കോവിഡ് പോരാളികളുടെ മക്കള്‍ക്ക് എംബിബിഎസ്, ബിഡിഎസ് സീറ്റുകളില്‍ സംവരണം.
ന്യൂഡല്‍ഹി: അന്തരിച്ച കോവിഡ് പോരാളികളുടെ മക്കള്‍ക്ക് 2020-2021 അധ്യായന വര്‍ഷത്തില്‍ എംബിബിഎസ്,ബിഡിഎസ് സീറ്റുകളില്‍ സംവരണം. കേന്ദ്ര പൂളില്‍നിന്നുള്ള പ്രവേശന മാനദണ്ഡങ്ങളില്‍ ‘കോവിഡ് പോരാളികളുടെ മക്കള്‍’ എന്ന പുതിയ വിഭാഗംകൂടി ഉള്‍പ്പെടുത്തുമെന്ന് കേന്ദ്ര മന്ത്രി ഹര്‍ഷ് വര്‍ധന്‍ അറിയിച്ചു.
കോവിഡ് ബാധിതരെ പരിചരിക്കുന്നിടെ കോവിഡ് ബാധിച്ച് മരിക്കുകയോ, കോവിഡ് ഡ്യൂട്ടിക്കിടെ അത്യാഹിതത്തില്‍ മരിക്കുകയോ ചെയ്യുന്നവരുടെ ആശ്രിതര്‍ക്ക് വേണ്ടിയാവും കേന്ദ്ര പൂളിലുള്ള എംബിബിഎസ് സീറ്റുകള്‍ മാറ്റിവയ്ക്കുക.കോവിഡ് രോഗികളെ പരിചരിച്ച എല്ലാവര്‍ക്കും അര്‍ഹമായ അംഗീകാരം നല്‍കുന്നതിനുവേണ്ടിയാണ് കേന്ദ്ര സര്‍ക്കാര്‍ ഇതുസംബന്ധിച്ച തീരുമാനമെടുത്തത്.
സ്വകാര്യ സ്ഥാപനങ്ങളിലെ താല്‍ക്കാലിക ജോലിക്കാരും ദിവസവേതനക്കാരും, കേവിഡ് രക്ഷാപ്രവര്‍ത്തനത്തിനിടെ മരിച്ചവരുടെ കുട്ടികള്‍ക്കും സീറ്റിന് അര്‍ഹതയുണ്ട്.
അപേക്ഷകര്‍ നീറ്റ് യോഗ്യത നേടിയിരിക്കണം. ഫോട്ടോ പതിച്ച അപേക്ഷ സംസ്ഥാനത്തെ മെഡിക്കല്‍ വിദ്യാഭ്യാസ ഡയറക്ടറോ, ആരോഗ്യ വകുപ്പ് ഡയറക്ടറോ സാക്ഷ്യപ്പെടുത്തി കേന്ദ്ര മെഡിക്കല്‍ കൗണ്‍സിലിന് അയക്കണം. അപേക്ഷയ്ക്കും ഡയറക്ടറുടെ സര്‍ട്ടിഫിക്കറ്റിനുമുള്ള ഫോമുകളും നിബന്ധനകളും https://mcc.nic.in എന്ന വെബ്സൈറ്റില്‍ ലഭ്യമാണ്.
ലേഡി ഹാര്‍ഡിഞ്ച് (വനിത) ഡല്‍ഹി, മഹാത്മാഗാന്ധി ഇന്‍സ്റ്റിറ്റ്യൂട്ട് വാര്‍ധ, നേതാജി സുഭാഷ് ജബല്‍പൂര്‍, ജവാഹര്‍ലാല്‍ നെഹ്റു അജ്മേര്‍, സര്‍ക്കാര്‍ മെഡിക്കല്‍ കോളേജ് ഹല്‍ദ്വാനി ഉത്തരാഖണ്ഡ് എന്നിവയിലാണ് ഓരോ സീറ്റ്.കൂടുതല്‍ വിവരങ്ങള്‍ വെബ്സൈറ്റില്‍ ലഭ്യമാണ്.
Click to join Jeevanaadam Whatsapp Group
ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Related Articles
കര്‍ഷക സമരത്തിന് ഐക്യദാര്‍ഢ്യ പ്രതിഷേധം രേഖപ്പെടുത്തി കെഎല്‍സിഎ കൊച്ചി രൂപത
കൊച്ചി: കേന്ദ്ര സര്‍ക്കാര്‍ പാസ്സാക്കിയ മൂന്ന് വിവാദ കാര്‍ഷിക നിയമങ്ങള്‍ക്കെതിരെ ദില്ലി ചല്ലോ മുദ്രാവാക്യമുയര്‍ത്തി ഡല്‍ഹിയുടെ അതിര്‍ത്തിയില്‍ തമ്പടിക്കുന്ന ലക്ഷക്കണക്കിന് കര്‍ഷകര്‍ക്ക് അഭിവാദ്യങ്ങള്‍ അര്‍പ്പിച്ച് കേരള ലാറ്റിന്‍
നാലു തലമുറകള്‍ വരെ ശിക്ഷയോ?
ബൈബിള്‍ ചോദ്യോത്തരം റവ. ഡോ. അഗസ്റ്റിന്‍ മുല്ലൂര്‍ ഒസിഡി ചോദ്യം: പൂര്‍വികര്‍ വഴി നാലു തലമുറകള്‍ വരെ ശാപമുണ്ടാകുമെന്ന് പഴയനിയമത്തില്‍ പലയിടത്തും കാണുന്നു. എന്നാല്‍ പുതിയനിയമത്തില്‍ അതേപ്പറ്റി
കാര്‍ലോയുടെ ജീവചരിത്രത്തിന് അമ്മയുടെ ആശംസ
വാഴ്ത്തപ്പെട്ട കാര്‍ലോ അകുതിസിന്റെ മലയാളത്തിലെ ആദ്യ സമ്പൂര്‍ണ ജീവചരിത്രത്തിന് കാര്‍ലോയുടെ അമ്മ അന്തോണിയായുടെ ആശംസ. സെലസ്റ്റിന്‍ കുരിശിങ്കല്‍ എഴുതിയ “കാര്‍ലോ അകുതിസ്; 15-ാം വയസില്‍ അള്‍ത്താരയിലേക്ക്
