തങ്കമണിയുടെ വീട് മത്സ്യത്തൊഴിലാളികള്‍ വീടുനിര്‍മിച്ചു നല്കി
ആലപ്പുഴ: പ്രളയത്തില്‍ പൂര്‍ണമായും മുങ്ങിപ്പോകുകയും കേടുപാടുകള്‍ സംഭവിക്കുകയും ചെയ്ത കീരിപ്പള്ളി കോളനിയിലെ തങ്കമണിയുടെ വീട് ചേര്‍ത്തല പള്ളിത്തോട് സീസണ്‍ മത്സ്യത്തൊഴിലാളി സംഘത്തിലെ അംഗങ്ങള്‍ പുനര്‍നിര്‍മിച്ചു നല്കി. വീടിന്റെ മേല്‍ക്കൂരയിലെ കഴുക്കോലുകളും പട്ടികയും ഓടും മാറ്റി മേല്‍ക്കൂര പൂര്‍വസ്ഥിതിയിലാക്കി. വൈദ്യുത വയറിംഗ് പുനക്രമീകരിച്ചു. വീടും പരിസരവും ശുചീകരിക്കുകയും ഭിത്തികള്‍ക്ക് പെയിന്റടിക്കുകയും ചെയ്തു. വീട്ടുപകരണങ്ങളും ഫര്‍ണീച്ചറുകളും വാങ്ങി നല്കി. പ്രളയകാലത്ത് എറണാകുളം ജില്ലയിലെ കടുങ്ങല്ലൂര്‍ ഗ്രാമപഞ്ചായത്തിലെ മുപ്പത്തടത്ത് രക്ഷാപ്രവര്‍ത്തനത്തില്‍ ഏര്‍പ്പെട്ടിരിക്കുകയായിരുന്നു പള്ളിത്തോട് സീസണ്‍ മത്സ്യത്തൊഴിലാളി സംഘം. നിരവധി പേരെ വെള്ളക്കെട്ടില്‍ നിന്നു രക്ഷിച്ചു.
രക്ഷാപ്രവര്‍ത്തനങ്ങള്‍ക്കും വീടിന്റെ പുനര്‍നിര്‍മാണത്തിനും മത്സ്യത്തൊഴിലാളി യൂണിയന്‍ മുന്‍ സംസ്ഥാന സെക്രട്ടറിയും എഐറ്റിയുസി സംസ്ഥാന സമിതി അംഗവുമായ ജോയ് സി. കമ്പക്കാരന്‍ നേതൃത്വം നല്കി. മത്സ്യത്തൊഴിലാളികളായ നെല്‍സണ്‍, സെബാസ്റ്റ്യന്‍, അലക്‌സ്, ഷൈജന്‍, ഗാസ്പര്‍, കുഞ്ഞുമോന്‍, സതീഷ്, ലാലു, ബേര്‍ളി, ദിനേശ്, എബ്രഹാം, സേവി, ഡേവിഡ് തുടങ്ങിയവര്‍ സേവനരംഗത്ത് സജീവമായി. കെആര്‍എല്‍സിസി വൈസ്പ്രസിഡന്റ് ഷാജി ജോര്‍ജ്, പിഡിപി ജനറല്‍ സെക്രട്ടറി മുജീബ് റഹ്മാന്‍, അഡ്വ. ഇസ്മയില്‍, പാപ്പിസ്റ്റ് വാട്‌സ് ആപ്പ് കൂട്ടായ്മ നേതാക്കളായ രാജു സേവ്യര്‍ വൈപ്പിന്‍, സെബാസ്റ്റ്യന്‍ തുടങ്ങിയവര്‍ പങ്കാളികളായി.
Related Articles
ദ ടെംപ്‌റ്റേഷന്‍ ഓഫ് ക്രൈസ്റ്റ്
സുവിശേഷകരായ മത്തായി, മാര്‍ക്കോസ്, ലൂക്ക എന്നിവര്‍ യേശുവിനുണ്ടായ പ്രലോഭനങ്ങളെക്കുറിച്ച് സൂചിപ്പിക്കുന്നുണ്ട്. യോഹന്നാനില്‍ നിന്നു മാമോദീസ സ്വീകരിച്ചതിനു ശേഷം 40 രാവും 40 പകലും യേശു മരുഭൂമിയില്‍ ഉപവസിക്കുന്നു.
എതിര്‍ശബ്ദങ്ങളെ ചോരയില്‍ മുക്കുമ്പോള്‍
പ്രത്യയശാസ്ത്രപരമായ ഭിന്നാഭിപ്രായങ്ങളെ മൃഗീയശക്തികൊണ്ട് അടിച്ചൊതുക്കുന്ന കിരാതവാഴ്ചയുടെ ഭയാനക ദൃശ്യങ്ങളാണ് ഡല്‍ഹി ജവാഹര്‍ലാല്‍ നെഹ്‌റു യൂണിവേഴ്‌സിറ്റിയില്‍ ഞായറാഴ്ച സന്ധ്യയ്ക്ക് അരങ്ങേറിയത്. മുഖംമൂടിയണിഞ്ഞ വലിയൊരു അക്രമിസംഘം ഇരുമ്പുദണ്ഡുകളും കൂടങ്ങളും ഹോക്കിസ്റ്റിക്കും
ദൈവനിയോഗം തിരിച്ചറിയല്‍
ത്രേസ്യയ്ക്ക് 12 വയസ്സായപ്പോള്‍ അവളുടെ അമ്മ മരിച്ചു. അത് അവളുടെ പ്രാഥമിക വിദ്യാഭ്യാസത്തിന്റെ അവസാനം കൂടിയായിരുന്നു. തന്റെ ദൈവനിയോഗം തിരിച്ചറിയുവാനുള്ള ഒരു നീണ്ട അന്വേഷണത്തിലായിരുന്നു അവള്‍. പ്രാര്‍ത്ഥനാഭരിതമായ
