തീരനിയന്ത്രണ വിജ്ഞാപനം: ഭവനങ്ങള്‍ എന്തുവിലകൊടുത്തും സംരക്ഷിക്കും-കെഎല്‍സിഎ

തീരനിയന്ത്രണ വിജ്ഞാപനം:    ഭവനങ്ങള്‍ എന്തുവിലകൊടുത്തും സംരക്ഷിക്കും-കെഎല്‍സിഎ


ആലപ്പുഴ: തീര നിയന്ത്രണ വിജ്ഞാപനം സംബന്ധിച്ച ലംഘനങ്ങളുടെ റിപ്പോര്‍ട്ട് സുപ്രീം കോടതിയില്‍ സമര്‍പ്പിക്കുമ്പോള്‍ ഇപ്പോള്‍ തെറ്റായി ഉള്‍പ്പെടുത്തിയിട്ടുള്ള മത്സ്യത്തൊഴിലാളികള്‍ ഉള്‍പ്പെടെയുള്ള തദ്ദേശവാസികളുടെ ഭവനങ്ങള്‍ പട്ടികയില്‍നിന്ന് മാറ്റണമെന്ന്കേരള ലാറ്റിന്‍ കാത്തലിക് അസോസിയേഷന്‍ (കെഎല്‍സിഎ) ആവശ്യപ്പെട്ടു. കായല്‍ ദ്വീപുകള്‍ക്ക് ലഭിക്കേണ്ട ആനുകൂല്യങ്ങള്‍, 100 സ്‌ക്വയര്‍ മീറ്റര്‍ വീടുകളുടെ നിര്‍മാണത്തിന് തീരമേഖല പരിപാലന അതോറിറ്റി പുറത്തിറക്കിയ ഉത്തരവ്, 2019ലെ വിജ്ഞാപനത്തില്‍കുറവ് വരുത്തിയിരിക്കുന്ന നിരോധിത മേഖല എന്നിവകണക്കിലെടുത്തുവേണം അന്തിമ പട്ടിക തയാറാക്കാന്‍. പട്ടിക സമര്‍പ്പിക്കുന്ന സമയത്ത് സര്‍ക്കാര്‍
ഉചിതമായ ഇടപെടലുകള്‍ നടത്തണം. നിര്‍ണായക സമയത്ത് മൗനം അവലംബിക്കുകയും പിന്നീട് കോടതി ഉത്തരവുകള്‍ വന്നതിനുശേഷം സംരക്ഷകരായി ഭാവിക്കുകയും ചെയ്യുന്നതില്‍ കാര്യമില്ലെന്ന് യോഗം അഭിപ്രായപ്പെട്ടു.
മത്സ്യത്തൊഴിലാളികള്‍ ഉള്‍പ്പെടെയുള്ള തദ്ദേശവാസികളുടെ ഭവനങ്ങള്‍ സംരക്ഷിക്കാന്‍ പ്രശ്‌നബാധിത പ്രദേശങ്ങളില്‍ ഭവന സംരക്ഷണ സമിതികള്‍ എല്ലാ വിഭാഗം ജനങ്ങളെയും ഉള്‍പ്പെടുത്തി രൂപീകരിക്കാനും യോഗം തീരുമാനിച്ചു. ആലപ്പുഴ രൂപത വികാരി ജനറല്‍ മോണ്‍. പയസ് ആറാട്ടുകുളം യോഗം ഉദ്ഘാടനം ചെയ്തു. കെഎല്‍സിഎ സംസ്ഥാന വൈസ് പ്രസിഡന്റ് ടി.എ. ഡാല്‍ഫിന്‍ അധ്യക്ഷത വഹിച്ചു. ജനറല്‍ സെക്രട്ടറി ഷെറി ജെ. തോമസ്, പി.ആര്‍. കുഞ്ഞച്ചന്‍ എന്നിവര്‍ വിഷയം അവതരിപ്പിച്ചു. ധീവരസഭ സംസ്ഥാന ജനറല്‍ സെക്രട്ടറി വി. ദിനകരന്‍ വിഷയത്തില്‍ ഐക്യദാര്‍ഢ്യം പ്രകടിപ്പിച്ച് സംസാരിച്ചു.
ഫാ. ജോണ്‍സണ്‍, ബിജു ജോസി, ഫാ. ആന്റണി കുഴിവേലി, കെഎല്‍സിഡബ്ല്യുഎ പ്രസിഡന്റ് ജെയിന്‍ ആന്‍സില്‍, കെസിവൈഎം സംസ്ഥാന ജനറല്‍ സെക്രട്ടറി ആന്‍സില്‍ ആന്റണി, എം.സി ലോറന്‍സ്, ജോണ്‍
ബ്രിട്ടോ, രാജു ഈരശേരി, ജസ്റ്റീന ഇമ്മാനുവല്‍, ജോര്‍ജ് നാനാട്ട്, വിന്‍സ് പെരിഞ്ചേരി, പാട്രിക് മൈക്കിള്‍, ലെക്റ്റര്‍ കാര്‍ലോസ്,
അലക്‌സ് താളുപ്പാടത്ത്, പൈലി ആലുങ്കല്‍, അനീഷ് ആറാട്ടുകുളം തുടങ്ങിയവര്‍ സംസാരിച്ചു.


Related Articles

സെബീന ടീച്ചറിന്റെ അനുഗ്രഹം – അജിത്കുമാര്‍ ഗോതുരുത്ത്

  2020 ജൂണ്‍ 22ന് സെബീന ടീച്ചര്‍ വിടവാങ്ങിയിട്ട് മൂന്നു പതിറ്റാണ്ടു പൂര്‍ത്തിയായി. ടീച്ചറിന്റെ അനുഗ്രഹം ഏറ്റുവാങ്ങാന്‍ ഭാഗ്യമുണ്ടായ ഒരാളാണ് ഞാന്‍. ടീച്ചറിന്റെ തറവാടുമായി ഞങ്ങളുടെ കുടുംബത്തിനു

ഇനിയും എത്രനാള്‍ കാത്തിരിക്കണം

ഭീമ- കൊറേഗാവ് കേസില്‍ അറസ്റ്റിലായ ആക്ടിവിസ്റ്റ് ഫാദര്‍ സ്റ്റാന്‍ സ്വാമിക്ക് ഭക്ഷണവും പാനീയങ്ങളും കഴിക്കുന്നതിന് ആവശ്യമായ സ്ട്രോയ്ക്കും സിപ്പര്‍ കപ്പിനും വേണ്ടി ഡിസംബര്‍ അവസാനംവരെ കാത്തിരിക്കേണ്ടി വരും.

ആട്ടിടയന്മാരുടെ സൗഭാഗ്യം

കാലിത്തൊഴുത്തില്‍, പുല്‍ത്തൊട്ടിയില്‍നിന്നും വീണ ഉണ്ണിയേശുവിനെ ആദ്യം കണ്ടുവണങ്ങാന്‍ സൗഭാഗ്യമുണ്ടായത് പാവപ്പെട്ട, അക്ഷരാര്‍ഥത്തില്‍ നിശ്ശൂന്യരായ ഒരു സംഘം ആട്ടിടയന്മാര്‍ക്കാണ്. തണുപ്പുള്ള പുല്‍മേടുകളില്‍ തീകാഞ്ഞും കഥപറഞ്ഞും പാട്ടുപാടിയും നേരം വെളുക്കാന്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*