കുട്ടികളിലെ വര്‍ദ്ധിച്ച നെഞ്ചിടിപ്പ്

കുട്ടികളിലെ വര്‍ദ്ധിച്ച നെഞ്ചിടിപ്പ്

ഹൃദ്രോഗവിദഗ്ദ്ധന്റെ അടുത്തു ചെക്കപ്പിനു വരുന്ന ഏതാണ്ട് 30 ശതമാനം കുട്ടികളുടെയും പ്രധാന പരാതി തുടരെത്തുടരെ ഉണ്ടാകുന്ന വര്‍ദ്ധിച്ച നെഞ്ചിടിപ്പാണ്. ഈ പ്രതിഭാസം പെണ്‍കുട്ടികളിലാണ് കൂടുതലായി കാണുന്നത്. വീട്ടിലോ സ്‌കൂളിലോ ഓരോരോ കാരണങ്ങളാല്‍ മനോസംഘര്‍ഷം ഉണ്ടാകുമ്പോഴോ ആയാസപ്പെടുമ്പോഴോ നെഞ്ചിടിപ്പ് അമിതമായി വര്‍ദ്ധിച്ച് ദുസ്സഹമായ അവസ്ഥയുണ്ടാകുന്ന പ്രതീതി. ഈ അവസ്ഥ മൂര്‍ച്ഛിച്ച്  തുടര്‍ന്ന് വീഴുന്നതുവരെ എത്തുന്നു. വിശപ്പോ ദാഹമോ ഇല്ല, ഒന്നും പഠിക്കാന്‍ പറ്റുന്നില്ല, ആകപ്പാടെ വലിയൊരു രോഗമുണ്ടാകുന്ന പ്രതീതി. ‘മൈട്രല്‍ വാല്‍വ് പ്രൊലാപ്‌സ്’ എന്ന വാല്‍വിന്റെ ഘടനവ്യതിയാനമുള്ളവരിലാണ് ഇത് കൂടുതലായി കാണുന്നതും. അവര്‍ കലഹപ്രിയരായിരിക്കും. പെട്ടെന്ന് ദേഷ്യം വരും, സംഘര്‍ഷഭരിതമായിരിക്കും ഓരോ പ്രവര്‍ത്തനവും, ഡോക്ടറുടെ സ്‌നേഹമസൃണമായ പെരുമാറ്റവും, കരുതലോടെയുള്ള കൗണ്‍സിലിങ്ങും, ധൈര്യം കൊടുക്കലും ഈ രോഗലക്ഷണമുള്ളവര്‍ക്ക് നല്ലൊരു പരിധിവരെ ആശ്വാസം നല്‍കും. അതായത് ഔഷധ ചികിത്സ സാധാരണ അവസ്ഥയില്‍ ആവശ്യമില്ലെന്നര്‍ത്ഥം. വാല്‍വുകളുടെ ഘടനാവൈകല്യം അധികരിച്ച് ലീക്കൂള്ള അവസ്ഥയാണെങ്കില്‍ മരുന്നുകള്‍ വേണ്ടിവരും. ഇനി ഹൃദയത്തിന് ഘടനാപരമായ  വൈകല്യമുണ്ടാകാതെയും വര്‍ദ്ധിച്ച നെഞ്ചിടിപ്പ് ഉണ്ടാകാം പെട്ടെന്നു വഷളാകുന്ന സ്വഭാവപ്രകൃതി, ഹോര്‍മോണുകളുടെ ഏറ്റക്കുറച്ചില്‍ തുടങ്ങിയവയും കാരണമാകും.


Related Articles

ആഹാര ക്രമീകരണം കുട്ടികളില്‍

കുട്ടികളെയും കൗമാരപ്രായക്കാരെയും ഭാവിയിലുണ്ടാക്കാന്‍ പോകുന്ന ഹൃദ്രോഗത്തിന്റെ നീരാളിപ്പിടുത്തത്തില്‍ നിന്ന്‌ എങ്ങനെ രക്ഷപ്പെടുത്താം? പെട്ടെന്ന്‌ വളര്‍ന്ന്‌ വലുതാകണമെന്ന ആര്‍ത്തിയോടെ കുട്ടികള്‍ക്ക്‌ കിട്ടാവുന്നതെന്തും കൊടുക്കാമോ? അമേരിക്കന്‍ അക്കാദമി ഓഫ്‌ പീഡിയാട്രിക്‌സിന്റെ

വാല്‍വുകളുടെ അപചയവും രോഗലക്ഷണങ്ങളും

ഡോ. ജോര്‍ജ് തയ്യില്‍ വാതപ്പനിമൂലം ഘടനാപരിവര്‍ത്തനം സംഭവിച്ച വാല്‍വുകള്‍ ഉണ്ടാക്കുന്ന രോഗലക്ഷണങ്ങള്‍ ഏറെയാണ്. ഹൃദയ അറകളിലൂടെയുള്ള രക്തപര്യയനം നിര്‍വിഘ്‌നം സംഭവിച്ചാലേ ശാരീരിക പ്രവര്‍ത്തനങ്ങള്‍ അനുസ്യൂതം നടക്കുകയുള്ളൂ. ഓക്‌സീകരണം

ജോലി ചെയ്യുന്നതിന്റെ മാഹാത്മ്യം

ചിലരിങ്ങനെയാണ്, ശരീരമനങ്ങി ജോലി ചെയ്യില്ല. മെയ്യനങ്ങി എന്തെങ്കിലുമൊക്കെ ജോലികളിലേര്‍പ്പെട്ടാല്‍ അത് അന്തസിന് കുറവാണെന്ന ചിന്ത. അല്പമെന്തെങ്കിലും വീട്ടിലുണ്ടായാല്‍ പിന്നെയൊരു ചെറിയ ധനികനാണെന്ന ധാരണയാണ്. ഈ മിഥ്യാധാരണ അഥവാ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*