Breaking News

ക്രിസ്തുമസ് വിചാരങ്ങള്‍: തിരുപ്പിറവി

ക്രിസ്തുമസ് വിചാരങ്ങള്‍: തിരുപ്പിറവി

മറിയം ആസന്നപ്രസവയായിരിക്കേയാണ് ആദ്യമായൊരു ജനസംഖ്യാ കണക്കെടുപ്പു നടത്താന്‍ രാജകല്പന പുറപ്പെടുവിക്കുന്നത്. സിറിയയില്‍ ക്വിരിനിയോസ് ദേശാധിപതിയായിരിക്കുമ്പോഴാണ് ഈ പേരെഴുത്തു നടന്നത്. എവിടെ താമസിച്ചാലും ഓരോരുത്തരും തന്താങ്ങളുടെ സ്വന്തം പ്രദേശങ്ങളിലേക്ക് എത്തിച്ചേരണമെന്നാണ് ഉത്തരവ്. തന്മൂലം ജോസഫിനും മറിയത്തിനും കുലനഗരമായ ഗലീലിയയിലെ ബേത്‌ലെഹേമിലെത്തണമായിരുന്നു. അതാണെങ്കില്‍ നസ്രത്തില്‍നിന്ന് ഏറെ ദൂരെയാണുതാനും. പ്രസവം അടുത്തിരിക്കുന്നുവെന്ന ന്യായമായ കാരണം പറഞ്ഞ് ഒഴിവുനേടാവുന്നതേയുള്ളൂ. പക്ഷേ, മറിയവും ജോസഫും നിയമംവിട്ട് ഒന്നും ചെയ്യാന്‍ തയ്യാറാവുന്നില്ല.
രാജ്യനിയമങ്ങള്‍ ദൈവകല്പനപോലെ കരുതുന്നത് രാജ്യത്തിന്റെ ഭദ്രതയ്ക്കും സുരക്ഷിതത്വത്തിനും അത്യാവശ്യമാണെന്ന് ജോസഫും മറിയവും വിശ്വസിച്ചിരുന്നു. അത്രയ്ക്കു തീവ്രമായിരുന്നു അവരുടെ പൗരബോധം. ഇല്ലാത്ത ന്യായവാദങ്ങള്‍ നിരത്തി നിയമത്തിന്റെ അയവാര്‍ന്ന പഴുതുകളിലൂടെ രക്ഷപ്പെടാന്‍ ശ്രമിക്കുന്നവര്‍ക്ക് ജോസഫും മറിയവും ധര്‍മബോധത്തിലധിഷ്ഠിതമായ മാര്‍ഗദര്‍ശനവും ദിശാബോധവും സമ്മാനിക്കുകയാണ്.
വഴികളാകെ ദുര്‍ഘടം. യാത്രാസൗകര്യങ്ങളൊന്നുമില്ല. കൂട്ടാളികളും ആരുമില്ല. ദീര്‍ഘദൂര യാത്രയായതുകൊണ്ട് ഒരു പകല്‍കൊണ്ടൊന്നും ബേത്‌ലെഹേമിലെത്താന്‍ പറ്റിയെന്നും വരില്ല. എങ്കിലും എവിടെനിന്നോ ഒരു കഴുതയെ വാടകയ്‌ക്കെടുത്ത് രണ്ടുപേരും യാത്രയാവുകയാണ്. പേരെഴുതിച്ചു മടങ്ങും വഴിയാവണം, രാത്രിനേരം മറിയത്തിനു പ്രസവസമയമടുത്തു. എവിടെ തങ്ങും? സത്രങ്ങളും താല്കാലിക വിടുതികളും അന്വേഷിച്ചു. ഒന്നും കിട്ടാനില്ല. സ്ഥലമില്ല, ഒഴിവില്ല എന്ന മറുപടികള്‍ മാത്രം. മുകളിലാകാശം താഴെ പെരുവഴി എന്ന അവസ്ഥ. ഒടുവില്‍ ഒരു കാലിത്തൊഴുത്തിലെത്തി. അവിടെ ഒരു മൂല വൃത്തിയാക്കി അവിടെയാണ് യേശുവിന്റെ തിരുപ്പിറവി.
ഒന്നുമില്ലാത്തവനായി, നിസ്വനും നിരാലംബനുമായി സര്‍വാധീശനായ ദൈവം പിറക്കുന്നു! ഇതൊരു വൈരുധ്യമാണ്. ലോകംകണ്ട ഏറ്റവും വലിയ വൈരുധ്യം. അത് ദൈവം സ്വയംവരിച്ച അവസ്ഥാന്തരമാണ്. പക്ഷേ ശ്രദ്ധിക്കേണ്ടത് മറ്റൊന്നാണ്. മറിയത്തിന്റെ പരാതിയും പരിഭവവുമില്ലാത്ത മനോനില! ദൈവത്തെ പഴിക്കാനും ഭര്‍ത്താവിനെ കുറ്റം വിധിക്കാനുമൊന്നും മറിയം നില്ക്കുന്നില്ല. അവിടെയും അമ്മ പറഞ്ഞിട്ടുണ്ടാവും: ഇതാ, കര്‍ത്താവിന്റെ ദാസി, നിന്റെ തിരുഹിതം നിറവേറട്ടെ. ഇത് നമുക്ക് നിത്യപ്രചോദനമാകട്ടെ.


Related Articles

റോമിലാ ഥാപ്പര്‍ അടയാളമാകുമ്പോള്‍

നീലാദ്രി ഭട്ടാചാര്യയും റമീന്‍ ജഹന്‍ ബെഗ്ലുവും ചേര്‍ന്ന് പ്രശസ്ത ചരിത്രകാരി റോമിലാ ഥാപ്പറോട് നടത്തുന്ന വിശദമായ വര്‍ത്തമാനത്തിന്റെ സമാഹാരമാണ് ടോക്കിംഗ് ഹിസ്റ്ററി. ഓക്‌സ്ഫര്‍ഡ് യൂണിവേഴ്‌സിറ്റി പ്രസ് 2017ല്‍

സൈനികരുടെ വീരമൃത്യു; ബിഷപ് ഡോ. സെല്‍വിസ്റ്റര്‍ പൊന്നുമുത്തന്‍ അനുശോചിച്ചു

പുനലൂര്‍: ഗാല്‍വന്‍ താഴ്‌വരയിലുണ്ടായ ഏറ്റുമുട്ടലില്‍ വീരമൃത്യുവരിച്ച ഇന്ത്യന്‍ സൈനികര്‍ക്ക് ബിഷപ് ഡോ. സെല്‍വിസ്റ്റര്‍ പൊന്നുമുത്തന്‍ ആദരാഞ്ജലി അര്‍പ്പിച്ചു. കുടുംബാംഗങ്ങളെ അനുശോചനമറിയിച്ചു.അതിര്‍ത്തിയിലെ പ്രശ്‌നത്തിന് എത്രയും വേഗത്തില്‍ പരിഹാരം ഉണ്ടാകട്ടെയെന്നും

ജീവകാരുണ്യ പ്രവര്‍ത്തനങ്ങള്‍ക്ക് ഫുഡ്‌ഫെസ്റ്റ് സംഘടിപ്പിച്ചു

കോഴിക്കോട് : ജീവകാരുണ്യ പ്രവര്‍ത്തനങ്ങള്‍ക്കും പരോപകാര പ്രവൃത്തിക്കും ഫണ്ട് ശേഖരണാര്‍ത്ഥം കോഴിക്കോട് സിറ്റി സെന്റ് ജോസഫ് ഇടവകയില്‍ ഫാന്‍സി ഫെറ്റ് ഫുഡ് ഫെസ്റ്റ് നടത്തി. ഇതില്‍ നിന്നുള്ള

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*