ജീവന്റെ വിലയുള്ള ജാഗ്രതയില്‍ പുനലൂര്‍ രൂപത
കൊവിഡ് മഹാമാരി അതിരൂക്ഷമായികൊണ്ടിരിക്കുന്ന സാഹചര്യത്തില്‍ പ്രതിരോധപ്രവര്‍ത്തനങ്ങളോടൊപ്പം ജീവന്റെ വിലയുള്ള ജാഗ്രതയും അനിവാര്യമാണെന്നു കൊറോണവൈറസ് നമ്മെ പഠിപ്പിച്ചു. രോഗവ്യാപനത്തിന്റെ റൂട്ടുമാപ്പുകളിലും അടച്ചുപൂട്ടലിലും തകിടം മറിഞ്ഞ സാമൂഹിക, സാമ്പത്തിക രംഗം സാധരാണക്കാരന്റെ ജീവിതത്തിനുമേല്‍ കരിനിഴല്‍ വീഴ്ത്തി. പ്രതിസന്ധികള്‍ക്കു മുന്‍പില്‍ പകച്ചിരുന്ന ജനങ്ങളെ ചേര്‍ത്തുനിര്‍ത്തി ശുഭാപ്തി വിശ്വാസത്തോടെ കൊറോണവൈറസിനൊപ്പം ജീവിച്ച് ഒരു പുതുലോകം കെട്ടിപ്പടുക്കാമെന്ന് ഉള്‍ബോധ്യം നല്‍കി, വിവിധ ഏജന്‍സികളുടെയും രൂപതയിലെ സംഘടനകളുടേയും സഹകരണത്തോടെ വിവിധ ക്ഷേമപരിപാടികള്‍ നടപ്പിലാക്കുകയാണ്.
പുനലൂര്‍ രൂപതാ സാമരിറ്റന്‍
കൊവിഡ് രോഗികളുടെ സേവനത്തിനും മതാചാരക്രമ ശുശ്രൂഷകള്‍ക്കുമായി സര്‍ക്കാര്‍ പ്രോട്ടോകോള്‍ അനുസരിച്ച് പുനലൂര്‍ രൂപതാ സാമരിറ്റന്‍ സേന ആരോഗ്യവകുപ്പിന്റെ പരിശീലനപരിപാടികളോടെ രൂപികരിച്ചു.
ഫസ്റ്റ്ലൈന്‍ ട്രീറ്റ്മെന്റ്
പുനലൂര്‍ രൂപതയുടെ ഉടമസ്ഥതയിലുള്ള അത്യാധുനിക സൗകര്യങ്ങളോടുകൂടിയ ഇളമ്പല്‍ ലിറ്റില്‍ ഫ്ളവര്‍ ഹോസ്പിറ്റല്‍, പത്തനാപുരം സെന്റ് സേവ്യേഴ്സ് ആനിമേഷന്‍ സെന്റര്‍ എന്നിവ കൊവിഡ് രോഗികളുടെ പരിചരണത്തിനായി നല്‍കി.
വിവിധ ഏജന്‍സികളുടെ പങ്കാളിത്തം
കൊറോണ വൈറസിന്റ വ്യാപനത്തിനെതിരെ ജനങ്ങളെ അതീവ ജാഗരൂകരാക്കുന്നതിനുള്ള ബോധവത്കരണ പരിപാടികളും പ്രതിസന്ധികളില്‍ തളരാതിരിക്കാന്‍ മാനസിക ശാക്തീകരണത്തിനും ജീവിതാവശ്യങ്ങള്‍ക്കുമുള്ള വിവിധ ക്ഷേമപ്രവര്‍ത്തനങ്ങള്‍ വിവധ ഏജന്‍സികളുടെയും സംഘടനകളുടെയും സഹകരണത്തോടെ നടപ്പിലാക്കിയിരിക്കുന്നു.
കാരിത്താസ് ഇന്ത്യ: കാരിത്താസ് ഇന്ത്യയുടെ സഹായത്താല്‍ ഭക്ഷ്യധാന്യകിറ്റുകളും പ്രതിരോധകിറ്റുകളും ബോധവത്കരണവും നല്‍കി.
സ്റ്റില്ലാ വിദ്യാധാര: സ്റ്റില്ലാ വിദ്യാധാര പദ്ധതിയുടെ സഹായത്താല്‍ വിദ്യാര്‍ത്ഥികള്‍ക്കു സാമ്പത്തിക സഹായവും ഭക്ഷ്യധാന്യകിറ്റും മാസ്‌കും ഹാന്‍ഡ് വാഷും നല്‍കി.
കോള്‍പിംഗ് ഇന്ത്യ: കോള്‍പിംഗ് ഇന്ത്യയുടെ സഹായത്തോടെ ഒരു ലക്ഷം രൂപയുടെ ഭക്ഷ്യധാന്യകിറ്റും പ്രതിരോധ കിറ്റും നല്‍കി.
അതിഥി തൊഴിലാളി സംരക്ഷണം
നാടും വീടും ഭാഷയും വിട്ട് തൊഴില്‍ തേടിയെത്തിയ അതിഥിതൊഴിലാളികള്‍ക്ക് സുരക്ഷാ മൈഗ്രന്റ് പദ്ധതിയുടെ സഹായത്തോടെ ഭക്ഷ്യകിറ്റും പ്രതിരോധകിറ്റും നല്‍കി. അവര്‍ക്കായി മെഡിക്കല്‍ ക്യാമ്പും നടത്തി.
പുനലൂര്‍ സോഷ്യല്‍ സര്‍വീസ് സൊസൈറ്റിയുടെ നേതൃത്വത്തിലുള്ള സ്വയം സഹായ സംഘങ്ങള്‍ മാസ്‌ക്, സാനിറ്റൈസര്‍, ഹാന്‍ഡ് വാഷ് തുടങ്ങിയവ നിര്‍മിച്ചു നല്‍കി. ചൈല്‍ഡ്ലൈന്‍ പദ്ധതിയിലൂടെ അര്‍ഹതപ്പെട്ട കുട്ടികള്‍ക്ക് ഭക്ഷണ കിറ്റ് വിതരണം ചെയ്തു.
Related Articles
തീരത്തിന്റെ ഈണമുള്ള സങ്കീര്‍ത്തനം പോലെ
ബെന്നി പി. നായരമ്പലം-അന്നാ ബെന്‍ അഭിമുഖം തയ്യാറാക്കിയത് ജയിംസ് അഗസ്റ്റിന്‍ 1988-ലെ ഒരു സന്ധ്യ. വരാപ്പുഴ അതിരൂപതയുടെ വാടേല്‍ ഇടവകയുടെ ഉപകേന്ദ്രമായ മാനാട്ടുപറമ്പ് കപ്പേളയില്‍ ഒരു ഹാസ്യനാടകത്തിന്
മയ്യനാട്ട് ജോസഫ് എന്ന വിചാരശില്പി
അപൂര്‍ണ്ണതകള്‍ കൊഴിഞ്ഞുപോയ അറിവിന് പുതിയ തളിരുകള്‍ വരും. അറിവും അത് ഉല്പാദിപ്പിക്കുന്ന ചിന്തയും വ്യക്തികളേയും സമൂഹത്തേയും പുതിയ വഴികളില്‍ മുന്നേറാന്‍ പ്രേരിപ്പിക്കും. സമൂഹത്തിന് അറിവ് പകര്‍ന്ന് നവോത്ഥാനമാര്‍ഗത്തിന്
ക്രിസ്ത്യന്‍ സര്‍വീസ് സൊസൈറ്റി സംസ്ഥാന വാര്‍ഷിക സമ്മേളനം
എറണാകുളം: ക്രിസ്ത്യന്‍ സര്‍വീസ് സൊസൈറ്റി ഇന്റര്‍നാഷണല്‍ (സിഎസ്എസ്) 22-ാം വാര്‍ഷിക സംസ്ഥാന പ്രതിനിധി സമ്മേളനം പ്രൊഫ. കെ.വി.തോമസ് ഉദ്ഘാടനം ചെയ്തു. വരാപ്പുഴ അതിരൂപത ആര്‍ച്ച്ബിഷപ് ഡോ. ജോസഫ്
