ചരിയംതുരുത്തില്‍ സ്‌നേഹഭവനങ്ങള്‍ ഉയര്‍ന്നു; ഇനി ആരാധനാലയവും

ചരിയംതുരുത്തില്‍ സ്‌നേഹഭവനങ്ങള്‍ ഉയര്‍ന്നു; ഇനി ആരാധനാലയവും

എറണാകുളം: വരാപ്പുഴ അതിരൂപതയുടെ കീഴിലുള്ള ചരിയംതുരുത്ത് പരിശുദ്ധ വേളാങ്കണ്ണി മാതാവിന്റെ നാമധേയത്തിലുള്ള ഇടവക 16 കുടുംബങ്ങള്‍ക്ക് സ്‌നേഹഭവനങ്ങള്‍ നിര്‍മിച്ചു നല്കി.
1980ല്‍ നിര്‍മിച്ച പള്ളി പുതുക്കിപ്പണിയാന്‍ ഇടവകാംഗങ്ങള്‍ സ്വരൂക്കൂട്ടി വച്ച പണം ഉപയോഗിച്ചാണ് പ്രളയത്തില്‍ തകര്‍ന്നതുള്‍പ്പെടെ 16 വീടുകള്‍ നിര്‍മിച്ചു നല്കിയത്. നിരവധി പേര്‍ സാമ്പത്തിക സഹായങ്ങള്‍ ചെയ്തു. ഇടവകക്കാര്‍ തന്നെ ശ്രമദാനം നടത്തിയാണ് ഭവനങ്ങളുടെ നിര്‍മാണം പൂര്‍ത്തിയാക്കിയത്.
ഫാ. സജുവിന്റെ നേതൃത്വത്തില്‍ ചരിയംതുരുത്തുകാര്‍ ചെയ്ത ഈ സത്പ്രവൃത്തിയെ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പിലൂള്‍പ്പെടെ ഏവരും പ്രശംസിച്ചു. മിക്കവാറും ഇടത്തരം സാമ്പത്തിക ശേഷി മാത്രമുള്ള കുടുംബങ്ങളാണ് ഇവിടുത്തേത്. തുടര്‍ന്ന് ദേവാലയത്തിന്റെ നിര്‍മാണത്തിലേക്ക് പ്രവേശിച്ചിരിക്കുകയാണ് ഈ കൂട്ടായ്മ. ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ പുതിയ ദേവാലയത്തിന് ശിലപാകി. പള്ളി നിര്‍മാണവും ശ്രമദാനമായാണ് പുരോഗമിക്കുന്നത്.
ഫാ. പോള്‍ തുണ്ടിയിലിന്റെ നേതൃത്വത്തില്‍ 40 വര്‍ഷം മുമ്പ് നിര്‍മിച്ച ദേവാലയം പുതുക്കിപ്പണിയാനുള്ള പ്രാര്‍ഥനാസഹായം അഭ്യര്‍ഥിച്ച് ഇടവകയിലെ കൊച്ചുമിടുക്കി അനീന അന്ന തോമസ് ഫ്രാന്‍സിസ് പാപ്പായ്ക്ക് കത്തെഴുതിയതും, പാപ്പായ്ക്കു വേണ്ടി വത്തിക്കാന്‍ നുണ്‍ഷ്യോ ആര്‍ച്ച്ബിഷപ്പ് ജാംബത്തിസ്ത ദിക്വോത്ര മറുപടി നല്കിയതും ഇടവകയ്ക്കാകെ ആവേശം പകര്‍ന്ന സംഭവമാണ്.


Related Articles

സമുദായ ശാക്തീകരണത്തിന്റെ വഴികാട്ടി

അനീതിയുടെ ചരിത്രത്തെയും അവശതകളുടെ വര്‍ത്തമാനത്തെയും പ്രതിരോധിക്കാനുള്ള സ്വത്വബോധം സൃഷ്ടിക്കാനും അവകാശപ്പോരാട്ടങ്ങള്‍ നയിക്കാനും കേരളത്തിലെ ലത്തീന്‍ കത്തോലിക്കരെയും പിന്നാക്ക വിഭാഗങ്ങളെയും സ്‌നാനപ്പെടുത്തിയ വിമോചന നായകരില്‍ ധിഷണയുടെ ഉല്‍ഫുല്ലമായ ചൈതന്യം

“ഇസ്‌ളാമിസം പൈശാചികമായ മതഭ്രാന്താണ്: കര്‍ദ്ദിനാള്‍ റോബര്‍ട്ട് സാറ.

റോം: ഫ്രാൻസിലെ നീസ് നഗരത്തിലെ ക്രൈസ്തവ ബസിലിക്ക ദേവാലയത്തില്‍ തീവ്രവാദി നടത്തിയ ആക്രമണത്തിനു പിന്നാലെ ഇസ്ലാമിക ഭീകരതക്കെതിരെ ശക്തമായ മുന്നറിയിപ്പുമായി വത്തിക്കാന്‍ ആരാധനാ തിരുസംഘത്തിന്റെ തലവനായ കര്‍ദ്ദിനാള്‍

സ്‌കോളര്‍ഷിപ് വിതരണം ചെയ്തു

കൊച്ചി: കൊച്ചിന്‍ സോഷ്യല്‍ സര്‍വ്വീസ് സൊസൈറ്റി രൂപതയിലെ നിര്‍ധനരായ കുട്ടികളുടെ വിദ്യാഭ്യാസത്തിനുവേണ്ടി സഹായിക്കുന്ന പദ്ധതിയായ ചൈല്‍ഡ് സ്‌പോണ്‍സര്‍ഷിപ് അംഗങ്ങളായ 300 കുട്ടികള്‍ക്ക് സ്‌കോളര്‍ഷിപ് വിതരണം നടത്തി. സിഎസ്എസ്എസ്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*