കയ്യടിനേടി കലാസന്ധ്യ
കൊല്ലം: കെആര്‍എല്‍സിസി ജനറല്‍ അസംബ്ലിയുടെ ആദ്യദിവസം ക്രിസ്തുജ്യോതിസ് ആനിമേഷന്‍ സെന്ററില്‍ അരങ്ങേറിയ കലാസന്ധ്യ ഏവരുടെയും മനംകുളിര്‍പ്പിച്ചു. കെസിവൈഎമ്മിന്റെയും മാധ്യമ കമ്മീഷന്റെയും തോപ്പ് സെന്റ് സ്റ്റീഫന്‍സ് ഇടവകയുടെയും വിമലഹൃദയ സ്‌കൂളിന്റെയും നേതൃത്വത്തിലാണ് കലാപരിപാടികള്‍ അവതരിപ്പിച്ചത്.
കടല്‍കടന്നുവന്ന് കേരളക്കരയില്‍ ദൈവരാജ്യത്തിന്റെ സദ്‌വാര്‍ത്തയറിയിച്ച കൊല്ലത്തെ പൂര്‍വപിതാക്കന്മാര്‍ക്ക് പ്രണാമമര്‍പ്പിച്ചായിരുന്നു തുടക്കം. 2018ല്‍ കേരളത്തിലുണ്ടായ മഹാപ്രളയത്തില്‍ രക്ഷകരായ മത്സ്യത്തൊഴിലാളികള്‍ക്ക് ആദരമര്‍പ്പിച്ച് അവതരിപ്പിച്ച കലാപ്രകടനം അവതരണമികവുകൊണ്ട് ശ്രദ്ധേയമായി. സമകാലികസംഭവങ്ങളും പൈതൃകസാംസ്‌കാരിക തനിമയും ഒത്തിണങ്ങിയ രണ്ടു മണിക്കൂര്‍ നീണ്ട കലാവിരുന്നും കെസിവൈഎം ഒരുക്കിയ ഗാനസന്ധ്യയും മികച്ച ദൃശ്യവിരുന്നായി.
നമ്മുടെ ചിന്തകളും പ്രവൃത്തികളും ദൈവസന്നിധിയിലേക്ക് തിരിയാന്‍ ഇത്തരം കലാപ്രകടനങ്ങള്‍ നിമിത്തമാകുമമെന്ന് അഭിനന്ദനസന്ദേശം നല്കിയ ബിഷപ് ഡോ. അലക്‌സ് വടക്കുംതല പറഞ്ഞു. ഫാ. ജോസ് സെബാസ്റ്റ്യന്‍, സിസ്റ്റര്‍ സെല്‍മ, അലക്‌സ് മുതുകുളം, കിരണ്‍, എഡ്വേര്‍ഡ് തുടങ്ങിയവര്‍ പരിപാടികള്‍ക്ക് നേതൃത്വം നല്കി.
Related Articles
ദീര്‍ഘായുസിന്റെ രഹസ്യം
117 വര്‍ഷങ്ങള്‍ ഇഹലോകത്ത് ജീവിച്ച ജപ്പാനിലെ മിസാവോ ഒക്കാവയാണ് ഭൂമുഖത്തുണ്ടായിരുന്ന ഏറ്റവും പ്രായംകൂടിയ വ്യക്തി എന്നുപറയാം. 1898ല്‍ ജപ്പാനിലെ ഒസാക്കയില്‍ ജനിച്ച മിസാവോ 2015ലാണ് മരിക്കുന്നത്. ലോകത്ത്
പാചകവാതക സിലിണ്ടറിന് 100 രൂപ കുറഞ്ഞു
പാചകവാതക സിലിണ്ടറിന് 100 രൂപ കുറഞ്ഞു. സബ്‌സിഡിയില്ലാത്ത പാചക വാതക സിലിണ്ടറിനാണ് 100 രൂപ 50 പൈസ കുറഞ്ഞിരിക്കുന്നത്. സബ്‌സിഡിയില്ലാത്ത ഗ്യാസ് സിലിണ്ടറിന് ഇപ്പോള്‍ 737 രൂപ 50
രാഷ്ട്രീയമായി കണക്കുചോദിക്കാനാകണം
കേരളത്തിലെ പിന്നാക്ക സമുദായങ്ങളില്‍ രാഷ്ട്രീയ, സാമൂഹിക മുന്നേറ്റങ്ങളില്‍ നിര്‍ണായക സ്വാധീനം ചെലുത്താന്‍ കഴിയുന്ന പ്രബലശക്തിയാണ് ലത്തീന്‍ കത്തോലിക്കാ സമൂഹം. തീരദേശത്തെ മത്സ്യത്തൊഴിലാളികളും പരമ്പരാഗത നിര്‍മാണതൊഴിലാളികളും മലയോരത്തെ തോട്ടം
