Breaking News

കര്‍ണാടകത്തില്‍ ലോക്ഡൗണ്‍ ലംഘിച്ച് രഥോല്‍സവം

കര്‍ണാടകത്തില്‍ ലോക്ഡൗണ്‍ ലംഘിച്ച് രഥോല്‍സവം

ബംഗളൂരു: രാജ്യത്ത് കൊവിഡ് രോഗഭീതി നിലനില്‍ക്കെ കര്‍ണാടകയില്‍ ലോക്ഡൗണ്‍ ലംഘിച്ച് രഥോല്‍സവം നടത്തി. കര്‍ണാടകയിലെ കൊവിഡ് തീവ്രബാധിത മേഖലയായ കല്‍ബുര്‍ഗിയിലാണ് ലോക്ഡൗണ്‍ നിര്‍ദ്ദേശങ്ങള്‍ ലംഘിച്ച് രഥോല്‍സവം നടത്തിയത്. കൊവിഡ് ഹോട്ട്‌സ്‌പോട്ടില്‍ നിന്ന് രണ്ട് കിലോമീറ്റര്‍ മാത്രം അകലെയുള്ള ക്ഷേത്രത്തിലാണ് ആഘോഷം അരങ്ങേറിയത്. ഇരുന്നൂറോളം പേരാണ് രാവൂര്‍ സിദ്ധലിംഗേശ്വര ക്ഷേത്രത്തില്‍ ആഘോഷത്തിനായി എത്തിയത്. സംഭവത്തില്‍ ക്ഷേത്രഭാരവാഹികള്‍ക്കതിരെ പൊലീസ് കേസെടുത്തു.  
ഉല്‍സവാഘോഷം നടക്കുന്ന വീഡിയോ ദൃശ്യങ്ങളും പുറത്തുവന്നിട്ടുണ്ട്. ഏപ്രില്‍ 10ന് കര്‍ണാടകയിലെ തുമകൂരുവില്‍ ബിജെപി എംഎല്‍എ പിറന്നാളാഘോഷം സംഘടിപ്പിച്ചത് വിവാദമായിരുന്നു. കുട്ടികള്‍ ഉള്‍പ്പെടെ നൂറിലധികം പേരെ പങ്കെടുപ്പിച്ചുകൊണ്ടാണ് പിറന്നാളാഘോഷം നടത്തിയത്. ഇതിനുപിന്നാലെയാണ് രഥോല്‍സവം അരങ്ങേറിയത്. രാജ്യത്തെ ആദ്യ കൊവിഡ് മരണം റിപ്പോര്‍ട്ട് ചെയ്ത കല്‍ബുര്‍ഗിയില്‍ ഇതിനോടകം മൂന്ന് പേര്‍ രോഗം ബാധിച്ച് മരിച്ചു. ഇരുപത് പേര്‍ ചികിത്സയിലാണ്.



Related Articles

കൊഴിഞ്ഞാമ്പാറയില്‍ പതിനായിരങ്ങളുടെ റാലിയും പൊതുയോഗവും

സുല്‍ത്താന്‍പേട്ട്: ആര്‍ബിസി കനാല്‍ സമരസമിതി നേതാവ് ഫാ. ആല്‍ബര്‍ട്ട് ആനന്ദ്‌രാജിനെതിരെ അടിസ്ഥാനമില്ലാത്ത ആരോപണമുന്നയിച്ച രാഷ്ട്രീയനേതൃത്വത്തിനെതിരെ കേരള റീജിയണ്‍ ലാറ്റിന്‍ കാത്തലിക് കൗണ്‍സില്‍ (കെആര്‍എല്‍സിസി) കൊഴിഞ്ഞാമ്പാറയില്‍ സംഘടിപ്പിച്ച പൊതുയോഗത്തില്‍

ഞാനറിയുന്ന ബെനഡിക്റ്റ് പതിനാറാമന്‍

വത്തിക്കാനിലെ മത്തേര്‍ എക്ളേസിയ സന്യാസിമഠത്തില്‍ വിശ്രമജീവിതം നയിക്കുന്ന പാപ്പാ എമിരിറ്റസ് ബെനഡിക്റ്റ് പതിനാറാമനെ ഇക്കഴിഞ്ഞ ആഗസ്റ്റ് ഒന്നാം തീയതിയാണ് പിതാവിന്റെ ജീവചരിത്രകാരനും സുഹൃത്തുമായ പീറ്റര്‍ സീവാള്‍സ് സന്ദര്‍ശിക്കുന്നത്.

കെ.ആര്‍.എല്‍.സി.ബി.സി സ്ഥാപകദിനം ആഘോഷിച്ചു

വിജയപുരം: കേരള ലത്തീന്‍ മെത്രാന്‍ സമിതിയുടെ യോഗം വിജയപുരം മെത്രാസനമന്ദിരത്തില്‍ കെആര്‍എല്‍സിബിസി പ്രസിഡന്റും തിരുവനന്തപുരം അതിരൂപതാദ്ധ്യക്ഷനുമായ ആര്‍ച്ച്ബിഷപ് ഡോ. എം. സൂസപാക്യത്തിന്റെ അദ്ധ്യക്ഷതയില്‍ ചേര്‍ന്നു. കേരളത്തിലെ 12

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*