തീരജനതയുടെ ആശങ്ക പരിഹരിച്ചില്ലെങ്കിൽ പ്രക്ഷോഭത്തിലേക്ക് – കെ എൽ സി എ കൊല്ലം രൂപത
കൊല്ലം:കൊല്ലം, ഇരവിപുരം തീരദേശത്തെ കടൽക്ഷോഭത്തിന് തടയിടാനും, തീര ജനതയുടെ ആശങ്ക പരിഹരിക്കാനും സർക്കാരും ജില്ലാ ഭരണകൂടവും നൽകിയ എല്ലാ വാഗ്ദാനങ്ങളും പാഴ് വാക്കുകളാണെന്ന് തെളിഞ്ഞിരിക്കുന്നു. രണ്ട് ദിവസത്തിനുള്ളിൽ തീരത്ത് പാറ ഇറക്കുമെന്ന് ജില്ലാ കളക്ടർ നൽകിയ ഉറപ്പ് ആഴ്ചകൾ കടന്നിട്ടും പ്രാവർത്തികമാകാത്തതിൽ കൊല്ലം രൂപതയും, ലത്തീൻ സമുദായ സംഘടനയായ കെ.എൽ.സി.എ യും ശക്തമായ പ്രതിഷേധം രേഖപ്പെടുത്തി. പാറകിട്ടാനില്ലെന്ന് തൊടുന്യായം പറയുന്ന അധികാരികൾ തൊട്ടടുത്ത് പരവൂർ ഭാഗത്ത് നിർമ്മിച്ചു വച്ചിരിക്കുന്ന ട്രൈപ്പോട് ദുരന്തബാധിത മേഖലയിലേയ്ക്ക് ഉപയോഗിക്കാൻ ശ്രമിക്കാത്തത് സംശയകരമാണ്. തീര ജനതയെ അട്ടിപ്പായിക്കാനാഗ്രഹിക്കുന്ന ഭരണകൂടങ്ങളുടെ അജണ്ട നടപ്പിലാക്കാനുള്ള ശ്രമമാണ് ഈ അലംഭാവത്തിന് പിന്നിലെന്ന് സമുദായം സംശയിക്കുന്നു. ഉടനടി വാഗ്ദാനങ്ങൾ പാലിക്കുന്നില്ലെങ്കിൽ ശക്തമായ പ്രക്ഷോഭത്തിലേയ്ക്ക് സമുദായം നീങ്ങുമെന്നും താക്കീത് നൽകി. ബിഷപ് ഡോ. പോൾ ആൻറണി മുല്ലശ്ശേരി, മോൺ. വിൻസെന്റ് മച്ചാഡോ, ഫാ. സെഫറിൻ KB, അനിൽ ജോൺ, അജു.ബി.ദാസ്,
ജോൺസൺ, പ്രൊഫ. തോമസ് ആന്റണി, സ്റ്റാലിൻ, വിൻസി ബൈജു, ജാക്സൺ, മാർഗരറ്റ് നെൽസൺ, മേരിദാസൻ, ആന്റണി ഡേവിസ് , ഡൊമനിക് ജോസഫ് എന്നിവർ പ്രസംഗിച്ചു.
Related Articles
സുനഹദോസും സഭയുടെ സുനഹദോസാത്മകതയും
ആത്മവിമര്‍ശനാത്മകമായ രണ്ടു ചോദ്യങ്ങളിലൂടെയാണ് ഫ്രാന്‍സിസ് പാപ്പ ഈ മാസം പത്താം തീയതി (10/10/2021) സഭയുടെ സുനഹദോസാത്മകതയെ (Synodality) കുറിച്ചു സുനഹദോസിനു മുന്നൊരുക്കമായുള്ള പരിശുദ്ധ കുര്‍ബാനയിലെ വചനപ്രഘോഷണം അവസാനിപ്പിക്കുന്നത്;
പേരക്കയുടെ ഗുണം
ധാരാളം ഔഷധഗുണമുള്ള ഫലമാണ് പേരക്ക. രോഗപ്രതിരോധത്തിനും ആരോഗ്യ പരിപാലനത്തിനും പേരക്ക നല്‍കുന്ന സഹായം ചില്ലറയല്ല. ദഹനപ്രശ്‌നങ്ങള്‍ മുതല്‍ പ്രമേഹത്തെയും കൊളസ്‌ട്രോളിനെയും പ്രതിരോധിക്കുവാനും ഈ ഫലത്തിനു കഴിയും. വൈറ്റമിന്‍
ആര്‍ച്ച്ബിഷപ് ബച്ചിനെല്ലി പുരസ്‌കാരം എ. മൊയ്തീന് സമ്മാനിച്ചു
കണ്ണൂര്‍: അധ്യാപകര്‍ മാനവപുരോഗതിയില്‍ നിര്‍ണായക പങ്കുവഹിക്കുന്നവരാണെന്ന് ബിഷപ് ഡോ. അലക്‌സ് വടക്കുംതല പറഞ്ഞു. പള്ളിക്കൊപ്പം പള്ളിക്കൂടം എന്ന ഇടയലേഖനത്തിലൂടെ കേരളത്തിലെ പൊതുവിദ്യാഭ്യാസത്തിന് അടിസ്ഥാനശില പാകിയ ആര്‍ച്ച്ബിഷപ് ഡോ.
