Breaking News

തോമസ് ചാണ്ടി അന്തരിച്ചു

തോമസ് ചാണ്ടി അന്തരിച്ചു

കൊച്ചി: മുന്‍ മന്ത്രിയും എന്‍സിപി സംസ്ഥാനപ്രസിഡന്റുമായ തോമസ് ചാണ്ടി അന്തരിച്ചു. അദ്ദേഹത്തിന് 72 വയസായിരുന്നു. അര്‍ബുദ രോഗത്തെ തുടര്‍ന്ന് ദീര്‍ഘകാലമായി ചികിത്സയിലായിരുന്നു. മൂന്ന് തവണ കുട്ടനാടിനെ പ്രതിനിധീകരിച്ച് നിയമസഭയിലെത്തിയ അദ്ദേഹം പിണറായി വിജയന്‍ മന്ത്രിസഭയില്‍ ഗതാഗതവകുപ്പ് മന്ത്രിയായിരുന്നു. പത്താം ക്ലാസും ടെലിപ്രിന്റിംഗും പഠിച്ച ശേഷം കുവൈറ്റിലേക്ക് പോയ് തോമസ് ചാണ്ടി വ്യവസായിയായ ടൊയോട്ട സണ്ണിയുടെ സഹായത്തോടെ ഒരു ജോലി തരപ്പെടുത്തി. ജോലി ചെയ്യുമ്പോള്‍ തന്നെ അസോസിയേഷന്‍ ഓഫ് ഗള്‍ഫ് കോണ്‍ഗ്രസ് എന്നൊരു സംഘടന രൂപീകരിച്ചു. കെ. കരുണാകരന്‍ ഉള്‍പ്പെടെയുള്ള നേതാക്കള്‍ക്കടക്കം സംഘടന ആതിഥ്യമരുളി. കുവൈറ്റില്‍ ഒരു സ്‌കൂള്‍ ആരംഭിച്ചു. മലയാളികളുടെ ഭാഗത്തു നിന്നു വലിയ സ്വീകരണമാണ് സ്‌കൂളിനു ലഭിച്ചത്. ഈ സമയത്താണ് ഗള്‍ഫ് യുദ്ധമുണ്ടാകുന്നത്. സമ്പാദിച്ചതെല്ലാം ഉപേക്ഷിച്ച് അദ്ദേഹത്തിന് നാട്ടിലേക്ക് ഓടിപ്പോരേണ്ടിവന്നു. യുദ്ധം അവസാനിച്ചപ്പോള്‍ തിരികെ കുവൈറ്റിലെത്തിയതോടെ വലിയ മുന്നേറ്റമായിരുന്നു. ബിസിനസ് സംരംഭങ്ങള്‍ വളര്‍ന്നു പന്തലിച്ചു. കുവൈറ്റ് ചാണ്ടിയെന്ന പേര് ലഭിക്കുന്നത് അപ്പോഴാണ്. നാട്ടില്‍ ഹോട്ടല്‍ ബിസിനസും റിസോര്‍ട്ടുകളും ആരംഭിച്ചു.
കെ. കരുണാകരന്റെ വിശ്വസ്തനായിരുന്ന അദ്ദേഹം കരുണാകരന്‍ പാര്‍ട്ടി വിട്ടപ്പോള്‍ അദ്ദേഹത്തോടൊപ്പം ചേര്‍ന്ന് ഡിഐസി രൂപീകരിച്ചു. ഡിഐസി പിരിച്ചുവിട്ട് കരുണാകരനും കൂട്ടരും കോണ്‍ഗ്രസിലേക്ക് തിരികെ പോയപ്പോള്‍ തോമസ് ചാണ്ടി എന്‍സിപിയില്‍ ചേര്‍ന്നു. 2006 മുതല്‍ തുടര്‍ച്ചയായി രണ്ടു തവണ കുട്ടനാട്ടില്‍ മത്സരിച്ചു ജയിച്ചു. കഴിഞ്ഞ തെരഞ്ഞെടുപ്പില്‍ തോമസ് ചാണ്ടിക്ക് സീറ്റ് നല്‌കേണ്ടെന്ന് സിപിഎം തീരുമാനിച്ചെങ്കിലും എന്‍സിപിയുടെ സമ്മര്‍ദം മൂലം അവസാനനിമിഷം സീറ്റ് ലഭിച്ചു. തോമസ് ചാണ്ടി ജയിക്കുകയും മന്ത്രിയാകുകയും ചെയ്തു.


Tags assigned to this article:
thomas chandy

Related Articles

വിജയപുരം രൂപതയില്‍ 24 മണിക്കൂര്‍ കര്‍ത്താവിനുവേണ്ടി ശുശ്രൂഷകള്‍ നടത്തി

വിജയപുരം: ഫ്രാന്‍സിസ്‌ പാപ്പായുടെ ആഹ്വാനപ്രകാരം ആഗോള കത്തോലിക്കാ സഭയില്‍ ആചരിക്കുന്ന `24 മണിക്കൂര്‍ കര്‍ത്താവിനുവേണ്ടി’ വിജയപുരം രൂപതയുടെ ദൈവാലയങ്ങളില്‍ മാര്‍ച്ച്‌ 9, 10 തീയതികളില്‍ ആഘോഷിച്ചു. ദിവ്യകാരുണ്യ

തൃപ്തി ദേശായി എത്തി: വിമാനത്താവളത്തിന് പുറത്ത് വൻ പ്രതിഷേധം

കൊച്ചി: ശബരിലമല സന്ദർശിക്കാനായി ഭൂമാതാ ബ്രിഗേഡ് നേതാവ് തൃപ്തി ദേശായിയും സംഘവും കേരളത്തിലെത്തി. വെള്ളിയാഴ്ച പുലർച്ചെ അഞ്ച് മണിയോടെ നെടുമ്പാശ്ശേരി വിമാനത്താളത്തിലെത്തിയ തൃപ്തിക്കും സംഘത്തിനും പ്രതിഷേധത്തെത്തുടർന്ന് പുറത്തിറങ്ങാൻ

വാരിക്കുഴിയിലെ കൊലപാതകത്തിൻറെ രഹസ്യങ്ങളുടെ ചുരുളഴിയുന്നു

വാരിക്കുഴിയിലെ രഹസ്യങ്ങളുടെ ചുരുൾ അഴിക്കുകയാണ് ചിത്രത്തിലെ നായക കഥാപാത്രം ഫാ വിൻസൻറ് കൊമ്പന. ചിത്രത്തിലെ നായകനായ വൈദികൻറെ കഥാപാത്രം അവതരിപ്പിക്കുന്നത് പുതുമുഖ നടൻ അമിത് ചക്കാലക്കലാണ്. അരയംതുരുത്ത്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*