Breaking News

കടലിന്റെയും തീരത്തിന്റെയും അവകാശികള്‍ തീരദേശവാസികള്‍-ബിഷപ് ഡോ. ജയിംസ് ആനാപറമ്പില്‍

കടലിന്റെയും തീരത്തിന്റെയും അവകാശികള്‍ തീരദേശവാസികള്‍-ബിഷപ് ഡോ. ജയിംസ് ആനാപറമ്പില്‍

എറണാകുളം: കടലും കടല്‍ത്തീരവും പരമ്പരാഗത തീരദേശവാസികള്‍ക്ക് അവകാശപ്പെട്ടതാണെന്ന് കോസ്റ്റല്‍ ഏരിയ ഡവലപ്‌മെന്റ് ഏജന്‍സി ഫോര്‍ ലിബറേഷന്‍ (കടല്‍) ചെയര്‍മാന്‍ ബിഷപ് ഡോ. ജയിംസ് ആനാപറമ്പില്‍. കടലിന്റെ വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കേരളത്തിന്റെ തീരത്ത് പരമ്പരാഗതമായി താമസിക്കുന്ന കുടുംബങ്ങളെ ഏകപക്ഷീയമായും നിര്‍ബന്ധമായും കുടിയൊഴിപ്പിക്കാനുള്ള ശ്രമങ്ങളെ പ്രതിരോധിക്കാന്‍ സമ്മേളനം തീരുമാനിച്ചു. സ്വമേധയാ മാറിത്താമസിക്കുന്നവര്‍ക്ക് ഉചിതമായതും ന്യായപൂര്‍വവുമായ നഷ്ടപരിഹാരം നല്കണം. നഷ്ടങ്ങള്‍ പരിഗണിക്കാതെ ഒരേ അളവിലെ നഷ്ടപരിഹാരം നീതിയല്ല. സുപ്രീംകോടതിയുടെ നിര്‍ദ്ദേശത്തിന്റെ വെളിച്ചത്തില്‍ ലഭ്യമായ രേഖകളുടെ അടിസ്ഥാനത്തില്‍ തയ്യാറാക്കിയ അനധികൃത നിര്‍മാണങ്ങളുടെ പട്ടികയില്‍നിന്നും പരമ്പരാഗത തീരദേശ വാസികളുടെയും മത്സ്യത്തൊഴിലാളികളുടെയും ഭവനങ്ങള്‍ പൂര്‍ണമായും ഒഴിവാക്കണം-കടല്‍ ആവശ്യപ്പെട്ടു.
എക്‌സികൂട്ടീവ് ചെയര്‍മാന്‍ മോണ്‍. യൂജിന്‍ പെരേര അദ്ധ്യക്ഷത വഹിച്ചു. കെആര്‍എല്‍സിസി വെസ് പ്രസിഡന്റ് ഷാജി ജോര്‍ജ്, ജനറല്‍ സെക്രട്ടറി ഫാ. ഫ്രാന്‍സിസ് താന്നിക്കാപ്പറമ്പില്‍, ഡയറക്ടര്‍ ഡോ. അന്റെണിറ്റോ പോള്‍, ജനറല്‍ സെക്രട്ടറി ജോസഫ് ജൂഡ്, വൈസ് പ്രസിഡന്റ് പ്ലാസിഡ് ഗ്രിഗറി, സെക്രട്ടറി ജോയി സി.കമ്പക്കാരന്‍, കെഎല്‍സിഎ പ്രസിഡന്റ് ഷെറി ജെ.തോമസ്, ഫിഷറീസ് സംഘടനകളുടെ ഏകോപന സമിതി ജനറല്‍ സെക്രട്ടറി ജോസഫ് സേവ്യര്‍ കളപ്പുരയ്ക്കല്‍ തുടങ്ങിയവര്‍ പ്രസംഗിച്ചു.
കോസ്റ്റല്‍ ഏരിയ ഡവലപ്‌മെന്റ് ഏജന്‍സി ഫോര്‍ ലിബറേഷന്‍ ചെയര്‍മാനായി ബിഷപ് ഡോ. ജയിംസ് ആനാപറമ്പില്‍ തെരഞ്ഞെടുക്കപ്പെട്ടു. മോണ്‍ യൂജിന്‍ പെരേര (എക്‌സികൂട്ടീവ് ചെയര്‍മാന്‍) ജോസഫ് ജൂഡ് (ജനറല്‍ സെക്രട്ടറി), ഫാ. ഫ്രാന്‍സിസ് സേവ്യര്‍ താന്നിക്കാപ്പറമ്പില്‍ (ട്രഷറര്‍), പ്ലാസിഡ് ഗ്രിഗറി (വൈസ് ചെയര്‍മാന്‍), ജോയി സി. കമ്പക്കാരന്‍, കുഞ്ഞച്ചന്‍ (സെക്രട്ടറിമാര്‍) എന്നിവരാണ് ഇതരഭാരവാഹികള്‍.
കെആര്‍എല്‍സിസിയുടെ ആഭിമുഖ്യത്തിലുള്ള സാമൂഹ്യസന്നദ്ധസംഘടനയാണ് കോസ്റ്റല്‍ ഏരിയ ഡവലപ്‌മെന്റ് ഏജന്‍സി ഫോര്‍ ലിബറേഷന്‍ (കടല്‍). കേരളത്തിലെ മത്സ്യമേഖലയില്‍ ഗവേഷണങ്ങളും പഠനങ്ങളും നടത്തി തീരത്തിന്റെയും തീരദേശ ജനസമൂഹത്തിന്റെയും സമഗ്രവികസനത്തിനും സാമൂഹികഭദ്രതയ്ക്കും സഹായകരമായ നിര്‍ദ്ദേശങ്ങളും പരിപാടികളും മുന്നോട്ടുവയ്ക്കുകയാണ് ലക്ഷ്യം.


Related Articles

ലോക്ഡൗണ്‍ നിയന്ത്രണങ്ങള്‍ പരിശോധിക്കാന്‍ കര്‍മസമിതി

തിരുവനന്തപുരം: ലോക്ഡൗണിനെ തുടര്‍ന്ന് സംസ്ഥാനത്തുണ്ടായ സ്ഥിതിഗതികള്‍ വിലയിരുത്താനായി മുന്‍ ചീഫ് സെക്രട്ടറി കെ.എം.അബ്രാഹം അധ്യക്ഷനായ 17 അംഗ കര്‍മസമിതിക്ക് സംസ്ഥാനം രൂപം നല്‍കി. കഴിഞ്ഞദിവസം മുഖ്യമന്ത്രിമാരുമായി നടത്തിയ

പങ്കായം പറയുന്ന വീരകഥകള്‍

ആലുവ കാര്‍മല്‍ഗിരി പൊന്തിഫിക്കല്‍ സെമിനാരിയിലെ വൈദിക വിദ്യാര്‍ഥികള്‍ തയ്യാറാക്കിയ ”പങ്കായം പറയുന്ന വീരകഥകള്‍-മത്സ്യത്തൊഴിലാളികള്‍ കേരളത്തിന്റെ രക്ഷാസൈന്യം” എന്ന പുസ്തകം കൊല്ലം ബിഷപ് ഡോ. പോള്‍ ആന്റണി മുല്ലശേരി

വിശുദ്ധ ചാവറയച്ചനും വരാപ്പുഴ അതിരൂപതയും: കെഎല്‍സിഎ വെബിനാര്‍

എറണാകുളം: കെഎല്‍സിഎ വരാപ്പുഴ അതിരൂപതയുടെ നേതൃത്വത്തില്‍ വിശുദ്ധ ചാവറയച്ചനും വരാപ്പുഴ അതിരൂപതയും എന്ന വിഷയത്തില്‍ ഒക്ടോബര്‍ പതിനൊന്നാം തിയതി വൈകീട്ട് 5 മണിക്ക് വെബിനാര്‍ നടത്തും. മുതിര്‍ന്ന

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*