കരകയറും കേരളം, കെആര്‍എല്‍സിസി കോണ്‍ക്ലേവ് ശനിയാഴ്ച
എറണാകുളം: പ്രളയത്തിലുണ്ടായ നാശനഷ്ടങ്ങളില്‍ നിന്നു കേരളത്തെ പുനര്‍നിര്‍മിക്കുന്നതിന് ജനക്ഷേമത്തിനും ശാസ്ത്രീയ സമീപനത്തിനും ഊന്നല്‍ നല്‍കുന്ന നിര്‍ദേശങ്ങള്‍ രൂപപ്പെടുത്തുന്നതിന് കേരള റീജ്യന്‍ ലാറ്റിന്‍ കാത്തലിക് കൗണ്‍സില്‍ (കെആര്‍എല്‍സിസി) “’കരകയറും കേരളം’” എന്ന കോണ്‍ക്ലേവ് സംഘടിപ്പിക്കുന്നു.
വരാപ്പുഴ ആര്‍ച്ച്ബിഷപ്‌സ് ഹൗസില്‍ സെപ്റ്റംബര്‍ എട്ടിന് രാവിലെ 10.30 മുതല്‍ നാലു വരെ നടത്തുന്ന കോണ്‍ക്ലേവില്‍ സാമൂഹ്യശാസ്ത്രജ്ഞരും ധനശാസ്ത്രവിദഗ്ധരും ജനപ്രതിനിധികളും ഉദ്യോഗസ്ഥപ്രമുഖരും മാധ്യമപ്രവര്‍ത്തകരും അഭിഭാഷകരും സംഘടനാ ഭാരവാഹികളും വിദ്യാഭ്യാസവിചക്ഷണരും ഉള്‍പ്പെടെ 80 പ്രഗത്ഭര്‍ പങ്കെടുക്കുമെന്ന് കെആര്‍എല്‍സിസി ജനറല്‍ സെക്രട്ടറി ഫാ. ഫ്രാന്‍സിസ് സേവ്യര്‍ താന്നിക്കാപ്പറമ്പില്‍, വൈസ് പ്രസിഡന്റ് ഷാജി ജോര്‍ജ് എന്നിവര്‍ അറിയിച്ചു. ക്ഷണിതാക്കളും മുന്‍കൂട്ടി രജിസ്റ്റര്‍ ചെയ്തവരുമാണ് കോണ്‍ക്ലേവില്‍ പങ്കെടുക്കുന്നത്. പുനരധിവാസവും പുനര്‍നിര്‍മാണവും: നടപടികളും പ്രവര്‍ത്തനവും എന്ന ആദ്യ സെഷനില്‍ കെ. കൃഷ്ണന്‍കുട്ടി എംഎല്‍എ, ഈശോസഭയുടെ കേരള പ്രൊവിന്‍ഷ്യല്‍ റവ. ഡോ. എം.കെ. ജോര്‍ജ്, മാതൃഭൂമി അസിസ്റ്റന്റ് എഡിറ്റര്‍ കെ. എ ജോണി എന്നിവര്‍ വിഷയാവതരണം നടത്തും. ഡോ. ക്രിസ്റ്റി ഫെര്‍ണാണ്ടസ് മോഡറേറ്ററായിരിക്കും.
നവകേരള നിര്‍മിതി എന്ന രണ്ടാം സെഷനില്‍ വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ അധ്യക്ഷത വഹിക്കും. പ്രൊഫ. കെ. വി തോമസ് എംപി, ഹൈബി ഈഡന്‍ എംഎല്‍എ, ജോണ്‍ ഫെര്‍ണാണ്ടസ് എംഎല്‍എ, ബിജെപി സംസ്ഥാന ജനറല്‍ സെക്രട്ടറി എ. എന്‍ രാധാകൃഷ്ണന്‍ എന്നിവര്‍ പ്രസംഗിക്കും.
സാമ്പത്തിക പ്രത്യാഘാതങ്ങള്‍ എന്ന മൂന്നാം സെഷനില്‍ എറണാകുളം മഹാരാജാസ് കോളജ് മുന്‍ പ്രിന്‍സിപ്പല്‍ ഡോ. മാര്‍ട്ടിന്‍ പാട്രിക്, കൊച്ചി കോര്‍പറേഷന്‍ സ്ഥിരം സമിതി അധ്യക്ഷ ഡോ. പൂര്‍ണിമ നാരായണ്‍ എന്നിവര്‍ വിഷയാവതാരകരാണ്. കേരള ഫിഷറീസ്-സമുദ്രപഠന സര്‍വകലാശാല രജിസ്ട്രാര്‍ ഡോ. വിക്ടര്‍ ജോര്‍ജ് മോഡറേറ്ററായിരിക്കും. തിരുവനന്തപുരം അതിരൂപതാ പിആര്‍ഒ മോണ്‍. യൂജിന്‍ പെരേര നിയന്ത്രിക്കുന്ന പൊതുചര്‍ച്ചയോടെ കോണ്‍ക്ലേവ് സമാപിക്കും.
Related Articles
കഠ്‌വ സംഭവം: കെഎല്‍സിഡബ്ല്യുഎ പ്രതിഷേധ കൂട്ടായ്മ സംഘടിപ്പിച്ചു
തിരുവനന്തുപരം: ഇന്ത്യയില്‍ പെണ്‍കുട്ടികള്‍ക്കു നേരെയുണ്ടാകുന്ന അതിക്രമങ്ങള്‍ക്കെതിരെ കേരള ലാറ്റിന്‍ കാത്തലിക്ക് വിമണ്‍സ് അസോസിയേഷന്‍ (കെഎല്‍സിഡബ്ല്യുഎ) തിരുവനന്തപുരം അതിരൂപത സമിതി പ്രതിഷേധ കൂട്ടായ്മ സംഘടിപ്പിച്ചു. പാളയം സെന്റ് ജോസഫ്‌സ്
തീരശോഷണത്തിന് ശാശ്വത പരിഹാരം തേടണം
ആര്‍ക്കും പ്രവചിക്കാവുന്ന ചാക്രിക പ്രതിഭാസമാണ് കാലവര്‍ഷവും കടല്‍ക്ഷോഭവും തീരദേശ ജനതയുടെ പ്രാണനൊമ്പരവും. ദീര്‍ഘകാല പരിപ്രേഷ്യത്തോടുകൂടി പ്രകൃതിദുരന്താഘാത പ്രതിരോധശേഷിയുള്ള പശ്ചാത്തല സൗകര്യങ്ങള്‍ ഒരുക്കി കേരളം പുനര്‍നിര്‍മിച്ചുകൊണ്ടിരിക്കുന്നതായി ‘പ്രത്യേക മാനസികാവസ്ഥയുള്ള’
തെക്കന്‍ കുരിശുമല തീര്‍ഥാടനത്തിന് തുടക്കമായി
നെയ്യാറ്റിന്‍കര: രാജ്യാന്തര തീര്‍ഥാടനകേന്ദ്രമായ വെള്ളറട തെക്കന്‍ കുരിശുമലയുടെ 62-ാമത് തീര്‍ഥാടനത്തിന് തിരിതെളിഞ്ഞു. ‘വിശുദ്ധകുരിശ് ജീവന്റെ സമൃദ്ധി’ എന്നതാണ് ഈ വര്‍ഷത്തെ തീര്‍ഥാടന സന്ദേശം.തി-മത-രാഷ്ട്രീയ അതിര്‍വരമ്പുകള്‍ മറന്ന് നാടിന്റെ
