കൊച്ചിയുടെ പൈതൃക സ്മാരകങ്ങൾ സംരക്ഷിക്കണം

 

തോപ്പുംപടി: ഫോർട്ടുകൊച്ചിയിൽ പൈതൃക മേഖലയെ തിരിച്ചറിയാനും സഞ്ചാരികളെ സ്വാഗതം ചെയ്യുവാനുമായി ഈ മേഖലയിൽ പൈതൃക സ്വാഗത കവാടം (ഹെറിറ്റേജ് ഗെയ്റ്റ് ) നിർമ്മിക്കണമെന്ന് കൊച്ചി രൂപത ഹ്യുമൻ റിസോഴ്സ് ഡവലെപ്പ്മെൻറ് വിഭാഗം കൊച്ചി നഗരസഭയോടും ബന്ധപ്പെട്ട കൗൺസിലർമാരായ ബെന്നി ഫെർണാണ്ടസിനോടും, ആൻ്റെണി കുരീത്തറയോടും ആവശ്യപ്പെട്ടു. “കൊച്ചി രൂപതയും നഗരത്തിൻ്റെ വളർച്ചയും – പൈതൃക ചിന്തകൾ ” എന്ന വിഷയത്തിൽ തോപ്പുപടി കാത്തലിക്ക് സെൻ്ററിലെ എച്ച് , അർ. ഡി. കേന്ദ്രത്തിൽ വെച്ച് നടത്തിയ സെമിനാറിലാണ് ആവശ്യം ഉയർന്നു വന്നത്.

പൈതൃക മേഖലയിൽ അവഗണിക്കപ്പെട്ടുകിടക്കുന്ന ഇമ്മാനുവേൽ കോട്ടയുടെയുo ആദ്യ സാന്തക്രൂസ് ബസിലക്കയുടെയും ചരിത്രമുറങ്ങുന്ന കല്ലുകളെയും ഭിത്തികളെയും തൂണുകളെയും വ്യക്തമായ കുറിപ്പുകളോടുകൂടി പൈതൃക മേഖലയിൽ തന്നെ സംരക്ഷിക്കണം എന്നും യോഗത്തിൽ ആവശ്യമുയർന്നു.

ഈ മേഖലയിൽ പലയിടത്തായി ചിതറി നഗര മല്ലിന്യങ്ങളോടൊപ്പം കിടക്കുന്ന ഇവയെ എത്രയും വേഗത്തിൽ സംരക്ഷിച്ച് സൂക്ഷിക്കാൻ നടപടികൾ ഉണ്ടാകണം. ഡച്ച് ചരിത്രമുറങ്ങുന്ന ഓടത്ത മേഖലയിൽ, വിശ്വ പ്രശസ്തമായിരിന്ന സസ്യോദ്യാനത്തിൻ്റെ അവശേഷിക്കുന്ന പ്രവേശന കവാടം, സ്മാരകമായി മാറ്റി ഹോർത്തൂസ് മലബാറിക്കൂസ് ഗ്രന്ഥത്തിൻ്റെ പിന്നിൽ പ്രവർത്തിച്ച മത്തേവൂസ് പാതിരിയുടെയും ഹെൻഡ്രിക് അഡ്രിയാൻ വാൻ റീഡിൻ്റെയും പ്രതിമകളും കുറിപ്പുകളും സ്ഥാപിക്കണമെന്നും യോഗം ഐക്യകണ്ഠേന ആവശ്യപ്പെട്ടു.

 

സെമിനാറിനോടനുബന്ധിച്ചു നടന്ന യോഗത്തിൽ എച്ച്. ആർ. ഡി. കൊച്ചിൻ ഡയറക്ടർ ഫാ. ഡോ. ജോണി സേവ്യർ പുതുക്കാട്ടു് അദ്ധ്യക്ഷത വഹിച്ചു. എച്ച്. ആർ. ഡി. കോർഡിനേറ്റർ അനിൽ ഫ്രാൻസിസ്‌ സെമിനാർ വിഷയാവതരണം നടത്തി. കെ. ജി. സോണി, ലിനു മട്ടാഞ്ചേരി, സാവിയോ ഡേവിഡ് തുടങ്ങിയവർ പ്രസംഗിച്ചു.

 

Click to join Jeevanaadam Whatsapp Group

ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

---

---