ഓണത്തിനൊരു മുറം പച്ചക്കറി പദ്ധതിയുമായി കെഎല്‍സിഎ കോട്ടപ്പുറം
കോട്ടപ്പറം: കെഎല്‍സിഎ കോട്ടപ്പുറം രൂപതയുടെ നേതൃത്വത്തില്‍ കടക്കര ഉണ്ണിമിശിഹാ പള്ളിയില്‍ നിറവ് 2018 സംഘടിപ്പിച്ചു. അന്യ സംസ്ഥാനങ്ങളില്‍ നിന്ന് വിഷാംശമുള്ള പച്ചക്കറികള്‍ വിപണനം ചെയ്യുന്നതു വഴി മാരകമായ രോഗങ്ങള്‍ ദിനംപ്രതി വര്‍ദ്ധിച്ചു വരുകയാണ്. ഇതിനു പരിഹാരമെന്ന നിലയില്‍ ഒരു വീട്ടില്‍ ഒരു പച്ചക്കറിത്തോട്ടം എന്ന ആശയം സാക്ഷാത്കരിക്കുന്നതിന് ഗവണ്‍മെന്റ് പദ്ധതികളുമായി സഹകരിച്ച് ഒരു ഗ്രാമം മുഴുവന്‍ ഒരു ഹരിതവിപ്ലവത്തിന് തുടക്കം കുറിക്കുമെന്ന് പറവൂര്‍ ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ എം. എ രശ്മി നിറവ് 2018 ഉദ്ഘാടനം ചെയ്തുകൊണ്ടു പറഞ്ഞു. ഫലസമൃദ്ധിയുള്ള ഗ്രാമം സൃഷ്ടിച്ചെടുക്കാനും വിലക്കയറ്റം തടയുന്നതിനും ആരോഗ്യമുള്ള ഒരു ജനതയെ വാര്‍ത്തെടുക്കാനും ഒരേ മനസോടെ പ്രവര്‍ത്തിക്കണമെന്നും അവര്‍ പറഞ്ഞു. കെഎല്‍സിഎ കോട്ടപ്പുറം രൂപത പ്രസിഡന്റ് അലക്‌സ് താളൂപ്പാടത്ത് അദ്ധ്യക്ഷത വഹിച്ചു, ഉണ്ണിമിശിഹാ പള്ളി വികാരി ഫാ. ഗില്‍ബര്‍ട്ട് ആന്റണി തച്ചേരി, കെഎല്‍സിഎ സംസ്ഥാന വൈസ് പ്രസിഡന്റ് ഇ. ഡി ഫ്രാന്‍സിസ്, കെഎല്‍സിഎ സെക്രട്ടറി ജെയ്‌സന്‍ ജേക്കബ്, ഷാജു പീറ്റര്‍, ജോസഫ് കോട്ടപ്പറമ്പില്‍, പാരിഷ് കൗണ്‍സില്‍ സെക്രട്ടറി സോണി കൊടിയന്ത്ര, ട്രസ്റ്റി ജിനു നെടുംപറമ്പില്‍ എന്നിവര്‍ സംസാരിച്ചു. നൂറു വീടുകളില്‍ ഏത്തവാഴ കണ്ണും പച്ചക്കറി വിത്തും ഓണത്തിനൊരു മുറം പച്ചക്കറി എന്ന സര്‍ക്കാര്‍ പദ്ധതിയുടെ വിത്തുകളും വിതരണം ചെയ്തു.
Related Articles
കെആര്‍എല്‍സിബിസി പ്രൊക്ലമേഷന്‍ കമ്മീഷന്‍ ഗ്രാന്‍ഡ് കോണ്‍ഫറന്‍സ്
കൊച്ചി: കെആര്‍എല്‍സിബിസി പ്രൊക്ലമേഷന്‍ കമ്മീഷന്‍ ഗ്രാന്‍ഡ് കോണ്‍ഫറന്‍സ് പെരുമ്പടപ്പ് സിഇസിയില്‍ സംഘടിപ്പിച്ചു. കോഴിക്കോട് രൂപത വികാരി ജനറല്‍ മോണ്‍. തോമസ് പനക്കല്‍ കോണ്‍ഫറന്‍സ് ഉദ്ഘാടനം ചെയ്തു. പ്രൊക്ലമേഷന്‍
മോണ്‍. ഡോ. പോള്‍ ആന്റണി മുല്ലശേരി നിയുക്ത കൊല്ലം ബിഷപ്
കൊല്ലം: മോണ്‍. ഡോ. പോള്‍ ആന്റണി മുല്ലശേരിയെ കൊല്ലം രൂപതയുടെ പുതിയ ബിഷപ്പായി ഫ്രാന്‍സിസ് പാപ്പാ നിയമിച്ചു. ഇതു സംബന്ധിച്ച പ്രഖ്യാപനം ഇന്ന് വൈകീട്ട്(2018 ഏപ്രില്‍ 18ന്)
തപസ്സുകാലം മൂന്നാം ഞായര്‍
Sunday Mass Readings for March 7 2021, Third Sunday of Lent, Year B 1st Reading Exodus 20:1-17 Or Exodus 20:1-3,
