Breaking News

കേസുകൾ എടുക്കുന്നത് ചില വിഭാഗങ്ങൾക്കെതിരെ മാത്രമാകുന്നു എന്ന പരാതി ഉണ്ടാകാൻ ഇടയാകരുത്: കെ എൽ സി എ

കേസുകൾ എടുക്കുന്നത് ചില വിഭാഗങ്ങൾക്കെതിരെ മാത്രമാകുന്നു എന്ന പരാതി ഉണ്ടാകാൻ ഇടയാകരുത്: കെ എൽ സി എ

കൊച്ചി: പ്രതിരോധ പ്രവർത്തനങ്ങളുടെ ഭാഗമായി ആരോഗ്യ വിഭാഗവും പോലീസും ചെയ്യുന്ന സേവനങ്ങൾ അഭിനന്ദനീയമാണ്. അതേസമയം നിയമങ്ങൾ കർക്കശമായി നടപ്പാക്കുമ്പോൾ കേസുകൾ എടുക്കുന്നത് ചില വിഭാഗങ്ങൾക്കെതിരെ മാത്രമാകുന്നു എന്ന പരാതി ഉണ്ടാകാൻ ഇടയാകരുത്. അഞ്ചിലധികം ആളുകൾ കൂടിയ ചടങ്ങുകളുടെ പത്ര ഫോട്ടോകൾ പോലും പ്രസിദ്ധീകരിക്കുകയും കഴിഞ്ഞദിവസം കൊച്ചിയിൽ 5 പേർ പങ്കെടുത്ത ദിവ്യബലി ചൊല്ലിയ വൈദികനെയും പങ്കെടുത്തവരെയും പുറമേ നിന്ന് അപ്രതീക്ഷിതമായി ഒരാൾകൂടി പള്ളിയിൽ വന്നുചേർന്നതിനെതുടർന്ന് എല്ലാവരെയും അറസ്റ്റ് ചെയ്തു ജാമ്യത്തിൽ വിട്ടയയ്ക്കുകയും പിന്നീട് വാർത്ത ഉണ്ടാക്കുന്നതിനു വേണ്ടി കടലാസുകൾ ഒപ്പിടാൻ വിട്ടുപോയി എന്ന് പറഞ്ഞ് വൈദികനെ ഉൾപ്പെടെ തിരികെ വിളിപ്പിച്ച  പോലീസ് നടപടിയും ഇത്തരത്തിലുള്ള സംശയങ്ങൾ ദൃഢീകരിക്കുന്നു. നിയന്ത്രണങ്ങൾ കർശനമായി പാലിക്കപ്പെടണം. എല്ലാ ആളുകളോടും ഒരേ സമീപനം പുലർത്തണം. സ്ത്രീകൾ ഉൾപ്പെടെയുള്ളവരെ ദിവ്യബലിയിൽ പങ്കെടുത്തതിന് അറസ്റ്റ് ചെയ്ത് ജാമ്യത്തിൽ വിട്ടതിന് ശേഷം വീണ്ടും സ്റ്റേഷനിൽ വിളിച്ചുവരുത്തിയ സംഭവത്തിൽ അന്വേഷണം നടത്താൻ മുഖ്യമന്ത്രിയും സംസ്ഥാന പോലീസ് മേധാവിയും തയ്യാറാകണമെന്നും എന്നും കെഎൽസിഎ ഭാരവാഹികൾ ആവശ്യപ്പെട്ടു. വീഡിയോ കോൺഫറൻസ് യോഗത്തിൽ സംസ്ഥാന പ്രസിഡൻറ് ആൻറണി നൊറോണ, ജനറൽ സെക്രട്ടറി ഷെറി ജെ തോമസ്, ബിജു ജോസി, ജസ്റ്റീന ഇമ്മാനുവൽ, ജസ്റ്റിൻ കരിപ്പാട്ട്, ജോർജ് നാനാട്ട്, ജോൺ ബാബു,  ഗൾഫ് നാടുകളിലെ കെഎൽസിഎ പ്രവർത്തനങ്ങൾ കോഡിനേറ്റ് ചെയ്യുന്ന അലക്സ് താളുപാടത്ത് എന്നിവർ പ്രസംഗിച്ചു.

 


Related Articles

ഫാ. സെബാസ്റ്റ്യന്‍ മില്‍ട്ടണ്‍ ജീവനാദം മാനേജിംഗ് എഡിറ്റര്‍; ഫാ. ആന്റണി വിബിന് യാത്രയയപ്പ് നൽകി

എറണാകുളം: ആലപ്പുഴ രൂപതാംഗം ഫാ. സെബാസ്റ്റ്യന്‍ മില്‍ട്ടണ്‍ കളപ്പുരയ്ക്കലിനെ ജീവനാദത്തിന്റെ പുതിയ മാനേജിംഗ് എഡിറ്ററായി നിയമിച്ചു. ജീവനാദത്തിന്റെ എപ്പിസ്‌കോപ്പല്‍ ചെയര്‍മാനായ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പിലാണ് നിയമന

പെൺകുട്ടികൾക്കുള്ള വിവിധ സ്കോളർഷിപ്പുകിൽ ചിലത്

പെൺകുട്ടികളുടെ പഠന നിലവാരം ഉയർത്തുന്നതിനും, പഠനത്തിന് പ്രോത്സാഹനം നൽകുന്നതിനുമായി സർക്കാരും സർക്കാരിതര ഏജൻസികളും ഒന്നാം ക്ലാസ് മുതൽ ഗവേഷണ പഠനം വരെയും വിവിധ സ്കോളർഷിപ്പുകൾ നൽകിവരുന്നുണ്ട്. ഇവയിൽ

കത്തോലിക്കാസഭയുടെ ആശുപത്രികള്‍ വിട്ടുനല്കും- കെസിബിസി

കൊച്ചി: കോവിഡ്-19 ബാധയുടെ പശ്ചാത്തലത്തില്‍ സംസ്ഥാന സര്‍ക്കാര്‍ സ്വീകരിച്ചു വരുന്ന നടപടികള്‍ക്കു കെസിബിസി പിന്തുണ അറിയിച്ചു. സംസ്ഥാനത്ത് ഏര്‍പ്പെടുത്തിയ ലോക്ക് ഡൗണിനോടും ലോക്ക് ഡൗണില്‍ കഴിയുന്നവരില്‍ രോഗബാധയുണ്ടായാല്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*