ദുരിതം ഒഴിയാതെ ചെല്ലാനം
കൊച്ചി: കടലാക്രമണത്തിന്റെ ശക്തി കുറഞ്ഞെങ്കിലും ദുരിതമൊഴിയാതെ ചെല്ലാനത്തെ വീടുകള്‍. കടല്‍ അല്പം ശാന്തമാണെങ്കിലും വെള്ളം കയറിയ വീടുകളില്‍ താമസിക്കാന്‍ കഴിയാത്തതിന്റെ ബുദ്ധിമുട്ടിലാണ് ജനങ്ങള്‍. ആയിരത്തോളം വീടുകളിലുള്ളവരാണ് ബന്ധുക്കളുടെയും സുഹൃത്തുക്കളുടെയും വീടുകളില്‍ അഭയം പ്രാപിച്ചിരിക്കുന്നത്.
കഴിഞ്ഞ ദിവസങ്ങളില്‍ ചെല്ലാനം മേഖലയില്‍ ശക്തമായ കാറ്റ് അനുഭവപ്പെട്ടു. അറുന്നൂറോളം വീടുകള്‍ക്ക് ഇതുവരെ നാശനഷ്ടങ്ങളുണ്ടായിട്ടുണ്ട്. വാഹനങ്ങള്‍ പലതും ഉപ്പുവെള്ളം കയറി നശിച്ചു. രണ്ടാഴ്ച മുമ്പാണ് പ്രദേശത്ത് കടല്‍ക്ഷോഭം ആരംഭിച്ചത്. ചെല്ലാനം സെന്റ് മേരീസ് ഹൈസ്‌കൂളില്‍ ദുരിതാശ്വാസ ക്യാമ്പുകള്‍ ആരംഭിച്ചിട്ടുണ്ടെങ്കിലും ആരും ഇതുവരെ എത്തിയിട്ടില്ല.
കളക്ടര്‍ കെ മുഹമ്മദ് വൈ. സഫീറുള്ള ചെല്ലാനം പഞ്ചായത്ത് സെക്രട്ടറിയുമായി ദുരിതാശ്വാസ പ്രവര്‍ത്തനങ്ങളെക്കുറിച്ച് ചര്‍ച്ച നടത്തി. ചെല്ലാനം മേഖലയിലെ ബസാര്‍ ഏരിയ, വേളാങ്കണ്ണി, കമ്പനിപ്പടി എന്നീ ഭാഗങ്ങളിലാണ് കടല്‍ക്ഷോഭം രൂക്ഷമായിട്ടുള്ളത്. ഈ സ്ഥലങ്ങളില്‍ ജിയോ ബാഗുകള്‍ സ്ഥാപിക്കുന്ന നടപടി ആരംഭിച്ചിട്ടുണ്ട്. ജലസേചനവകുപ്പിന്റെ നേതൃത്വത്തിലാണ് ബാഗുകള്‍ സ്ഥാപിക്കുന്നത്. അടിയന്തരമായി സ്ഥാപിക്കുന്ന ജിയോബാഗുകള്‍ സ്ഥിരം സംവിധാനമല്ല. ഇവ പരമാവധി ഒരുവര്‍ഷം മാത്രം നിലനില്‍ക്കുന്നവയാണ്. അതിനാല്‍ കടല്‍ഭിത്തി ബലപ്പെടുത്തി പുലിമുട്ടുകള്‍ സ്ഥാപിക്കണമെന്നാണ് ജനങ്ങളുടെ ആവശ്യം.
ഫോര്‍ട്ടുകൊച്ചി കടപ്പുറം പൂര്‍ണമായി കടലെടുത്ത സ്ഥിതിയിലാണ്. കഴിഞ്ഞ ദിവസങ്ങളില്‍ തിരമാലകള്‍ സൗത്ത് കടപ്പുറമാകെ കവര്‍ന്നിരുന്നു. ചീനവലകളുടെ ഭാഗത്തും തിരമാലകള്‍ ശക്തമായി അടിച്ചുകയറി. കടലാക്രമണം രൂക്ഷമായതിനാല്‍ സഞ്ചാരികള്‍ക്ക് കടലില്‍ ഇറങ്ങുന്നതടക്കമുള്ള നിയന്ത്രണം തുടരും.
Related Articles
മുൻ സുപ്രീം കോടതി ചീഫ് ജസ്റ്റീസ് രഞ്ജൻ ഗോഗോയ് രാജ്യസഭാ എം പി ആയി സത്യപ്രതിജ്ഞ ചെയ്തു.
ന്യൂഡല്‍ഹി: സുപ്രീംകോടതി മുന്‍ ചീഫ് ജസ്റ്റീസ് രഞ്ജന്‍ ഗൊഗോയ് രാജ്യസഭാ എംപിയായി സത്യപ്രതിജ്ഞ ചെയ്തു. ഗൊഗോയിയുടെ സത്യപ്രതിജ്ഞയില്‍ പ്രതിഷേധിച്ച്‌ പ്രതിപക്ഷാംഗങ്ങള്‍ വാക്കൗട്ട് നടത്തി. ഗൊഗോയിയെ രാജ്യസഭ എംപിയായി
പോലീസ് ആക്ട് ഭേദഗതി ഓര്‍ഡിനന്‍സിന് ഗവര്‍ണ്ണറുടെ അംഗീകാരം.
സമൂഹമാധ്യമങ്ങിലൂടെ അപകീര്‍ത്തികരമായ പ്രചാരം നടത്തുന്നവര്‍ക്ക് അഞ്ച് വര്‍ഷം വരെ തടവും പിഴയും നല്‍കുന്നതാണ് പുതിയ ഭേതഗതി. ഐടി ആക്ട് 2000ലെ 66(എ), 2011 ലെ കേരളാപോലീസ്
ആര്‍ച്ച്ബിഷപ് ബച്ചിനെല്ലി പുരസ്‌കാരം എ. മൊയ്തീന് സമ്മാനിച്ചു
കണ്ണൂര്‍: അധ്യാപകര്‍ മാനവപുരോഗതിയില്‍ നിര്‍ണായക പങ്കുവഹിക്കുന്നവരാണെന്ന് ബിഷപ് ഡോ. അലക്‌സ് വടക്കുംതല പറഞ്ഞു. പള്ളിക്കൊപ്പം പള്ളിക്കൂടം എന്ന ഇടയലേഖനത്തിലൂടെ കേരളത്തിലെ പൊതുവിദ്യാഭ്യാസത്തിന് അടിസ്ഥാനശില പാകിയ ആര്‍ച്ച്ബിഷപ് ഡോ.
