കടല്‍ഭിത്തി കേടുപാടുകള്‍ തീര്‍ക്കാന്‍ 15 കോടിരൂപയുടെ ടെണ്ടര്‍ ക്ഷണിച്ചു: കെയര്‍ ചെല്ലാനം അഭിനന്ദിച്ചു
കൊച്ചി: ചെല്ലാനം-ഫോര്‍ട്ടുകൊച്ചി കടല്‍ഭിത്തിയിലെ അറ്റകുറ്റപണികള്‍ക്കായി 15 കോടിരൂപയുടെ ഭരണാനുമതി നല്കി സംസ്ഥാന സര്‍ക്കാര്‍ ഉത്തരവു പുറപ്പെടുവിച്ചു. തെക്കേ ചെല്ലാനം, ഗുണ്ടുപറമ്പ്, മാലാഖപ്പടി, ബസാര്‍, വേളാങ്കണ്ണി, ചാളക്കടവ്, കണ്ടക്കടവ്, റീത്താലയം, പുത്തന്‍തോട്, കണ്ണമാലി, ചെറിയകടവ്, കാട്ടിപ്പറമ്പ്, മാനാേശരി, സൗദി എന്നീ സ്ഥലങ്ങളിലാണ് ഈ തുക ഉപയോഗിച്ച് കടല്‍ഭിത്തിയുടെ അടിയന്തര അറ്റകുറ്റപ്പണികള്‍ നിര്‍വ്വഹിക്കുന്നത്. ഒന്‍പത് ഇടങ്ങള്‍ കേന്ദ്രീകരിച്ചാണ് അറ്റകുറ്റപ്പണികള്‍ നടപ്പാക്കുന്നത്. ഇതിനുള്ള നടപടിക്രമങ്ങള്‍ പൂര്‍ത്തീകരിച്ച് പണിതുടങ്ങുന്നതിനുള്ള ടെണ്ടര്‍ ക്ഷണിച്ചു. നടപടിക്രമങ്ങള്‍ പൂര്‍ത്തിയാക്കിയ കേരളസര്‍ക്കാരിനെ കെയര്‍ ചെല്ലാനം അഭിനന്ദിച്ചു.
ചെല്ലാനം മുതല്‍ ഫോര്‍ട്ടുകൊച്ചി വരെയുള്ള തീരത്തിന്റെ സംരക്ഷണം ആവശ്യപ്പെട്ട് കെആര്‍എല്‍സിസി സമര്‍പ്പിച്ച ജനകീയ രേഖയുടെ നിര്‍ദ്ദേശങ്ങളിലൊന്നായിരുന്നു ഹ്രസ്വകാലാടിസ്ഥാനത്തില്‍ കടല്‍ഭിത്തി തകര്‍ന്ന സ്ഥാലങ്ങളില്‍ അടിയന്തിര അറ്റകുറ്റപണികള്‍ തീര്‍ക്കല്‍. ഇതോടൊപ്പം ദീര്‍ഘകാലപദ്ധതിയായി തീരത്തിന്റെ സംരക്ഷണത്തിന് തീരസമ്പുഷ്ടീകരണവും കെആര്‍എല്‍സിസി. ജനകീയ രേഖയില്‍ സമര്‍പ്പിച്ചിരുന്നു. ഇതിനായി 100 കോടി രൂപ സംസ്ഥാന ബജറ്റില്‍ നീക്കിവെച്ചിട്ടുണ്ട്.
കടല്‍ഭിത്തിയുടെ കേടുപാടുകള്‍ തീര്‍ക്കാന്‍ 15 കോടിരൂപയുടെ ഭരണാനുമതിയും ഒരുകോടി രൂപ എമര്‍ജന്‍സി ഫണ്ടിന്റെ ഉപയോഗത്തിനുമാണ് സാങ്കേതിക അനുമതി നല്കി ടെണ്ടര്‍ ക്ഷണിച്ചത്. സംസ്ഥാന സര്‍ക്കാരിന്റെ നടപടിയെ കെയര്‍ ചെല്ലാനം അഭിനന്ദിച്ചു. കെയര്‍ ചെല്ലാനത്തിന്റെ എക്‌സിക്യൂട്ടീവ് യോഗം കെആര്‍എല്‍സിസി. പ്രസിഡന്റ് ബിഷപ് ഡോ. ജോസഫ് കരിയില്‍ ഉദ്ഘാടനം ചെയ്തു. കടല്‍ ചെയര്‍മാന്‍ ബിഷപ് ഡോ. ജയിംസ് ആനാപ്പറമ്പില്‍ യോഗത്തില്‍ അധ്യക്ഷതവഹിച്ചു. ജനറല്‍ കണ്‍വീനര്‍ ഷാജി ജോര്‍ജ്, കടല്‍ ഡയറക്ടര്‍ ഫാ. അന്റോണിറ്റോ പോള്‍, കെആര്‍എല്‍സിസി. ജനറല്‍ സെക്രട്ടറി ഫാ. തോമസ് തറയില്‍, കടല്‍ ജനറല്‍ സെക്രട്ടറി ജോസഫ് ജൂഡ്, കെയര്‍ ചെല്ലാനം കോ-ഓര്‍ഡിനേറ്റമാരായ ഫാ. ജോണ്‍ കണ്ടത്തിപ്പറമ്പില്‍, ഫാ. ആന്റണി തോട്ടകത്ത്, ഫാ. ജോണി പുതുക്കാട്ട്, കെഎല്‍സിഎ ജനറല്‍ സെക്രട്ടറി ഷെറി ജെ. തോമസ്, ടി.എ. ഡാല്‍ഫിന്‍, ബാബു കാളിപ്പറമ്പില്‍, ജിന്‍സണ്‍ വെളുത്തമണ്ണുങ്കല്‍, ആന്റണി ജയന്‍ കുന്നേല്‍, മെറ്റില്‍ഡാ മൈക്കിള്‍, അലക്‌സ് കാരങ്ങാട്ട്, ഫാ. ജെയിംസ് ഒസിഡി എന്നിവര്‍ പ്രസംഗിച്ചു.
Related Articles
കോവിഡ് വ്യാപനം: നാല് സംസ്ഥാനങ്ങള്‍ക്ക് നോട്ടീസ്
രാജ്യത്ത് കോവിഡ് വ്യാപനം ശക്തമായ നാല് സംസ്ഥാനങ്ങള്‍ക്ക് സുപ്രീംകോടതി നോട്ടീസ്. ഡല്‍ഹി, ഗുജറാത്ത്, മഹാരാഷ്ട്ര, ആസാം സംസ്ഥാനങ്ങള്‍ക്കാണ് നോട്ടീസ് അയച്ചത്. രോഗവ്യാപനം ശക്തമായ നാല് സംസ്ഥാനങ്ങളിലെ
ശ്രദ്ധേയമായി കടലമ്മ ഫോട്ടോപ്രദര്‍ശനം
കൊച്ചി: തീരദേശമേഖല അനുഭവിക്കുന്ന പ്രശ്‌നങ്ങളെയും അതിനുള്ള പരിഹാരമാര്‍ഗങ്ങളെ ക്കുറിച്ചും പഠിക്കാന്‍ കെസിവൈഎം കൊച്ചി രൂപതയുടെ ആഭിമുഖ്യത്തില്‍ നടത്തുന്ന സമുദ്ര 2019 സംസ്ഥാന തീരദേശ ക്യാമ്പിന്റെ ഭാഗമായി സംഘടിപ്പിച്ചിരിക്കുന്ന
നവകേരളത്തിന്റെ സ്ത്രീസങ്കല്പനങ്ങള്‍
നവകേരളത്തിന്റെ സ്ത്രീസങ്കല്പനങ്ങള്‍ ഭാര്യ: അപ്പോ ഏട്ടന് ടേബിള്‍മാനേഴ്‌സ് ഒക്കെ അറിയാമല്ലേ ? ഭര്‍ത്താവ്: അതെന്താ നീ അങ്ങനെ ചോദിച്ചത് ? ഭാര്യ: അല്ല ചേട്ടന്‍ ഇവിടെ വേയ്സ്റ്റ്
