Breaking News

ചര്‍ച്ച് ബില്‍ 2019- ആശങ്കാജനകമെന്ന് കെഎല്‍സിഎ

ചര്‍ച്ച് ബില്‍ 2019- ആശങ്കാജനകമെന്ന് കെഎല്‍സിഎ
സംസ്ഥാന സര്‍ക്കാര്‍ നടപ്പിലാക്കാനുദ്ദേശിക്കുന്ന കേരള ചര്‍ച്ച് ബില്‍ സഭയുടെ ആഭ്യന്തര കാര്യങ്ങളില്‍ അനാവശ്യ സ്പര്‍ദ്ധ ഉണ്ടാക്കാന്‍ ഇടയാക്കുമെന്ന് കേരള ലാറ്റിന്‍ കാത്തലിക് അസോസിയേഷന്‍. നിലവില്‍ സഭാ സ്വത്തുക്കള്‍ സംബന്ധിച്ച കാര്യങ്ങള്‍ കൈകാര്യം ചെയ്യുന്നതിന് യാതൊരു നിയമവുമില്ല എന്ന അനുമാനത്തിലാണ് ഈ കരട് നിയമം കൊണ്ടുവന്നിരിക്കുന്നത്.  എന്നാല്‍ അത് ശരിയല്ല; സഭയുടെ സ്വത്ത് സംബന്ധമായ എല്ലാ ഇടപാടുകള്‍ക്കും രാജ്യത്തെ സിവില്‍ നിയമങ്ങളും ക്രിമിനല്‍ നിയമങ്ങളും ബാധകമാണ്. ബിഷപ്പിന്‍റെയും വൈദികരുടെയും ഇടവകയുടെയും സിവില്‍ ഇടപാടുകളുടെ അധികാരങ്ങള്‍ സംബന്ധിച്ച് കോടതിവിധികളും ഉള്ളതാണ്. ഇപ്പോള്‍ ഈ നിയമത്തില്‍ പുതിയതായി രൂപീകരിക്കാന്‍ ഉദ്ദേശിക്കുന്ന ചര്‍ച്ച് ട്രൈബ്യൂണല്‍ അനാവശ്യ വ്യവഹാരങ്ങളിലേക്ക് സഭയെ വലിച്ചിഴയ്ക്കുന്ന സാഹചര്യമുണ്ടാക്കും. സഭയുമായി യാതൊരു ബന്ധമില്ലാത്തവരും ട്രൈബ്യൂണല്‍ അംഗങ്ങളായി വന്ന് ആഭ്യന്തരകാര്യങ്ങളില്‍ ഇടപെടുന്ന സാഹചര്യമുണ്ടാകും.  പൊതുവേ സമാധാനപരമായി നടന്നുപോകുന്ന കത്തോലിക്കാ പള്ളി പൊതുയോഗങ്ങളും ഇതര യോഗങ്ങളും നുഴഞ്ഞുകയറ്റത്തിന്‍റെയും പിടിച്ചെടുക്കലിന്‍റെയും വേദികളായി മാറുകയായിരിക്കും ഫലം എന്നും കെഎല്‍സിഎ കുറ്റപ്പെടുത്തി. ഇടപാടുകളില്‍ സുതാര്യത ഉണ്ടാകുന്നതിന് ആരും എതിരല്ല. നിലവില്‍ കത്തോലിക്ക സഭയില്‍ കാനന്‍ നിയമപ്രകാരമുള്ള സാമ്പത്തിക സമിതികളും ഇടവക സമിതികളും ഉണ്ട്.    ബന്ധപ്പെട്ടവരുമായി കൂടുതല്‍ ചര്‍ച്ച നടത്തി സമവായത്തിലെത്താതെ  ബില്‍ നടപ്പില്‍ വരുത്തരുത്. 
സംസ്ഥാന പ്രസിഡന്‍റ് ആന്‍റണി നൊറോണ അധ്യക്ഷതവഹിച്ചു.  ജനറല്‍സെക്രട്ടറി അഡ്വ. ഷെറി ജെ തോമസ്,   ട്രഷറര്‍ എബി കുന്നേപ്പറമ്പില്‍,  വൈസ് പ്രസിഡണ്ടുമാരായ ഇ ഡി ഫ്രാന്‍സിസ്, ജി സഹായ ദാസ്, ജോസഫ് ജോണ്‍സന്‍, ബേബി ഭാഗ്യോദയം, ടി എ ഡാലഫിന്‍, ഉഷാകുമാരി എസ്, അജു ബി ദാസ്, സെക്രട്ടറിമാരായ എം സി ലോറന്‍സ്, ജസ്റ്റിന്‍ ആന്‍റണി, ബിജു ജോസി, ദേവസി ആന്‍റണി, ജോണ്‍ ബാബു, ജസ്റ്റീന ഇമ്മാനുവല്‍ എന്നിവര്‍ പ്രസംഗിച്ചു. 

Tags assigned to this article:
klca

Related Articles

അതിഥി തൊഴിലാളികള്‍ക്ക് തിങ്കളാഴ്ച മുതല്‍ തൊഴില്‍ ചെയ്യാം

  ന്യൂഡല്‍ഹി: ലോക്ഡൗണില്‍ സര്‍ക്കാര്‍ പ്രഖ്യാപിച്ച ഇളവുകള്‍ തിങ്കളാഴ്ച മുതല്‍ നിലവില്‍വരും. ലോക്ഡൗണ്‍ മെയ് മൂന്നുവരെ ദീര്‍ഘിപ്പിക്കുന്നതായി അറിയിച്ചുകൊണ്ട് ഏപ്രില്‍ 14ന് പ്രധാനമന്ത്രി രാജ്യത്തെ അഭിസംബോധന ചെയ്തപ്പോള്‍

ഫുട്ബോള്‍ ഇതിഹാസത്തിന് ലോകത്തിന്റെ യാത്രാമൊഴി

ബ്യൂണസ് ഐറിസ്: ഫുട്ബോള്‍ ഇതിഹാസം ഡിയേഗോ മറഡോണ ഓര്‍മ്മയാകുമ്പോള്‍ ബാക്കിയാകുന്നത് അദ്ദേഹത്തിന്റെ കാല്‍പ്പന്താരവങ്ങള്‍ മാത്രമാണ്.ലോകത്തെമ്പാടുമുള്ള ഫുട്ബോള്‍ പ്രേമികളുടെ പ്രിയപ്പെട്ട ഡീഗോക്ക് ഇനി ബ്യൂണസ് അയേഴ്സിന്റെ പ്രാന്തപ്രദേശത്തുള്ള ബെല്ല

ആര്‍ബിഐ ഗവര്‍ണറുടെ പ്രഖ്യാപനത്തിന് മുമ്പ് സെന്‍സെക്സ് 1000 പോയന്റ് ഉയര്‍ന്നു

മുംബൈ: വിപണിയില്‍ പണലഭ്യത ഉറപ്പുവരുത്തുന്നതിന്റെ ഭാഗമായി ആര്‍ബിഐ ഗവര്‍ണര്‍ ശക്തികാന്ത ദാസ് വാര്‍ത്താസമ്മേളനം നടത്തുന്നതിനു മുമ്പായി ഓഹരി വിപണിയില്‍ ആശ്വാസനേട്ടം തുടരുന്നു. സെന്‍സെക്സ് 1000 പോയന്റ് ഉയര്‍ന്ന്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*