Breaking News

ക്രൈസ്തവർക്കെതിരെ വിവാദ പരാമര്‍ശം ജഡ്ജി എസ്. വൈദ്യനാഥന്‍ സ്വമേധയാ പിന്‍വലിച്ചു.

ക്രൈസ്തവർക്കെതിരെ വിവാദ പരാമര്‍ശം ജഡ്ജി എസ്. വൈദ്യനാഥന്‍ സ്വമേധയാ പിന്‍വലിച്ചു.

ചെന്നൈ: ക്രൈസ്തവ വിദ്യാഭ്യാസ സ്ഥാപനങ്ങള്‍ക്കെതിരേ നടത്തിയ വിവാദ പരാമര്‍ശം ജഡ്ജി എസ്. വൈദ്യനാഥന്‍ സ്വമേധയാ പിന്‍വലിച്ചു. തന്റെ വിധി പ്രസ്താവനയിലെ വിവാദമായ 32ാം ഖണ്ഡിക മുഴുവനായും പിന്‍വലിക്കുകയാണെന്ന് ജസ്റ്റീസ് വൈദ്യനാഥന്‍ തന്നെയാണ് കോടതിയില്‍ പരസ്യപ്രഖ്യാപനത്തിലൂടെ അറിയിച്ചത്. മദ്രാസ് ഹൈക്കോടതിയിലെ അഭിഭാഷകര്‍ നല്കിയ ഹര്‍ജിയെത്തുടര്‍ന്നാണ് വിവാദ പരാമര്‍ശം പൂര്‍ണമായി പിന്‍വലിക്കുന്നതായി ജസ്റ്റീസ് വൈദ്യനാഥന്‍ അറിയിച്ചത്. വിധിയിലെ വിവാദ ഖണ്ഡിക പിന്‍വലിക്കുന്നതായി അറിയിച്ചതല്ലാതെ കൂടുതലൊന്നും ജഡ്ജി ഇന്നലെ കോടതിയില്‍ പറഞ്ഞില്ല.

മദ്രാസ് ക്രിസ്ത്യന്‍ കോളജിലെ ഒരു പ്രഫസര്‍ക്കെതിരായ ലൈംഗിക ആരോപണത്തിന്മേല്‍ കോളജ് മാനേജ്‌മെന്റ് സ്വീകരിച്ച അച്ചടക്ക നടപടി വിധിയില്‍ ശരിവച്ചെങ്കിലും ക്രൈസ്തവ സ്ഥാപനങ്ങള്‍ക്കെതിരേ കേസുമായി ഒരു ബന്ധവുമില്ലാത്ത അനാവശ്യ പരാമര്‍ശങ്ങള്‍ ജഡ്ജി നടത്തിയതാണ് വലിയ വിവാദമായത്.

സുവോളജി മൂന്നാം വര്‍ഷ വിദ്യാര്‍ഥികളുടെ പഠന യാത്രയ്ക്കിടെ അസിസ്റ്റന്റ് പ്രഫസര്‍ ഡോ. രവീണ്‍ അപമര്യാദയായി പെരുമാറിയെന്ന 32 വിദ്യാര്‍ഥിനികളുടെ പരാതിയിലാണ് മാനേജ്‌മെന്റ് ആരോപണവിധേയനെതിരേ അച്ചടക്ക നടപടി തുടങ്ങിയത്. തനിക്കെതിരേയുള്ള ഷോകോസ് നോട്ടീസ് റദ്ദാക്കണമെന്ന് ആവശ്യപ്പെട്ട് രവീണ് നല്‍കിയ ഹര്‍ജി ജസ്റ്റീസ് വൈദ്യനാഥന്‍ തള്ളിയ വിധിയിലാണ് വര്‍ഗീയ പരാമര്‍ശങ്ങള്‍ നടത്തിയത്.

രാജ്യത്തെ ക്രൈസ്തവ വിദ്യാഭ്യാസ സ്ഥാപനങ്ങളില്‍ മിശ്രപഠനം പെണ്‍കുട്ടികള്‍ക്കു തീര്‍ത്തും സുരക്ഷിതമല്ലെന്നും നിര്‍ബന്ധിത മതപരിവര്‍ത്തനം നടത്തുന്നതായി പല ആരോപണങ്ങളും ഉണ്ടെന്നുമായിരുന്നു ജസ്റ്റീസ് വൈദ്യനാഥന്‍ യാതൊരു പഠനറിപ്പോര്‍ട്ടുകളുടെയും പിന്‍ബലമില്ലാതെ വിധിയില്‍ എഴുതിവച്ചത്. ക്ഷേത്രങ്ങളിലും മോസ്‌കുകളിലും പള്ളികളിലും അനുഷ്ഠിക്കേണ്ട മതം വഴിയോരങ്ങളിലെത്തിയാല്‍ ഇത്തരം തകര്‍ച്ചകള്‍ സംഭവിക്കുമെന്നും അദ്ദേഹം വിധിയില്‍ പറഞ്ഞത് അമ്പരപ്പുളവാക്കിയിരുന്നു.

രാജ്യത്തെ തന്നെ ഏറ്റവും മികച്ച വിദ്യാഭ്യാസ സ്ഥാപനങ്ങള്‍ നടത്തുന്ന ക്രൈസ്തവരെ പൊതുവായി താറടിക്കുന്ന തരത്തില്‍ ജഡ്ജി നടത്തിയ പരാമര്‍ശം ഞെട്ടിക്കുന്നതും വേദനയുളവാക്കുന്നതും ആണെന്ന് ദേശീയ ന്യൂനപക്ഷ കമ്മീഷന്‍ തിങ്കളാഴ്ച പരസ്യപ്രസ്താവന ഇറക്കിയിരുന്നു.

ക്രൈസ്തവ സ്ഥാപനങ്ങള്‍ ഉന്നത ധാര്‍മിക നിലവാരം പുലര്‍ത്തുന്നവയാണെന്നും ്രൈകസ്തവ സമുദായത്തിന്റെ സംഭാവനകള്‍ രാജ്യമാകെ അംഗീകരിക്കുന്നതാണെന്നും ന്യൂനപക്ഷ കമ്മീഷന്‍ വൈസ് ചെയര്‍മാന്‍ ജോര്‍ജ് കുര്യന്‍ ഓര്‍മിപ്പിക്കുകയും ചെയ്തു. കേസുമായി ഒരു ബന്ധവുമില്ലാത്ത മതപരിവര്‍ത്തനം വരെ വിധിപ്രസ്താവത്തില്‍ ചേര്‍ത്തതിനെയും അദ്ദേഹം ചോദ്യം ചെയ്തു.

കോയമ്പത്തൂര്‍ സ്വദേശിയായ ജസ്റ്റീസ് വൈദ്യനാഥന്‍ 2013 മുതല്‍ മദ്രാസ് ഹൈക്കോടതിയില്‍ അഡീഷണല്‍ ജഡ്ജിയും 2015 മുതല്‍ സ്ഥിരം ജഡ്ജിയുമാണ്. ഇദ്ദേഹം പുറപ്പെടുവിച്ചിട്ടുള്ള പല വിധിന്യായങ്ങളിലും ഇത്തരത്തിലുള്ള വിവാദ പരാമര്‍ശങ്ങളുണ്ടായിട്ടുണ്ടെന്ന് ചൂണ്ടിക്കാണിക്കപ്പെടുന്നു.


Related Articles

സംസ്ഥാനത്ത് നാളെ മുതല്‍ മാസ്ക് നിര്‍ബന്ധം; നിര്‍ദ്ദേശം ലംഘിച്ചാല്‍ 200 രൂപ പിഴ

സംസ്ഥാനത്ത് നാളെ (വ്യാഴാഴ്ച) മുതല്‍ പൊതുസ്ഥലങ്ങളിലും ജോലിസ്ഥലങ്ങളിലും മാസ്ക് നിര്‍ബന്ധമാക്കി. നിര്‍ദ്ദേശം ലംഘിക്കുന്നവര്‍ക്കെതിരെ ഇന്ത്യന്‍ ശിക്ഷാനിയമത്തിലെ വകുപ്പ് 290 പ്രകാരം നടപടി സ്വീകരിച്ച് ബന്ധപ്പെട്ട കോടതിയില്‍ പെറ്റികേസ്

ലോകത്തിലെ ഏറ്റവും വലിയ മുസ്ലിം പള്ളിയിൽ ഫ്രാൻസിസ് പാപ്പാ

തിങ്കളാഴ്ച ഉച്ചകഴിഞ്ഞ് പാപ്പായുടെ പ്രഥമ പരിപാടി ലോകത്തില്‍ വച്ച് ഏറ്റവും വലിയ മുസ്ലിം പള്ളികളില്‍ ഒന്നായ ഷെയ്ഖ് സായിദിന്റെ നാമത്തിലുള്ള പള്ളിസന്ദര്‍ശനമായിരുന്നു. 40,000 പേര്‍ക്ക് സ്ഥലസൗകര്യമുള്ള ഈ

മത സംസ്‌കൃതി പുരസ്‌കാരം സമ്മാനിച്ചു

കണ്ണൂര്‍: വിശുദ്ധ മദര്‍ തെരേസയുടെ നാമധേയത്തില്‍ കണ്ണൂര്‍ രൂപത കെഎല്‍സിഎ ഏര്‍പ്പെടുത്തിയ മത സംസ്‌കൃതി പുരസ്‌കാരം എഴുത്തുകാരനും പ്രഭാഷകനുമായ വാണിദാസ് എളയാവൂരിന് സമ്മാനിച്ചു. അവാര്‍ഡു സമ്മേളനം ബിഷപ്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*