ദാവീദ് രാജാവിന്റെ രണ്ടാം പ്രവാസക്കാലം

ദാവീദ് രാജാവിന്റെ രണ്ടാം പ്രവാസക്കാലം

ഇസ്രായേലിന്റെ രണ്ടാമത്തെ രാജാവായിരുന്നല്ലോ ദാവീദ്. ആദ്യരാജാവായ സാവൂളിന്റെ അടുത്ത അനുചരനായിരുന്നു ദാവീദെങ്കിലും ദാവീദിന്റെ ജനപ്രീതികണ്ട് അസൂയമൂത്ത സാവൂള്‍ അദ്ദേഹത്തെ വധിക്കാന്‍ ശ്രമിച്ചു. സാവൂളിന്റെ കരങ്ങളില്‍ നിന്നു രക്ഷപ്പെടാന്‍ കുറേക്കാലം ദാവീദ് ഒളിവില്‍ കഴിഞ്ഞു. സാവൂളിന്റെ മരണശേഷം ഇസ്രായേലിന്റെ രണ്ടാമത്തെ രാജാവായി ദൈവം ദാവീദിനെ തെരഞ്ഞെടുത്തു. മുപ്പതാമത്തെ വയസിലാണ് ദാവീദ് ഭരണമേറ്റത്. 40 വര്‍ഷം അദ്ദേഹം രാജ്യം ഭരിച്ചു. ഹെബ്രോണ്‍ തലസ്ഥാനമായി യൂദയായെ ഏഴര വര്‍ഷവും ജറുസലേം ആസ്ഥാനമായി ഇസ്രായേലിനെയും യൂദയായെയും 33 വര്‍ഷവും.
ഹെബ്രോണിലായിരിക്കുമ്പോള്‍ തന്റെ ഭാര്യമാരിലും ഉപനാരിമാരിലുമായി ആറു പുത്രന്മാര്‍ ദാവീദിനു ജനിച്ചു. ജറുസലേമിലായിരിക്കുമ്പോള്‍ സോളമന്‍ അടക്കം പതിനൊന്നു മക്കളും. ദാവീദിന്റെ സൈന്യത്തിലുണ്ടായിരുന്ന ഊറിയയുടെ ഭാര്യയായ ബത്‌ഷെബായില്‍ അദ്ദേഹം അനുരക്തനായി. റബ്ബാ നഗരത്തിനെതിരെ ഇസ്രായേല്‍ യുദ്ധം ചെയ്തുകൊണ്ടിരുന്ന സമയമായിരുന്നു അത്. ബത്‌ഷെബായെ സ്വന്തമാക്കാന്‍ ഭര്‍ത്താവായ ഊറിയായെ സൈന്യത്തിന്റെ മുന്നണിയില്‍ നിര്‍ത്താനും അവന്‍ വെട്ടേറ്റ് മരിക്കേണ്ടതിന് അവനെ വിട്ടുപിന്മാറാനും ആവശ്യപ്പെട്ട് സൈന്യാധിപനായ യോവാബിന് ദാവീദ് നിര്‍ദേശം നല്കി. ഊറിയ ശത്രുക്കളാല്‍ കൊല്ലപ്പെടുകയും ബത്‌ഷെബായെ ദാവീദ് ഭാര്യയാക്കുകയും ചെയ്തു.
ദാവീദിന്റെ അധാര്‍മികപ്രവൃത്തിയില്‍ ദൈവം കോപിഷ്ഠനായി. അക്കാലത്തെ പ്രവാചകനായിരുന്ന നാഥാനിലൂടെ ദൈവം ദാവീദിനെ കഠിനമായി ശകാരിച്ചു. നിന്റെ ഭവനത്തില്‍ നിന്ന് വാള്‍ ഒഴിയുകയില്ലെന്നും നിന്റെ ഭവനത്തില്‍ നിന്നുതന്നെ നിനക്കു ഞാന്‍ ഉപദ്രവമുണ്ടാക്കുമെന്നും ദൈവം പറഞ്ഞു. (2 സാമുവല്‍ 12). ദാവീദ് പശ്ചാത്തപിച്ച് പ്രായച്ഛിത്തം ചെയ്‌തെങ്കിലും ദൈവത്തിന്റെ വാക്കുകള്‍ കല്ലില്‍ കൊത്തിയപോലെ ഇളക്കംതട്ടാതെ നിന്നു.
അധികം താമസിയാതെ ബത്‌ഷെബായില്‍ ദാവീദിനുണ്ടായ കുഞ്ഞ് അസുഖംപിടിച്ച് മരിച്ചു. ദാവീദിന്റെ മൂത്ത പുത്രനായ അമ്‌നോന്‍ അര്‍ധസഹോദരിയായ താമാറിനെ അപമാനിച്ചു. ഇതിന് പ്രതികാരമായി അമ്‌നോന്റെ സഹോദരനും ദാവീദിന്റെ മൂന്നാമത്തെ പുത്രനുമായ അബ്‌സലോം ജ്യേഷ്ഠനെയും മക്കളെയും വധിച്ചു. പിതാവിന്റെ കോപം ഭയന്ന് ഓടിപ്പോയ അബ്‌സലോം മൂന്നുവര്‍ഷത്തിനു ശേഷമാണ് തിരികെവന്നത്. ദാവീദ് അവനെ കൊട്ടാരത്തില്‍ പ്രവേശിപ്പിച്ചില്ല. രണ്ടു വര്‍ഷത്തിനുശേഷം ദാവീദിന്റെ സൈന്യാധിപനും വിശ്വസ്തനുമായ യോവാബിന്റെ മധ്യസ്ഥതയില്‍ അബ്‌സലോം കൊട്ടാരത്തില്‍ തിരിച്ചെത്തുകയും ദാവീദ് മകനെ സ്വീകരിക്കുകയും ചെയ്തു.
അബ്‌സലോമിന്റെ ലക്ഷ്യം സിംഹാസനമായിരുന്നു. അതിനായി അവന്‍ കരുക്കള്‍ നീക്കി. ദാവീദിന്റെ ഉപദേശകസംഘത്തിലെ പ്രമുഖനായിരുന്ന അഹിഥോഫെലി അബ്‌സലോമിനെ സഹായിക്കാന്‍ തുടങ്ങി. ഇസ്രായേല്‍ ഗോത്രത്തിലെ പ്രമുഖരെ സ്വാധീനിക്കാനും ജനങ്ങളെ ദാവീദിനെതിരെ തിരിക്കാനും അവര്‍ ശ്രമമാരംഭിച്ചു.
(തുടരും)


Related Articles

അലക്സ് വടക്കുംതല പിതാവിന് ജന്മദിന ആശംസകൾ

കണ്ണൂർ രൂപത അധ്യക്ഷൻ അലക്സ് വടക്കുംതല പിതാവിന് 59ാം പിറന്നാൾ. 1959 ജൂൺ 14 ാം തീയതി പനങ്ങാട് എന്ന് ഗ്രാമമാണ് ജനനസ്ഥലം. വരാപ്പുഴ അതിരൂപതയിൽ വൈദികനായി

നടിയെ ആക്രമിച്ച കേസ്: സ്‌പെഷ്യല്‍ പബ്ലിക് പ്രോസിക്യൂട്ടര്‍ രാജിവെച്ചു

നടിയെ ആക്രമിച്ച കേസിലെ സ്‌പെഷ്യല്‍ പബ്ലിക് പ്രോസിക്യൂട്ടര്‍ എ. സുരേശന്‍ രാജിവെച്ചു. കേസില്‍ വിചാരണ കോടതി ജഡ്ജിയെ മാറ്റണമെന്ന ആവശ്യം ഹൈക്കോടതി തള്ളിയതിന് പിന്നാലെയാണ് രാജി. ‌നടിയെ

രൂപതാതലത്തിലുള്ള യുവജന ദിനാചരണം ക്രിസ്തുരാജ മഹോത്സവത്തില്‍

നവംബര്‍ 22-ഞായറാഴ്ച വിശുദ്ധ പത്രോസിന്‍റെ ബസിലിക്കയില്‍ അര്‍പ്പിച്ച ദിവ്യബലിയുടെ അന്ത്യത്തില്‍ പാപ്പാ ഫ്രാന്‍സിസ് നടത്തിയ പ്രഖ്യാപനം.  ലോക യുവജന സംഗമങ്ങള്‍ക്ക് തുടക്കംകുറിച്ചിട്ട് 35 വര്‍ഷങ്ങള്‍ പിന്നിടുകയാണ്.  ഇപ്പോള്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*