ഓഖി: ആലപ്പുഴ രൂപത സഹായധനം കൈമാറി

ഓഖി: ആലപ്പുഴ രൂപത സഹായധനം കൈമാറി

ആലപ്പുഴ: ഓഖി ദുരന്തത്തില്‍പ്പെട്ട്‌ വള്ളവും വലയും, വീടും നഷ്ടപ്പെട്ടവര്‍ക്ക്‌ ആലപ്പുഴ രൂപത സഹായ ധനം നല്‍കി. വള്ളവും വലയും നഷ്ടപ്പെട്ട 13 പേര്‍ക്ക്‌ ഒരു ലക്ഷം രൂപ വീതവും വീടു നഷ്‌ടപ്പെട്ട 3 കുടുംബങ്ങള്‍ക്ക്‌ 3 ലക്ഷം രൂപ വീതവും നല്‍കി. ആലപ്പുഴ രൂപതാ സൊസൈറ്റിയുടെ ആഭിമുഖ്യത്തില്‍ മാര്‍ച്ച്‌ 10 ന്‌ കര്‍മസദന്‍ പാസ്റ്ററല്‍ സെന്ററില്‍ സംഘടിപ്പിച്ച ചടങ്ങിലാണ്‌ സഹായധനം വിതരണം ചെയ്‌തത്‌. വനിതാ ദിനാഘോഷങ്ങളുടെ ഭാഗമായി വൈകിട്ടു 4 മണിക്കു ചേര്‍ന്ന പൊതുസമ്മേളനത്തിലായിരുന്നു ഓഖി ദുരന്തത്തില്‍പെട്ടവര്‍ക്ക്‌ സാമ്പത്തിക സഹായ വിതരണം നടത്തിയത്‌. ഓഖി ദുരന്ത നാളുകളില്‍ ആലപ്പുഴ തീരത്തു സ്‌തുത്യര്‍ഹമായ സേവനം ചെയ്‌ത കളക്‌ടര്‍ ടി. വി അനുപമയെയും ജില്ലാ പൊലീസ്‌ മേധാവി എസ്‌. സുരേന്ദ്രനെയും വേദിയില്‍ ആദരിച്ചു. ഓഖി ദുരന്തത്തിന്റെ സ്‌മരണ പുതുക്കി സദസില്‍ ദീപം തെളിച്ചു. പൊതു സമ്മേളനത്തില്‍ ആലപ്പുഴ ബിഷപ്‌ ഡോ. സ്റ്റീഫന്‍ അത്തിപ്പൊഴിയില്‍ അദ്ധ്യക്ഷത വഹിച്ചു. ആലപ്പുഴ നഗരസഭ പൊതുമരാമത്ത്‌ സ്റ്റാന്റിംഗ്‌ കമ്മിറ്റി ചെയര്‍പേഴ്‌സണ്‍ മോളി ജേക്കബ്‌ ഉദ്‌ഘാടനം ചെയ്‌തു. ആലപ്പുഴ രൂപതാ വികാരി ജനറല്‍ മോണ്‍. പയസ്‌ ആറാട്ടുകുളം അനുഗ്രഹ പ്രഭാഷണം നടത്തി. കൗണ്‍സിലര്‍ കരോളിന്‍ പീറ്റര്‍, ആലപ്പുഴ ഡെപ്യൂട്ടി ഡയറക്‌ടര്‍ ഓഫ്‌ ഫിഷറീസ്‌ സി. പി അനിരുദ്ധന്‍, കാട്ടൂര്‍ ഫൊറോനാ വികാരി ഫാ. സ്റ്റീഫന്‍ പഴമ്പാശേരി, സെന്റ്‌. ജോസഫ്‌സ്‌ കോണ്‍വന്റ്‌ സുപ്പീരിയര്‍ സിസ്‌റ്റര്‍ മാര്‍ഗരറ്റ്‌ സി. പീറ്റര്‍ എന്നിവര്‍ ആശംസയര്‍പ്പിച്ചു. വനിതാ സംഘങ്ങള്‍ ഒരുക്കിയ സംരംഭക പ്രവര്‍ത്തനങ്ങളുടെ പ്രദര്‍ശനം രാവിലെ 10ന്‌ സെന്റ്‌ ജോസഫ്‌സ്‌ കോളജ്‌ പ്രിന്‍സിപ്പല്‍ ഡോ. ഷീനാ ജോര്‍ജ്‌ ഉദ്‌ഘാടനം ചെയ്‌തു. ഉച്ചകഴിഞ്ഞു 3 മണിക്ക്‌ ആലപ്പുഴ രൂപതാ വനിതാ സംഘങ്ങളുടെ കലാപരിപാടികള്‍ അവതരിപ്പിച്ചു. തുടര്‍ന്നു കര്‍മ്മരംഗത്തു മികവു തെളിയിച്ചിട്ടുള്ള വനിതകളെയും വനിതാ ജനപ്രതിനിധികളേയും ആദരിച്ചു. ഫാ. ടോമി കുരിശിങ്കല്‍ സ്വാഗതവും ഫാ. സേവ്യര്‍ കുടിയാംശേരി ആമുഖ പ്രഭാഷണവും സി. ആന്‍സി കൃതജ്ഞതയും പ്രകാശിപ്പിച്ചു.


Related Articles

വിമാനത്താവളം: അദാനിക്കെതിരെ സര്‍ക്കാര്‍ സുപ്രീം കോടതിയില്‍

ന്യൂഡല്‍ഹി: തിരുവനന്തപുരം വിമാനത്താവള നടത്തിപ്പ് അദാനി എന്റര്‍പ്രൈസിന് കൈമാറുന്നതിനെതിരെ സംസ്ഥാന സര്‍ക്കാര്‍ സുപ്രീം കോടതിയില്‍. നടത്തിപ്പ് കൈമാറാനുള്ള കേന്ദ്രസര്‍ക്കാര്‍ നീക്കം സ്റ്റേ ചെയ്യണമെന്ന് ഹര്‍ജിയില്‍ ആവശ്യപ്പെട്ടു. വിമാനത്താവളത്തിന്റെ ഭൂമി

അപഹാസ്യമാകുന്ന മദ്യനയം

മദ്യലഭ്യത കൂട്ടി മദ്യവര്‍ജ്ജനം സാധ്യമാക്കുന്നതാണല്ലോ സംസ്ഥാന സര്‍ക്കാരിന്റെ നിലവിലെ മദ്യനയത്തിന്റെ കാതലായ വശം. രാത്രി ആഘോഷത്തിന്റെ ഭാഗമായി പുതിയതായി തുറക്കുമെന്നു പറഞ്ഞിരുന്ന പബ്ബുകള്‍ തല്ക്കാലത്തേയ്ക്ക് വേണ്ടെന്നുവച്ചത്, അവിടെ

രാജ്യത്ത് കൊവിഡ് വ്യാപനം കുറയുന്നു; 24 മണിക്കൂറിനിടെ രാജ്യത്ത് 55,342 പേര്‍ക്ക് രോ​ഗം, 706 മരണം

ന്യൂഡല്‍ഹി: ആശ്വാസമായി രാജ്യത്ത് കൊവിഡ് വ്യാപനം കുറയുന്നു. രാജ്യത്തെ പ്രതിദിന കൊവിഡ് രോഗികളുടെ എണ്ണം രണ്ട് മാസത്തിനുള്ളിലെ ഏറ്റവും താഴ്ന്ന നിലയില്‍ എത്തി. കഴിഞ്ഞ 24 മണിക്കൂറിനിടെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*