ചെല്ലാനം-ഫോര്‍ട്ടുകൊച്ചി കടല്‍ഭിത്തിയുടെ കേടുപാടുകള്‍ തീര്‍ക്കാന്‍ 15 കോടിരൂപയുടെ ഭരണാനുമതി

ചെല്ലാനം-ഫോര്‍ട്ടുകൊച്ചി കടല്‍ഭിത്തിയുടെ കേടുപാടുകള്‍ തീര്‍ക്കാന്‍ 15 കോടിരൂപയുടെ ഭരണാനുമതി

 

കൊച്ചി: ചെല്ലാനം ഫോര്‍ട്ടുകൊച്ചി കടല്‍ഭിത്തിയിലെ അറ്റകുറ്റപണികള്‍ക്കായി 15 കോടിരൂപയുടെ ഭരണാനുമതി നല്കി സംസ്ഥാന സര്‍ക്കാര്‍ ഉത്തരവു പുറപ്പെടുവിച്ചു. തെക്കേ ചെല്ലാനം, ഗുണ്ടുപറമ്പ്, മാലാഖപ്പടി, ബസാര്‍, വേളാങ്കണ്ണി, ചാളക്കടവ്, കണ്ടക്കടവ്, റീത്താലയം, പുത്തന്‍തോട്, കണ്ണമാലി, ചെറിയകടവ്, കാട്ടിപ്പറമ്പ്, മാനാശ്ശേരി, സൗദി എന്നീ സ്ഥലങ്ങളിലാണ് ഈ തുക ഉപയോഗിച്ച് കടല്‍ഭിത്തിയുടെ അടിയന്തര അറ്റകുറ്റപ്പണികള്‍ നിര്‍വ്വഹിക്കുന്നത്. ഒന്‍പത് ഇടങ്ങള്‍ കേന്ദ്രീകരിച്ചാണ് അറ്റകുറ്റപ്പണികള്‍ നടപ്പാക്കുക.

ചെല്ലാനം മുതല്‍ ഫോര്‍ട്ടുകൊച്ചി വരെയുള്ള തീരത്തിന്റെ സംരക്ഷണം ആവശ്യപ്പെട്ട് കെ.ആര്‍.എല്‍.സി.സി. സമര്‍പ്പിച്ച ജനകീയ രേഖയുടെ നിര്‍ദ്ദേശങ്ങളിലൊന്നായിരുന്നു ഹൃസ്വകാലാടിസ്ഥാനത്തില്‍ കടല്‍ഭിത്തി തകര്‍ന്ന സ്ഥാലങ്ങളില്‍ അടിയന്തിര അറ്റകുറ്റപണികള്‍ തീര്‍ക്കല്‍. ഇതോടൊപ്പം ദീര്‍ഘകാലപദ്ധതിയായി തീരത്തിന്റെ സംരക്ഷണത്തിന് തീരസമ്പുഷ്ടീകരണവും കെ.ആര്‍.എല്‍.സി.സി. ജനകീയ രേഖയില്‍ സമര്‍പ്പിച്ചിട്ടുണ്ട്. 400 കോടി രൂപയിലധികം ചെലവു പ്രതീക്ഷിക്കുന്ന പദ്ധതിക്ക് പാരിസ്ഥിതിക അനുമതി ലഭ്യമാക്കാമെന്നും സര്‍ക്കാര്‍ ഉറപ്പുനല്‍കിയിട്ടുണ്ട്.

കടല്‍ഭിത്തിയുടെ കേടുപാടുകള്‍ തീര്‍ക്കാന്‍ 15 കോടിരൂപയുടെ ഭരണാനുമതി നല്‍കിയ സര്‍ക്കാര്‍ നടപടിയെ കെയര്‍ ചെല്ലാനം സ്വാഗതം ചെയ്തു. ഇതിനായി താല്‍പര്യമെടുത്ത മുഖ്യമന്ത്രി പിണറായി വിജയന്‍, ധനകാര്യമന്ത്രി തോമസ് ഐസക്, ജലവിഭവ വകുപ്പുമന്ത്രി കെ. കൃഷ്ണന്‍കുട്ടി, ഹൈബി ഈഡന്‍ എം.പി.,കെ.ജെ. മാക്‌സി എം.എല്‍.എ., ജോണ്‍ ഫെര്‍ണാണ്ടസ് എം.എല്‍.എ. എന്നിവരെ കെയര്‍ ചെല്ലാനത്തിന്റെ സ്റ്റിയറിംഗ് കമ്മിറ്റിയോഗം അഭിനന്ദിച്ചു. കെ.ആര്‍.എല്‍.സി.സി. പ്രസിഡന്റ് ബിഷപ് ഡോ. ജോസഫ് കരിയില്‍ യോഗം ഉദ്ഘാടനം ചെയ്തു. കടല്‍ ചെയര്‍മാന്‍ ബിഷപ് ഡോ. ജയിംസ് ആനാപ്പറമ്പില്‍ യോഗത്തില്‍ അധ്യക്ഷതവഹിച്ചു. ജനറല്‍ കണ്‍വീനര്‍ ഷാജി ജോര്‍ജ്, കടല്‍ ഡയറക്ടര്‍ ഫാ. അന്റോണിറ്റോ പോള്‍, കെ.ആര്‍.എല്‍.സി.സി. ജനറല്‍ സെക്രട്ടറി ഫാ. തോമസ് തറയില്‍, കടല്‍ ജനറല്‍ സെക്രട്ടറി ജോസഫ് ജൂഡ്, കെയര്‍ ചെല്ലാനം കോര്‍ഡിനേറ്റമാരായ ഫാ. ജോണ്‍ കണ്ടത്തിപ്പറമ്പില്‍, ഫാ. ആന്റണി തോട്ടകത്ത്, ഫാ. ജോണി പുതുക്കാട്ട്, ടി.എ. ഡാല്‍ഫിന്‍, ബാബു കാളിപ്പറമ്പില്‍, ജിന്‍സണ്‍ വെളുത്തമണ്ണുങ്കല്‍, ഫാ. ജെയിംസ് ഒസിഡി എന്നിവര്‍ പ്രസംഗിച്ചു.


Tags assigned to this article:
care chellanamchellanam

Related Articles

വിജ്ഞാനത്തിന്റെയും വിശുദ്ധിയുടെയും ദിവ്യതേജസ്‌

നീണ്ട 41 വര്‍ഷങ്ങള്‍ കൊല്ലം രൂപതയില്‍ ജ്വലിച്ചുനിന്ന ആത്മീയാചാര്യനായ ജെറോം കാലയവനികയ്‌ക്കുള്ളില്‍ മറഞ്ഞിട്ട്‌ ഫെബ്രുവരി 26ന്‌ 26 വര്‍ഷങ്ങള്‍ തികഞ്ഞു. കാലത്തിന്‌ മായ്‌ക്കുവാന്‍ പറ്റാനാവാത്തവിധത്തില്‍ ഈ പുണ്യപുരുഷനെക്കുറിച്ചുള്ള

നവമാധ്യമങ്ങൾ വ്യക്തികളുടെ സ്വകാര്യത സംരക്ഷിക്കുന്നതിൽ ജാഗ്രത പാലിക്കണമെന്നു ആലപ്പുഴ രൂപത ബിഷപ്പ് ഡേ: ജയിംസ് ആനാപ്പറമ്പിൽ

അരൂർ:   നവമാധ്യമങ്ങൾ വ്യക്തികളുടെ സ്വകാര്യത സംരക്ഷിക്കുന്നതിൽ ജാഗ്രത പാലിക്കണമെന്നു ആലപ്പുഴ രൂപത ബിഷപ്പ് ഡേ: ജയിംസ് ആനാപ്പറമ്പിൽ പറഞ്ഞു. ആലപ്പുഴ രൂപത മാസ് മീഡിയ കമ്മീഷൻ സംഘടിപ്പിച്ച

വിജയപുരം രൂപതയില്‍ തിരുഹൃദയ-യുവജനവര്‍ഷം ഉദ്ഘാടനം ചെയ്തു

വിജയപുരം: രൂപതയില്‍ 2018 മാര്‍ച്ച് 28 മുതല്‍ 2019 ഏപ്രില്‍ 17 വരെ തിരുഹൃദയവര്‍ഷമായി ആചരിക്കുമെന്ന് ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ പ്രഖ്യാപിച്ചു. തൈലാശീര്‍വാദ ദിവ്യബലിക്കുമുമ്പായിരുന്നു പ്രഖ്യാപനം.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*