തീരദേശത്തിനു സാന്ത്വനം പകരാന്‍ ആലപ്പുഴ രൂപത
ആലപ്പുഴ രൂപതയിലെ സാമൂഹ്യസേവന സൊസൈറ്റി ആലപ്പുഴ ജില്ലാ ഭരണകൂടത്തിന്റെ നിര്‍ദേശാനുസരണം ആലപ്പുഴ മീഡിയ കമ്മീഷന്‍, കെ.സി.വൈ.എം, കെ.എല്‍.സി.എ, കാരിത്താസ് ഇന്ത്യ എന്നിവയുടെ കൂട്ടായ്മയോടെ ആലപ്പുഴ, എറണാകുളം തീരദേശ മേഖലയില്‍ കൊവിഡ് ജാഗ്രതാ സുരക്ഷാ നിര്‍ദേശവുമായി വാഹനപ്രചാരണം നടത്തി.
ആലപ്പുഴ രൂപതയുടെ തീരദേശ മേഖലയില്‍ ഭക്ഷ്യസുരക്ഷാ ഉറപ്പാക്കുന്നതിന്റെ ഭാഗമായി കെ.ആര്‍.എല്‍.സി.സി, കെ.എല്‍.സി.എ, കാരിത്താസ് ഇന്ത്യ, കോഴിക്കോട് രൂപത, എറണാകുളം-അങ്കമാലി അതിരൂപത എന്നിവയോടൊപ്പം വിവിധ സാമൂഹികപ്രവര്‍ത്തന സംഘടനകളുടെയും സഹായത്തോടെ മഹാമാരിയോടൊപ്പം മറ്റു രോഗദുരിതത്തില്‍പ്പെട്ടവര്‍ക്കും
ആലപ്പുഴ സെന്റ് ജോസഫ് കോളജ് കെമിസ്ട്രി വിഭാഗത്തിന്റെ സഹായത്തോടെ പത്തു ലിറ്റര്‍ സാനിറ്റേസര്‍ തീരദേശ മേഖലയില്‍ സൗജന്യമായി വിതരണം ചെയ്തു. കൈകള്‍ വൃത്തിയാക്കുന്നതിന്റെ പ്രാധാന്യം മുന്‍നിര്‍ത്തി ആലപ്പുഴ ജില്ലയിലെ നൂറോളം ഓട്ടോറിക്ഷ ഡ്രൈവര്‍മാര്‍ക്ക് ടവല്‍, സോപ്പ് വിതരണം ചെയ്തതോടൊപ്പം ആലപ്പുഴ ജില്ലാ കലക്ടര്‍ക്ക് അഞ്ഞൂറോളം ഹാന്‍ഡ് കര്‍ച്ചീഫുകള്‍ കൈമാറി. കൊവിഡിന്റെ ആരംഭ കാലഘട്ടത്തില്‍ രൂപതാ സൊസൈറ്റിയുടെ പ്രവര്‍ത്തനങ്ങളില്‍ ഒന്നായ ഫേയ്‌സ് മാസ്‌ക് നിര്‍മാണ യൂണിറ്റ് ജനങ്ങള്‍ക്ക് ഏറെ സഹായകമായി.
രൂപതാ ഡയറക്‌റുടെ നിര്‍ദേശപ്രകാരം രണ്ടു യൂണിറ്റുകള്‍ പ്രവര്‍ത്തിക്കുകയും രണ്ടു ലക്ഷത്തോളം ഫേയ്‌സ് മാസ്‌ക് വോളന്റിയേഴ്‌സിന്റെ സഹായത്തോടെ നിര്‍മിച്ച് സൗജന്യമായി ആലപ്പുഴ ജില്ലാ ഭരണകൂടം, ആരോഗ്യ മേഖല, എക്‌സൈസ് വകുപ്പ്, ചൈല്‍ഡ്‌ലൈന്‍, യൂത്ത് വോളന്റിയേഴ്‌സ് എന്നിവര്‍ക്ക് നല്‍കുവാനും സാധിച്ചു. രൂപതാ സൊസൈറ്റി വോളന്റിയേഴ്‌സ് തീരദേശ ജനങ്ങള്‍ക്ക് ഫേയ്‌സ് മാസ്‌ക് വിതരണം നടത്തി.
ആലപ്പുഴ രൂപതാ സൊസൈറ്റിയുടെ ആഭിമുഖ്യത്തില്‍ നൂറോളം സന്നദ്ധപ്രവര്‍ത്തകരുടെയും വൈദികരുടെയും സഹായത്തോടെ ആലപ്പി സമരിറ്റന്‍സ് ടാസ്‌ക്‌ഫോഴ്‌സ് രൂപീകരിക്കുകയും കൊവിഡ് മഹാമാരി മൂലം മരണമടഞ്ഞവരുടെ ശവസംസ്‌കാര കര്‍മങ്ങള്‍ നടത്തുന്നതിനുള്ള പരിശീലനം നല്‍കുകയും ചെയ്തു. തുടര്‍ന്ന് ആലപ്പുഴ, എറണാകുളം തീരദേശ മേഖലയില്‍ കൊവിഡ് രോഗം സ്ഥിരീകരിച്ചു മരിച്ചവരുടെ ശവസംസ്‌കാരം കൊവിഡ് പ്രോട്ടോകോള്‍ പ്രകാരം നടത്തുന്നതിന് രൂപതാ സൊസൈറ്റി മേല്‍നോട്ടം വഹിച്ചു.
Related Articles
യുവജനങ്ങൾ നല്ല ഇടയന്മാരെ തേടുന്നു: പേര്‍സിവാള്‍ ഹാള്‍ട് സിനഡിൽ ശ്രദ്ധേയനാകുന്നു
ഭാരതത്തില്‍നിന്നുള്ള ഏക യുവജനപ്രതിനിധിയും യുവജനങ്ങള്‍ക്കായുള്ള മെത്രാന്മാരുടെ സിനഡു സമ്മേളനത്തിലെ നിരീക്ഷകനുമാണ് പേര്‍സിവാള്‍ ഹാള്‍ട്. അദ്ദേഹം ഡല്‍ഹി അതിരൂപതാംഗമാണ്. വത്തിക്കാനില്‍ നടക്കുന്ന സിനഡില്‍ ഒക്ടോബര്‍ 19-Ɔο തിയതി പേര്‍സിവാള്‍
നവമാധ്യമങ്ങൾ വ്യക്തികളുടെ സ്വകാര്യത സംരക്ഷിക്കുന്നതിൽ ജാഗ്രത പാലിക്കണമെന്നു ആലപ്പുഴ രൂപത ബിഷപ്പ് ഡേ: ജയിംസ് ആനാപ്പറമ്പിൽ
അരൂർ: നവമാധ്യമങ്ങൾ വ്യക്തികളുടെ സ്വകാര്യത സംരക്ഷിക്കുന്നതിൽ ജാഗ്രത പാലിക്കണമെന്നു ആലപ്പുഴ രൂപത ബിഷപ്പ് ഡേ: ജയിംസ് ആനാപ്പറമ്പിൽ പറഞ്ഞു. ആലപ്പുഴ രൂപത മാസ് മീഡിയ കമ്മീഷൻ സംഘടിപ്പിച്ച
കുട്ടനാടിന് സാന്ത്വനവുമായി തേക്കടിയില്‍ നിന്നും കൂട്ടുകാര്‍
തേക്കടി: കുട്ടനാടില്‍ വെള്ളപ്പൊക്കത്തില്‍ ദുരിതമനുഭവിക്കുന്നവര്‍ക്കു ആശ്വാസത്തിന്റെ കൈത്താങ്ങായി തേക്കടി അമലാംബിക കോണ്‍വെന്റ് ഇംഗ്ലീഷ് സ്‌കൂളിലെ കുട്ടികള്‍. അരി, പലചരക്ക്, പച്ചക്കറികള്‍, ബെഡ്ഷീറ്റുകള്‍, സോപ്പ്, കുടിവെള്ളം തുടങ്ങി ഏകദേശം
