Breaking News

തീരനിയന്ത്രണ കരട് വിജ്ഞാപനം – കെ എല്‍ സി എ നിവേദക സംഘം പരിസ്ഥിതി മന്ത്രിയുമായി കൂടിക്കാഴ്ച നടത്തി

തീരനിയന്ത്രണ കരട് വിജ്ഞാപനം – കെ എല്‍ സി എ നിവേദക സംഘം പരിസ്ഥിതി മന്ത്രിയുമായി കൂടിക്കാഴ്ച നടത്തി

തീരനിയന്ത്രണ വിജ്ഞാപനം സംബന്ധിച്ച് 2018 ഏപ്രില്‍ 18 ന് കേന്ദ്രമന്ത്രാലയം പുറത്തിറക്കിയ കരട് വിജ്ഞാപനം ടൂറിസം മേഖലയ്ക്ക് ഗുണമുണ്ടാകണമെന്ന ലക്ഷ്യം മാത്രം മുന്നില്‍ കണ്ട് ഉണ്ടാക്കിയിരിക്കുന്നതാണെന്നും കൂട്ടത്തില്‍ കായല്‍ ദ്വീപുകളിലെ നിയന്ത്രണത്തില്‍ അല്‍പ്പം ഇളവു വരുത്തി 20 മീറ്റര്‍ ആക്കി അവിടെ തദ്ദേശവാസികള്‍ക്കു ഇളവു നല്‍കുന്നുവെന്ന പേരില്‍ തീരം മുഴുവനും ടൂറിസ്റ്റ് ലോബികള്‍ക്ക് സ്വന്തമാകുന്ന തരത്തിലാണെന്നും കെ എല്‍ സി എ നിവേദക സംഘം പരിസ്ഥിതി മന്ത്രി ഡോ. ഹര്‍ഷവര്‍ദ്ധനെ നേരിട്ടു കണ്ട് ധരിപ്പിച്ചു. ഡെല്‍ഹിയില്‍ അദ്ദേഹത്തിന്‍റെ ഔദ്യോഗിക വസതിയില്‍ എത്തിയാണ് കെ എല്‍ സി എ നേതാക്കള്‍ ഇക്കാര്യം അറിയിച്ചത്.

സാഗര്‍മാല പദ്ധതിയുടെ ഭാഗമായി കേന്ദ്രസര്‍ക്കാര്‍ തീരമേഖലയില്‍ ഉദ്ദേശിക്കുന്ന കോടികളുടെ നിക്ഷേപം മുന്നില്‍ കണ്ട് മത്സ്യത്തൊഴിലാകളെയും തദ്ദേശവാസികളെയും തീരമേഖലയില്‍ നിന്ന് ഒഴിവാക്കുന്നതായി മാറും പുതുക്കിയ വിജ്ഞാപനമെന്നും കെ എല്‍ സി എ ആശങ്ക അറിയിച്ചു. വിജാപനത്തിലൂടെ നിയന്ത്രണങ്ങള്‍ കൊണ്ടുവരാതെ, നിയനിര്‍മ്മാണ സഭകളില്‍ ചര്‍ച്ച ചെയ്ത് നിയമമാക്കി മാറ്റണമെന്നും അഭ്യര്‍ത്ഥിച്ചു.

കടല്‍ തീരം തദ്ദേശവാസികള്‍ക്ക് അന്യമാകരുത്. കായല്‍ ദ്വീപുകളില്‍ തദ്ദേശവാസുകളുടെ ഭവനനിര്‍മ്മാണങ്ങള്‍ക്ക് നിയന്ത്രണ പരിധി ബാധകമാക്കരുതെന്നും സംഘം ആവശ്യപ്പെട്ടു.മത്സ്യത്തൊഴിലാളികള്‍ തിങ്ങിപ്പാര്‍ക്കുന്ന കടലോര പ്രദേശങ്ങള്‍ സംരക്ഷിച്ച് തദ്ദേശവാസികളുടെയും മത്സ്യത്തൊഴിലാളികളുടെയും അവകാശങ്ങള്‍ സംരക്ഷിക്കണം.

സംസ്ഥാന ജനറല്‍ സെക്രട്ടറി ഷെറി ജെ തോമസ്, വൈസ് പ്രസിഡന്‍റ് എം സി ലോറന്‍സ്, സംസ്ഥാന സമിതിയംഗങ്ങളായ സി ജെ പോള്‍ (പ്രസിഡൻറ് കെ എൽ സി എ വരാപ്പുഴ അതിരൂപത), റോയ് ഡിക്കുഞ്ഞ, വരാപ്പുഴ അതിരൂപത കെ എല്‍ സി എ ഡയറക്ടര്‍ ഫാ മാര്‍ട്ടിന്‍ തൈപ്പറമ്പില്‍ എന്നിവരാണ് ഡെല്‍ഹിയിലെത്തിയ സംഘത്തിലുണ്ടായിരുന്നത്.


Related Articles

ലിയോണില്‍ ക്രിസ്തുമസ് ട്രീ അഗ്നിക്കിരയാക്കി മുസ്ലീം തീവ്രവാദികള്‍

ഫ്രാന്‍സ്: മാസങ്ങളായി നിരവധി അക്രമ പ്രകടനങ്ങളാണ് ലിയോണില്‍ മുസ്ലീം തീവ്രവാദികളുടെ നടത്തുന്നത്. ആര്‍മേനിയന്‍ അഭയാർത്ഥികൾക്കു നേരെയും അവരുടെ സമാരകങ്ങള്‍ക്ക് നേരെയും തുടര്‍ച്ചയായി അക്രമം നടക്കുന്നതിന്റെ അവസാന സംഭവമാണ്

രാജ്യത്ത് കൊവിഡ് വ്യാപനം കുറയുന്നു; 24 മണിക്കൂറിനിടെ രാജ്യത്ത് 55,342 പേര്‍ക്ക് രോ​ഗം, 706 മരണം

ന്യൂഡല്‍ഹി: ആശ്വാസമായി രാജ്യത്ത് കൊവിഡ് വ്യാപനം കുറയുന്നു. രാജ്യത്തെ പ്രതിദിന കൊവിഡ് രോഗികളുടെ എണ്ണം രണ്ട് മാസത്തിനുള്ളിലെ ഏറ്റവും താഴ്ന്ന നിലയില്‍ എത്തി. കഴിഞ്ഞ 24 മണിക്കൂറിനിടെ

ഭാഷാ വൈവിധ്യത്തെ ആദരിക്കണം

‘ഹിന്ദി ദിവസ്’ ആഘോഷത്തിന്റെ ഭാഗമായി അമിത് ഷാ ചെയ്ത ട്വീറ്റും പിന്നീട് നടത്തിയ പ്രസംഗവും രാഷ്ട്രീയ വിവാദത്തിന് തിരികൊളുത്തിയിരിക്കുന്നു. പ്രധാനമന്ത്രിയും പ്രതിരോധമന്ത്രിയും ആഭ്യന്തരമന്ത്രിയും ഈയിടെ നടത്തിക്കൊണ്ടിരിക്കുന്ന പ്രകോപനപരമായ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*