തടവറയിലെ ഈസ്റ്റര്‍ സന്ദേശ യാത്ര
കൊല്ലം: രൂപതാ ടെലഫോണ്‍ മിനിസ്ട്രിയുടെ നേതൃത്വത്തില്‍ തിരുവനന്തപുരം പൂജപ്പുര സെന്‍ട്രല്‍ ജയിലില്‍ ഈസ്റ്റര്‍ സന്ദേശയാത്ര നടത്തി. കഴിഞ്ഞ പതിനേഴു വര്‍ഷങ്ങളായി സെന്‍ട്രല്‍ ജയിലില്‍ നടത്തുന്ന ഈസ്റ്റര്‍ സന്ദേശയാത്ര പ്രത്യേകമായ ഒരുക്കത്തോടുകൂടിയാണ് ജോയിസണ്‍ മാര്‍ട്ടിന്‍ ഇരവിപുരവും സഹോദരന്മാരും നടത്തുന്നത്. ഈ വര്‍ഷം സന്ദേശയാത്ര നയിച്ചത് രൂപത എപ്പിസ്‌കോപ്പല്‍ വികാരി ഫാ. ബൈജു ജൂലിയാനാണ്. വൈദികരും സന്യസ്തരും അല്മായ സഹോദരങ്ങളുമുള്‍പ്പെടെ 70 ഓളം പേര്‍ പങ്കെടുത്ത സംഘമാണ് ജയില്‍ സന്ദര്‍ശിച്ചത്.
കൊല്ലം രൂപത വികാരി ജനറല്‍ മോണ്‍. പോള്‍ മുല്ലശേരി, ബിഷപ് ഹൗസില്‍ ഉദ്ഘാടനം ചെയ്ത സന്ദേശ യാത്രാസംഘം ഉച്ചയ്ക്ക് രണ്ട് മണിയോടെ പൂജപ്പുര സെന്‍ട്രല്‍ ജയിലില്‍ എത്തി. തുടര്‍ന്ന് ജയിലിലെ അന്തേവാസികള്‍ക്കായി ഗാനശുശ്രൂഷ, വചനവിചിന്തനം, ഗാനമേള, പ്രാര്‍ത്ഥന, കലാപരിപാടികള്‍, ചായ സല്‍ക്കാരം എന്നിവ നടന്നു.
ജയിലിലെ സഹോദരങ്ങള്‍ക്ക് മനസിനും ആത്മാവിനും സന്തോഷവും സമാധാനവും പകരുന്ന വലിയ കണ്ടുമുട്ടലാണ് ഈ സന്ദേശ യാത്ര. മനുഷ്യസ്‌നേഹത്തിന്റെ ദിവ്യമായ രൂപം പകര്‍ന്നുനല്‍കുന്ന സന്ദേശയാത്രാ സംഘത്തെ ജയിലിലെ അധികൃതര്‍ നല്ല മനസോടെയാണ് സ്വീകരിക്കുന്നത്. ജയിലിലെ സഹോദരങ്ങളുടെ കലാ-കായിക-സര്‍ഗവാസനകളെ പ്രോത്സാഹിപ്പിക്കുവാന്‍ ഉന്നത ഉദ്യോഗസ്ഥര്‍ നടപ്പിലാക്കുന്ന എല്ലാ പ്രവര്‍ത്തനങ്ങള്‍ക്കും ഉദാരമായ സഹായം നല്‍കിക്കൊണ്ട് ടെലഫോണ്‍ മിനിസ്ട്രിയിലെ അംഗങ്ങള്‍ കൂടെനില്‍ക്കുന്നു.
തടവറയിലെ ക്രിസ്തുവിനെ കണ്ടെത്തുന്ന ഈ പ്രേഷിതപ്രവര്‍ത്തനത്തിന് ബിഷപ് ഡോ. സ്റ്റാന്‍ലി റോമന്റെ അനുഗ്രഹാശിസുകള്‍ ആരംഭകാലം മുതലുണ്ട്. ടെലഫോണ്‍ പ്രയര്‍ മിനിസ്ട്രിയിലെ അംഗങ്ങള്‍ എല്ലാ ദിവസവും അതിരാവിലെ നാലുമണിക്ക് പരസ്പരം ടെലഫോണ്‍ വിളിച്ച് ഒരു മണിക്കൂര്‍ പ്രാര്‍ത്ഥിക്കുന്നു. ഈ പ്രാര്‍ത്ഥനയാണ് അവരുടെ ശക്തി. പ്രാര്‍ത്ഥനയില്‍ കരുത്തുനേടി തടവറയിലെ അന്ധകാരത്തില്‍ ഇവര്‍ വെളിച്ചം വീശുന്നു.
Related Articles
നുണയുടെ കെണിയും കാണാക്കിനാക്കളും
വക്രബുദ്ധി കൊണ്ട് ജീവിക്കുന്ന പരാന്നഭോജികള്‍ (parasites) ലോകത്തെങ്ങുമു ണ്ട്. എങ്കിലും മോന്‍സണ്‍ മാവുങ്കല്‍ എല്ലാരെയും അതിശയിപ്പിച്ചു. വമ്പന്‍മാരെ അനായാസം വീഴ്ത്തിയ അയാളുടെ നാവിനെ ചിലര്‍ വാഴ്ത്തുന്നു. ആന്റിസോഷ്യല്‍
കെഎല്‍സിഎ സംസ്ഥാന നേതൃക്യാമ്പ് മൂന്നാറില്‍ വൈദ്യുത വകുപ്പ് മന്ത്രി എംഎം മണി ഉദ്ഘാടനം ചെയ്തു
കേരള ലാറ്റിന്‍ കാത്തലിക് അസോസിയേഷന്‍ സംസ്ഥാന സമിതിയുടെ നേതൃത്വത്തില്‍ കേരളത്തിലെ എല്ലാ ലത്തീന്‍ രൂപതകളില്‍ നിന്നും രണ്ടു ദിവസങ്ങളിലായി സംഘടിപ്പിച്ചിരിക്കുന്ന സംസ്ഥാന നേതൃ ക്യാമ്പ് മൂന്നാര്‍ മൗണ്ട്
നല്ല സമറിയാക്കാരനും സുവിശേഷകനുമായിരിക്കുക-ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍
വിജയപുരം: വിജയപുരം വിന്‍സെന്റ് ഡി പോള്‍ സെന്‍ട്രല്‍ കൗണ്‍സിലിന്റെ 39-ാമത് വാര്‍ഷികം വിമലഗിരി പാസ്റ്ററല്‍ സെന്ററില്‍ ആഘോഷിച്ചു. മൂന്നാര്‍ ഏരിയാ കൗണ്‍സിലിന്റെ മുന്‍ പ്രസിഡന്റ് സി. എസ്
