ഏറ്റുവാങ്ങി. വൈകുന്നേരത്തോടെ എയര്‍ ഇന്ത്യ വിമാനത്തില്‍ മൃതദേഹം കൊച്ചിയിലെത്തിച്ച്‌
