Breaking News

കോണ്‍ഗ്രസ് നേതാവ് യു.കെ ഭാസി അന്തരിച്ചു

കോണ്‍ഗ്രസ് നേതാവ് യു.കെ ഭാസി അന്തരിച്ചു

മലപ്പുറം:  മുതിര്‍ന്ന കോണ്‍ഗ്രസ് നേതാവും കെപിസിസി മുന്‍ ജനറല്‍ സെക്രട്ടറിയുമായിരുന്ന യു.കെ ഭാസി (75) അന്തരിച്ചു. ബുധനാഴ്ച രാവിലെ കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. സംസ്‌കാരം ഉച്ചക്ക് ശേഷം താനൂര്‍ കട്ടിലങ്ങാടിയിലെ വീട്ടുവളപ്പില്‍ നടത്തി.
രണ്ട് പതിറ്റാണ്ട് മലപ്പറം ഡിസിസി പ്രസിഡന്റായിരുന്നു. ഏറ്റവും കൂടുതല്‍ കാലം ഡിസിസി പ്രസിഡന്റ് സ്ഥാനത്തിരുന്ന നേതാവെന്ന ഖ്യാതിയും അദ്ദേഹത്തിനുണ്ട്. കെഎസ്‌യുവിലൂടെയായിരുന്നു രാഷ്ട്രീയത്തിലേക്കുള്ള പ്രവേശനം. കെഎസ്.യു സംസ്ഥാന വൈസ് പ്രസിഡന്റ്, പാലക്കാട് ജില്ലാ പ്രസിഡന്റ്, യൂത്ത് കോണ്‍ഗ്രസ് പാലക്കാട് ജില്ലാ ജനറല്‍ സെക്രട്ടറി, മലപ്പുറം ജില്ലാ പ്രസിഡന്റ്, കോണ്‍ഗ്രസ് ജില്ലാ ജനറല്‍ സെക്രട്ടറി തുടങ്ങിയ സ്ഥാനങ്ങളും വഹിച്ചിട്ടുണ്ട്. 1981 മുതല്‍ 2001 വരെയാണ് അദ്ദേഹം ജില്ലാ കോണ്‍ഗ്രസിന്റെ സാരഥിയായി പ്രവര്‍ത്തിച്ചത്.
2001 മുതല്‍ 2013 വരെ കെപിസിസി ജനറല്‍ സെക്രട്ടറിയുമായി. താനൂര്‍ അര്‍ബന്‍ ബാങ്കിന്റെ സ്ഥാപകനാണ്. താനൂര്‍ പഞ്ചായത്ത് അംഗമായിരുന്നിട്ടുണ്ട്. മകന്‍ ഡോ. യു.കെ അഭിലാഷ് യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറിയാണ്. ഭാര്യ: ശശി പ്രഭ. മക്കള്‍: ധന്യ, ഭവ്യ.


Tags assigned to this article:
jeevanewsuK BHasi

Related Articles

തലോജ ജയിലിൽ നിന്നുള്ള ഒരു ദീപാവലി കത്ത്…

  ഫാ. സ്റ്റാൻ സ്വാമി എഴുതിയ കത്തിൽ നിന്നുള്ള ഭാഗങ്ങൾ. ജയിലിലെ തന്റെ സഹമുറിയൻ ആയ അരുൺ ഫെറെയ്റയുടെ സഹായത്തോടെ ജയിലിൽ നിന്ന് സ്റ്റാൻ സ്വാമി എസ്.ജെ

ബിഷപ് പൗലോ മാര്‍ട്ടിനെല്ലി ദക്ഷിണ അറേബ്യ അപ്പസ്‌തോലിക വികാരി

അബുദാബി: ഐക്യ അറബ് എമിറേറ്റ്‌സ് (യുഎഇ), ഒമാന്‍, യെമന്‍ എന്നീ രാജ്യങ്ങള്‍ ഉള്‍പ്പെടുന്ന ദക്ഷിണ അറേബ്യയിലെ അപ്പസ്‌തോലിക വികാരിയാത്തിന്റെ അപ്പസ്‌തോലിക വികാരിയായി ഇറ്റലിയിലെ മിലാന്‍ അതിരൂപതയിലെ സഹായമെത്രാനായ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*