Breaking News

ചര്‍ച്ച് ആക്ട് ബില്‍: യുവജനങ്ങള്‍ ശക്തമായി പ്രതിഷേധിക്കണം

ചര്‍ച്ച് ആക്ട് ബില്‍: യുവജനങ്ങള്‍ ശക്തമായി പ്രതിഷേധിക്കണം

കോട്ടപ്പുറം: ചര്‍ച്ച് ആക്ട് ബില്‍ കേരള സഭയ്ക്ക് നേരെയുള്ള വലിയ വെല്ലുവിളിയാണെന്നും ബില്ലിനെതിരെ രൂപതയിലെ യുവജനങ്ങള്‍ ഒന്നടങ്കം ശക്തമായി പ്രതിഷേധം നടത്തണമെന്നും ബിഷപ് ഡോ. ജോസഫ് കാരിക്കശ്ശേരി പറഞ്ഞു. കെസിവൈഎം കോട്ടപ്പുറം രൂപത സംഘടിപ്പിച്ച യുവജനവര്‍ഷ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കൊടുങ്ങല്ലൂര്‍ വില്ലേജ് ഓഫീസ് പരിസരത്തുനിന്നും ആരംഭിച്ച റാലിയില്‍ നിരവധി യുവജനങ്ങള്‍ പങ്കെടുത്തു. തുടര്‍ന്ന് നടന്ന പൊതുസമ്മേളനത്തില്‍ രൂപത പ്രസിഡന്റ് അനീഷ് റാഫേല്‍ അധ്യക്ഷത വഹിച്ചു. ഇ.ടി.ടൈസന്‍ മാസ്റ്റര്‍ എംഎല്‍എ മുഖ്യാതിഥിയായിരുന്നു.
യുവജനങ്ങള്‍ സമൂഹത്തിനുവേണ്ടി നിലകൊള്ളണമെന്നും സമൂഹത്തിന്റെ ധീരജവാന്മാര്‍ ആകണമെന്നും ടൈന്‍സണ്‍ മാസ്റ്റര്‍ പറഞ്ഞു. കോട്ടപ്പുറം രൂപത വികാരി ജനറല്‍ മോണ്‍. സെബാസ്റ്റിയന്‍ ജെക്കോബി അനുഗ്രഹപ്രഭാഷണവും രൂപത ഡയറക്ടര്‍ ഫാ. ഡെന്നീസ് അവിട്ടംപിള്ളി ആമുഖ പ്രഭാഷണവും നടത്തി. കെസിവൈഎം കോട്ടപ്പുറം രൂപതയുടെ മുഖപത്രം ‘യുവത’ ഐസിവൈഎം ദേശീയ ജനറല്‍ സെക്രട്ടറി പോള്‍ ജോസ്, എല്‍സിവൈഎം സംസ്ഥാന പ്രസിഡന്റ് അജിത് കെ. തങ്കച്ചന്‍ കാനപ്പിള്ളിക്ക് നല്‍കി പ്രകാശനം ചെയ്തു.
കൊടുങ്ങല്ലൂര്‍ സെന്റ് തോമസ് ഇടവക വികാരി ഫാ. സെബാസ്റ്റ്യന്‍ പള്ളിക്കല്‍, കെആര്‍എല്‍സിസി രാഷ്ട്രീയ നിര്‍വ്വാഹക സമിതി അംഗം പി.ജെ.തോമസ്, കേന്ദ്രസമിതി പ്രസിഡന്റ് മനോജ് ചെറുവേലിക്കല്‍, ഇടവക കെസിവൈഎം പ്രസിഡന്റ് ആന്‍ഡണ്‍, സിസ്റ്റര്‍ പ്രമിത, സിസ്റ്റര്‍ ട്രീസ മോളി, ബിനോയ് തോമസ്, നിത മാര്‍ട്ടിന്‍, റെയ്ച്ചല്‍ ക്ലീറ്റസ്, ഷെറിന്‍ എന്നിവര്‍ സംസാരിച്ചു.


Tags assigned to this article:
church billkottapuram

Related Articles

ഫാത്തിമാനാഥയുടെ ലാവണ്യശോഭയില്‍ ധന്യരായി മരിയഭക്തര്‍

  കൊല്ലം: പോര്‍ച്ചുഗലിലെ പരിശുദ്ധ ജപമാലരാജ്ഞിയുടെ വിഖ്യാത തീര്‍ഥാടനകേന്ദ്രമായ ഫാത്തിമാ ബസിലിക്കയിലെ റെക്ടര്‍ മോണ്‍. കാര്‍ലോസ് കബെസിഞ്ഞ്യാസ് കൊല്ലം രൂപതയിലെ മരിയഭക്തര്‍ക്ക് കൊറോണവൈറസ് മഹാമാരിയുടെ ദുരിതകാലത്ത് ആശ്വാസദായകമായ

ജനകീയ ശുശ്രൂഷയുടെ മണിമുഴങ്ങുമ്പോള്‍

വിശുദ്ധവസ്തുക്കള്‍ സൂക്ഷിക്കുന്ന ആലയത്തിന്റെ കാര്യസ്ഥനാണ് കപ്യാര്‍. ആദിമകാലത്ത് സഭയില്‍ സ്ഥിരം ഡീക്കന്മാര്‍ വഹിച്ചിരുന്ന പദവിയാണ് പള്ളിയിലെ പൂജാപാത്രങ്ങളും തിരുവസ്ത്രങ്ങളും സൈത്തും ആരാധനക്രമഗ്രന്ഥങ്ങളും സൂക്ഷിക്കുന്ന നിക്ഷേപാലയത്തിന്റെ സൂക്ഷിപ്പുകാരന്‍ എന്ന

ചെറുത്തുനില്പിന്റെ യുക്രെയ്ന്‍ ഇതിഹാസം

സാമ്രാജ്യത്വമോഹം തലയ്ക്കുപിടിച്ച റഷ്യന്‍ സ്വേച്ഛാധിപതി വഌഡിമിര്‍ പുടിന്റെ കണക്കുകൂട്ടലുകളെല്ലാം തെറ്റിച്ച് യുക്രെയ്‌നിലെ സ്വാതന്ത്ര്യദാഹികളായ ജനത ചെറുത്തുനില്പിന്റെ ജീവന്മരണപോരാട്ടം തുടരുകയാണ്. ബാലിസ്റ്റിക് മിസൈലുകളും ക്രൂസ് മിസൈലുകളും ക്ലസ്റ്റര്‍ റോക്കറ്റുകളും

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*