Breaking News

കടം വാങ്ങിയും സഹായിക്കുമെന്ന് പ്രകാശ്‌രാജ്

കടം വാങ്ങിയും സഹായിക്കുമെന്ന് പ്രകാശ്‌രാജ്
ചെന്നൈ: കൊവിഡ്-19 ന്റെ പശ്ചാത്തലത്തില്‍ രാജ്യത്ത് പ്രഖ്യാപിച്ച ലോക്ഡൗണിനെ തുടര്‍ന്ന് ജീവിതം വഴിമുട്ടിയ ഒരുപറ്റം ആളുകള്‍ക്ക് ഭക്ഷണവും മരുന്നുമുള്‍പ്പെടെയുള്ളവ വിതരണം ചെയ്ത് കൈത്താങ്ങാവുകയാണ് നടന്‍ പ്രകാശ് രാജ്. ലോക്ഡൗണില്‍ ജീവിതം വഴിമുട്ടിയവരെ ബാങ്ക് ലോണ്‍ എടുത്തിട്ടായാലും താന്‍ സഹായിക്കുമെന്നാണ് പ്രകാശ് രാജ് ട്വിറ്ററില്‍ കുറിച്ചത്. തന്റെ സമ്പാദ്യമെല്ലാം തീര്‍ന്നുകൊണ്ടിരിക്കുകയാണെന്നും കടംവാങ്ങിയിട്ടായാലും ഇത്തരം കുടുംബങ്ങളെ സഹായിക്കുമെന്നും പ്രകാശ് രാജ് പറയുന്നു.
പ്രകാശ് രാജ് ഫൗണ്ടേഷന്റെ നേതൃത്വത്തിലാണ് അദ്ദേഹം നിരവധി കുടുംബങ്ങളെ സഹായിക്കുന്നത്. അരിയും പച്ചക്കറിയുമുള്‍പ്പെടെയുള്ള സാധനങ്ങളാണ് വീടുകളില്‍ ഇദ്ദേഹം എത്തിക്കുന്നത്.
‘എന്റെ സമ്പാദ്യമെല്ലാം തീര്‍ന്നുകൊണ്ടിരിക്കുകയാണ്. എന്നാലും ലോക്ഡൗണില്‍ കുടുങ്ങിയവരെ ലോണെടുത്തായാലും ഞാന്‍ സഹായിക്കും. എനിക്ക് ഇനിയും സമ്പാദിക്കാം. ഇപ്പോള്‍ ഏവരും ബുദ്ധിമുട്ടുന്ന സാഹചര്യത്തില്‍ അല്പം മനുഷ്യപ്പറ്റാണ് ആവശ്യമെന്നു തോന്നുന്നു. നമുക്കിതിനെ ഒരുമിച്ച് നേരിടാം. പൊരുതി ജയിക്കാം’-പ്രകാശ് രാജ് ട്വിറ്ററില്‍ കുറിച്ചു.
ലോക്ഡൗണിനുപിന്നാലെ സാമ്പത്തിക പ്രതിസന്ധിയിലായ നിരവധി കുടുംബങ്ങളെ പ്രകാശ് രാജ് സഹായിച്ചിരുന്നു. ദിവസവേതനക്കാരായ 30 പേരെ തന്റെ ഫാം ഹൗസില്‍ താമസിപ്പിച്ചിട്ടുണ്ട്. തന്റെ സമ്പാദ്യത്തില്‍നിന്നും ജോലിക്കാര്‍ക്കും പ്രൊഡക്ഷന്‍ ഹൗസിലെ മറ്റു സഹപ്രവര്‍ത്തകര്‍ക്കും അടുത്ത മെയ് വരെയുള്ള ശമ്പളവും അദ്ദേഹം നല്‍കിയിരുന്നു.


Related Articles

ആര്‍ച്ച്ബിഷപ് അലോഷ്യസ് മരിയ ബെന്‍സിഗറും ഫാ. അദെയോദാത്തൂസുംസുവിശേഷ അരൂപി പകര്‍ന്നു നല്‍കിയവര്‍- ആര്‍ച്ച്ബിഷപ് ഡോ. എം. സൂസപാക്യം

തിരുവനന്തപുരം: ആര്‍ച്ച്ബിഷപ് അലോഷ്യസ് മരിയ ബെന്‍സിഗറും ഫാ. അദെയോദാത്തൂസും ഒരു ജനതയ്ക്ക് സുവിശേഷ അരൂപി പകര്‍ന്നു നല്‍കിയ പുണ്യശ്രേഷ്ഠരായിരുന്നുവെന്നു തിരുവനന്തപുരം ലത്തീന്‍ അതിരൂപത ആര്‍ച്ച്ബിഷപ് ഡോ. എം.

ക്രിസ്തുമത സമ്പൂര്‍ണ ചരിത്രം ചോദ്യോത്തരങ്ങളിലൂടെ

  ഒരു പുസ്തകം എന്തിനു പ്രസിദ്ധീകരിക്കണം എന്ന ചോദ്യം പലപ്പോഴും ഉന്നയിക്കപ്പെടാറുണ്ട്. പ്രയോജനരഹിതമായ പുസ്തകങ്ങളെക്കുറിച്ചാണു ഇത്തരം അഭിപ്രായങ്ങള്‍ രൂപപ്പെടുത്തുന്നത്. വായനയിലൂടെ എന്തെങ്കിലുമൊക്കെ ആര്‍ജ്ജിക്കണം എന്ന ആഗ്രഹത്തെ കുറ്റപ്പെടുത്തുവാനാകില്ലല്ലൊ.

ലോകം ഗാന്ധിജിയിലേക്കു മടങ്ങുമ്പോള്‍

ഇന്ത്യയുടെ രാഷ്ട്രപിതാവ് മഹാത്മാ ഗാന്ധിയുടെ 150-ാം ജന്മവാര്‍ഷികമായ ഒക്‌ടോബര്‍ രണ്ടിന് ഐക്യരാഷ്ട്ര സംഘടനയുടെ ആഹ്വാനപ്രകാരം ലോകം അഹിംസാദിനമായി ആചരിക്കുകയാണ്. അമേരിക്കയിലെ ടെക്‌സസില്‍ ഹൂസ്റ്റണ്‍ എന്‍ആര്‍ജി ഫുട്‌ബോള്‍ സ്‌റ്റേഡിയത്തിലെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*