ജിബിന്‍ വില്യംസ് രാജ്യന്തരതലത്തിലേക്ക്‌

ജിബിന്‍ വില്യംസ് രാജ്യന്തരതലത്തിലേക്ക്‌

അള്‍ത്താര അലങ്കാരത്തില്‍ നിന്നും അന്താരാഷ്ട്ര മത്സരവേദിയിലേക്ക് ചുവടുവയ്ക്കുകയാണ് തുറവൂര്‍ കോടംതുരുത്ത് സ്വദേശി ജിബിന്‍ വില്ല്യംസ് എന്ന ഇരുപതുകാരന്‍. കേന്ദ്രസര്‍ക്കാരിന്റെ നാഷണല്‍ സ്‌കില്‍ ഡെവലപ്പ്‌മെന്റ് കോര്‍പറേഷന്‍ സംഘടിപ്പിച്ച ഇന്ത്യസ്‌കില്‍സ് 2018 മത്സരത്തില്‍ ദേശീയതലത്തില്‍ വെള്ളിമെഡല്‍ കരസ്ഥമാക്കിയാണ് ജിബിന്‍ റഷ്യയിലെ കസാനില്‍ നടക്കുന്ന രാജ്യന്തര സ്‌കില്‍ചാമ്പ്യന്‍ഷിപ്പിലേക്ക് യോഗ്യത നേടിയത്.
ചിത്രരചനയില്‍ ചെറുപ്പംമുതലേ താല്‍പര്യമുണ്ടായിരുന്ന ജിബിന്‍ ഹൈസ്‌ക്കൂള്‍ കാലം മുതല്‍ ഇടവക ദേവാലയമായ കോടംതുരുത്ത് ഫാത്തിമമാതാപള്ളിയില്‍ അള്‍ത്താര അലങ്കാരത്തിന് നേതൃത്വം നല്‍കുമായിരുന്നു. സര്‍വ്വനന്മസ്വരൂപനായ ദൈവത്തിന് ബലിയര്‍പ്പിക്കുന്ന അള്‍ത്താര ഏറ്റവും മനോഹരമായി അലങ്കരിക്കണമെന്ന ആഗ്രഹം ജിബിന്‍ എല്ലാ ആഴ്ചയിലും സാക്ഷാല്‍ക്കരിക്കുമായിരുന്നു. ദൈവത്തിന്റെ അനുഗ്രഹം വരമഴയായി ചൊരിയുന്ന ദിനങ്ങളായിരുന്നു പിന്നീട്. അള്‍ത്താര അലങ്കാരത്തിനൊപ്പം തന്നെ സുഹ്യത്തുക്കളുടെയും ബന്ധുക്കളുടെയും വിവാഹവേദികളിലും പുഷ്പാലങ്കാരങ്ങള്‍ ചെയ്യാന്‍ ജിബിനും സുഹ്യത്തുക്കളും മുന്നിട്ടിറങ്ങി.
കെസിവൈഎംന്റെയും മിഷന്‍ലീഗിന്റെയും പരിപാടികളില്‍ വേദിയലങ്കരിക്കാനും സ്റ്റേജ് ഒരുക്കാനുമൊക്കെ ജിബിനും കൂട്ടുകാരും നേരത്തെതന്നെ താല്‍പര്യം കാണിച്ചിരുന്നു. ചിത്രരചനയും പുഷ്പാലങ്കാരത്തിലുള്ള ജിബിന്റെ കഴിവ് തിരിച്ചറിഞ്ഞ തുറവൂര്‍ സെന്റ് ജോസഫ് ഐടിഐയിലെ അധ്യാപകരാണ് ഇന്ത്യസ്‌കില്‍ഡ് മത്സരത്തെക്കുറിച്ച് പറയുന്നത്. ഓണ്‍ലൈന്‍ വഴിയായിരുന്നു അപേക്ഷ. ആറു ടാസ്‌കുകള്‍ ആയിരുന്നു മത്സരത്തിന്. ഏതെങ്കിലുമൊരു കലാരൂപമോ സാധനമോ കാണിച്ച് പൂക്കള്‍ കൊണ്ട് ആ മാതൃക സ്യഷ്ടിക്കുന്നതായിരുന്നു മത്സരക്രമം. യോഗ ചെയ്യുന്നതും താജ്മഹലും ഒക്കെ ജിബിന്റെ സ്വതസിദ്ധമായ കഴിവ് തെളിയിച്ച് എല്ലാ തലത്തിലും പ്രശസ്തി പിടിച്ചുപറ്റി. ഡല്‍ഹിയില്‍ വച്ചായിരുന്നു ദേശീയതല മത്സരം. രാജ്യത്തെ വിവിധ സംസ്ഥാനങ്ങളില്‍ നിന്നായി നാന്നൂറിലേറെ യുവാക്കള്‍ പങ്കെടുത്തു. ഫ്‌ളോറിസ്ട്രി വിഭാഗത്തിലാണ് ജിബിന്‍ വില്ല്യംസ് പങ്കെടുത്തത്. വിജ്ഞാനഭവനില്‍ നടന്ന ചടങ്ങില്‍ കേന്ദ്രമന്ത്രി അനന്തകുമാര്‍ ഹെഗ്‌ഡെയില്‍ നിന്നു ജിബിന്‍ വെള്ളിമെഡല്‍ ഏറ്റുവാങ്ങി. കണ്ണൂര്‍ സ്വദേശി വിഎസ് ഡോണക്കാ
ണ് ഒന്നാംസ്ഥാനം. സംസ്ഥാന തലത്തില്‍ നടത്തിയ മത്സരത്തില്‍ ജിബിനായിരുന്നു സ്വര്‍ണ്ണമെഡല്‍.
തുറവൂര്‍ സെന്റ് ജോസഫ് ഐടിഐയിലെ സിവില്‍ ഡ്രാഫ്റ്റ്‌സ്മാന്‍ കോഴ്‌സ് വിദ്യാര്‍ഥിയായിരുന്നു ജിബിന്‍. കൊച്ചിരൂപത തുറവൂര്‍ കോടംതുരുത്ത് കണിയാംപറമ്പില്‍ വില്ല്യംസിന്റെയും ജെസിയുടെയും മകനാണ്. കെസിവൈഎം അരൂര്‍ മേഖല പ്രസിഡന്റായ ജിലു വില്ല്യംസ് ആണ് സഹോദരന്‍. റഷ്യയില്‍ നടക്കുന്ന അന്താരാഷ്ട്ര മത്സരത്തില്‍ പങ്കെടുക്കാനുള്ള ഒരുക്കത്തിലാണ് ഇപ്പോള്‍ ജിബിന്‍. അതിനുമുന്‍പ് മുംബൈയില്‍ എട്ടുമാസത്തെ പരിശീലനമുണ്ട്. ഐടിഐ പരീക്ഷ കഴിഞ്ഞ് ഫലത്തിനായി കാത്തിരിക്കുന്ന ചെറുപ്പക്കാരന് പിന്തുണ കുടുംബവും കൂട്ടുകാരും തന്നെ. പിന്നെ മികവിന്റെ നൈപുണ്യത്തിലേക്ക് തന്നെ കൈപിടിച്ചു നടത്തിയ ദൈവത്തിന്റെ അനുഗ്രഹവും.


Related Articles

ജനസമക്ഷം ദിലീപിന്റെ വക്കീല്‍

ദിലീപ് നായകനായ ബി. ഉണ്ണികൃഷ്ണന്‍ ചിത്രം’ കോടതി സമക്ഷം ബാലന്‍ വക്കീല്‍’ മികച്ച കളക്ഷന്‍ നേടുന്നു. കോമഡിയും ആക്ഷനും സമന്വയിപ്പിച്ച സിനിമ ദിലീപിന്റെ തിരിച്ചുവരവിന് കളമൊരുക്കിയിരിക്കുകയാണ്. വിക്കനായ

നാടാര്‍ സംവരണം സംബന്ധിച്ച ഉത്തരവിലെ അവ്യക്തതനീക്കണമെന്ന് കേരള ലാറ്റിന്‍ കത്തോലിക്ക് അസ്സോസ്സിയേഷന്‍.

കൊച്ചി- എസ്.ഐ.യു.സി, ലത്തീന്‍ കത്തോലിക്കര്‍ എന്നിവര്‍ ഒഴികെയുള്ള നാടാര്‍ ക്രൈസ്തവര്‍ക്ക് സംവരണം നല്കുമെന്നാണ് സര്‍ക്കാര്‍ വ്യക്താമാക്കിയിരുന്നത്.  എന്നാല്‍ ഇതു സംബ്നധിച്ച  ഉത്തരവിറങ്ങിയപ്പോള്‍ ഹിന്ദു, എസ്ഐ യു സി

ഒരു പിതാവിന്റെ ഹൃദയത്തോടെ…

”ഒരു പിതാവിന്റെ ഹൃദയത്തോടെ ജോസഫ് ഈശോയെ സ്നേഹിച്ചു” എന്ന മനോഹരമായ വാക്യത്തോടെയാണ് പരിശുദ്ധ ഫ്രാന്‍സിസ് പാപ്പയുടെ പാത്രിസ് കോര്‍ദെ എന്ന ഏറ്റവും പുതിയ അപ്പസ്തോലിക ലേഖനം ആരംഭിക്കുന്നത്.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*