Breaking News
ജ്ഞാനസ്‌നാനത്തിരുനാള്‍
ഈശോയുടെ ജ്ഞാനത്തിരുനാളിന് സ്‌നാപകയോഹന്നാനെ വരാനിരിക്കുന്ന ക്രിസ്തുവായി ജനം തെറ്റിദ്ധരിച്ചു തുടങ്ങുമ്പോള്‍ എന്നെക്കാള്‍ ശക്തനായ ഒരുവന്‍ വരുന്നു അവന്റെ ചെരുപ്പിന്റെ കെട്ടഴിക്കാന്‍ ഞാന്‍
...0കർത്താവിന്റെ ജ്ഞാനസ്നാന തിരുനാൾ
കർത്താവിന്റെ ജ്ഞാനസ്നാന തിരുനാൾ വിചിന്തനം:- ആത്മാവും അഗ്നിയും (ലൂക്കാ 3 : 15-16, 21-22) “എന്നെക്കാള്‍ ശക്തനായ ഒരുവന്‍ വരുന്നു… അവന്‍
...0കെആര്‍എല്‍സിസി 38-ാമത് ജനറല്‍ അസംബ്ലി
ജനുവരി 8, 9 തീയതികളില്‍ ആലപ്പുഴയില്‍ മുഖ്യവിഷയം: ലത്തീന്‍ കത്തോലിക്കര്‍ – സാമൂഹിക പുരോഗതിയിലെ വെല്ലുവിളികള്‍, സാധ്യതകള്‍ ആലപ്പുഴ: കേരളത്തിലെ ലത്തീന്‍
...0ജനങ്ങള്‍ തിരുത്തണം ഈ പൊലീസിനെ
കൊവിഡ്-19 ന്റെ ഒന്നാം തരംഗസമയത്തെ ലോക്ക്ഡൗണ്‍ പ്രയോഗകാലം. രോഗം ബാധിച്ചുവെന്ന് സംശയിക്കുന്ന തന്റെ മകനേയും കൊണ്ട് ഒരു ഉന്നത സര്‍ക്കാര്‍ ഉദ്യോഗസ്ഥന്
...0സന്നദ്ധപ്രവര്‍ത്തകരെ കുത്തുപാള എടുപ്പിക്കുമ്പോള്‍
ആധുനിക ലോകചരിത്രത്തിലെ മഹാദുരന്തത്തെയും സ്വയംപര്യാപ്തതയുടെ വീമ്പുപറച്ചില്‍ കൊണ്ടു നേരിടുന്ന മോദി ഭരണകൂടം, രാജ്യത്തെ ആര്‍ത്തരും അവശരും നിരാശ്രയരുമായ പരമദരിദ്രകോടികള്‍ക്ക് ആശ്വാസമെത്തിക്കുന്ന കാരുണ്യപ്രവര്‍ത്തകരുടെയും
...0സിനിമകളെ നിയന്ത്രിക്കുന്നതാര്?
രാജ്യത്ത് അഭിപ്രായസ്വാതന്ത്ര്യങ്ങള്‍ ഉള്‍പ്പെടെയുള്ള നിരവധി സ്വാതന്ത്ര്യങ്ങളുണ്ട്. സിനിമകളോടനുബന്ധിച്ചുള്ള ആവിഷ്ക്കാര സ്വാതന്ത്ര്യം മൗലീകാവകാശമാണ്. അതേസമയം ഒരുവന്‍റെ മൗലീകാവകാശം അപരന്‍റെ അവകാശങ്ങളേയോ, രാജ്യത്തെ നിയമങ്ങളേയോ
...0
ദൈവം കൈപിടിച്ച് കടത്തിയ പീറ്റര്‍ സാജന്‍
? ചെറുപ്പം മുതലേ സിനിമ മനസിലുണ്ടോ. തുടക്കം എങ്ങനെയായിരുന്നു.
സിനിമാ കമ്പം കുഞ്ഞുനാളിലേ തുടങ്ങി. കഥപറച്ചിലിലായിരുന്നു തുടക്കം. സ്‌കൂളില്‍ കൂട്ടുകാരോട് കഥകള്‍ പറയും. കഥ കേള്‍ക്കാന്‍ ആളുകൂടിയത് ആത്മവിശ്വാസം വര്‍ധിപ്പിച്ചു.
? സിനിമയിലേക്കുള്ള പ്രചോദനം.
– കുറച്ചുകൂടി മുതിര്‍ന്നപ്പോള്‍ സിനിമാനടന്മാരോട് ആരാധനായി. മമ്മൂക്കയായിരുന്നു ആരാധനയുടെ കേന്ദ്രബിന്ദു. മമ്മൂക്കയില്‍നിന്ന് സിനിമയോടായി ആരാധന മാറി. ആരാധന അന്യഭാഷകളിലേക്കും പടര്‍ന്നുപന്തലിച്ചു. ഒരു വിവേചനവുമില്ലാതെ സിനിമകളെല്ലാം കാണും. എന്നെങ്കിലുമൊരുകാലത്ത് സിനിമയിലെത്തണമെന്നായിരുന്നു അഗ്രഹവും സ്വപ്‌നവും പക്ഷേ അത് സാക്ഷാത്കരിക്കുമോ എന്ന് ഉറപ്പൊന്നുമില്ലായിരുന്നു. സത്യം പറഞ്ഞാല്‍ മമ്മൂക്കയോടുള്ള ആരാധന തന്നെയാണ് സിനിമയിലെത്തണമെന്നുള്ള അഗ്രഹത്തിന്റെയും പിറകില്‍. എസ്എസ്എല്‍സി മോഡല്‍ പരീക്ഷ നടക്കുമ്പോഴാണ് മമ്മൂട്ടിയുടെ മഹനാഗരം റിലീസാകുന്നത്. സിനിമ കാണാനായി പരീക്ഷ കട്ട് ചെയ്തു. അതു വലിയ കോലാഹലമായി. എസ്എസ്എല്‍സി പരീക്ഷ എഴുതിക്കില്ലെന്നു വരെയായി കാര്യങ്ങള്‍.
? വീട്ടില്‍നിന്നുള്ള പിന്തുണ.
ആലപ്പുഴ ജില്ലയിലെ സൗദി എന്ന തീരദേശഗ്രാമത്തിലാണ് ഞാന്‍ ജനിച്ചുവളര്‍ന്നത്. അപ്പന്‍ സെബാസ്റ്റ്യന്‍, അമ്മ ഐബി സെബാസ്റ്റ്യന്‍. വീട്ടുകാര്‍ കഷ്ടപ്പെട്ടാണ് വളര്‍ത്തിയതും പഠിപ്പിച്ചതും. സ്വാഭാവികമായി ഞാനൊരു ജോലിക്കാരനാകണമെന്ന് അവര്‍ ആഗ്രഹിച്ചു. പഠനം കഴിഞ്ഞപ്പോള്‍ സ്വന്തംകാലില്‍ നില്‍ക്കാനായി ഒരുപാട് പണികള്‍ ചെയ്തു. മരപ്പണി, ഓട്ടോ, ബസ് ഡ്രൈവര്‍, ക്ലീനര്‍, കണ്ടക്ടര്‍… അങ്ങനെ ചെയ്യാത്ത ജോലികള്‍ കുറവാണെന്നു പറയാം. പക്ഷേ എന്തുജോലിയാണെങ്കിലും വൈകീട്ട് കൂട്ടുകാരോടൊത്ത് സിനിമയ്ക്ക് പോയിരിക്കും. വിക്രമിന്റെ സാമി എന്ന സിനിമ റീലീസ് ചെയ്ത സമയം. ഞാനന്ന് ഒരു സ്വകാര്യവ്യക്തിയുടെ കാര്‍ ഡ്രൈവറാണ്. രാത്രി എട്ടു മണിക്ക് എനിക്ക് പോകണമെന്ന് നേരത്തെ തന്നെ അദ്ദേഹത്തോട് പറഞ്ഞിരുന്നു. തിയറ്ററില്‍ കൂട്ടുകാര്‍ കാത്തുനില്ക്കും. പക്ഷേ ആ സമയത്ത് അവര്‍ക്ക് ഒരു ഓട്ടംപോകണമായിരുന്നു. കൂടുതലൊന്നും പറയാതെ കാറിന്റെ കീ കൊടുത്ത് ഞാന്‍ ആ വീട്ടില്‍നിന്നിറങ്ങി തിയറ്ററിലേക്കോടി.
? സിനിമയിലെത്താനുള്ള ശ്രമങ്ങള്‍, സങ്കേതികപരിജ്ഞാനം…
-വിവാഹത്തിനുശേഷം ചെല്ലാനം മറുവക്കാട് എന്ന സ്ഥലത്താണ് താമസം. ചെല്ലാനം സെന്റ് സെബാസ്റ്റിയന്‍ ഇടവകാംഗം. ഭാര്യ അനിലയും മക്കളായ എവ്‌ലിന്‍, ഇവാനിയ, ഭാര്യയുടെ അപ്പച്ചനും അമ്മച്ചിയും എന്നിവരടങ്ങുന്നതാണ് ഇപ്പോഴത്തെ കുടുംബം. വിവാഹം കഴിക്കുന്ന സമയത്ത് ഞാന്‍ ഓട്ടോ ഡ്രൈവറായിരുന്നു. എന്റെ സിനിമാക്കമ്പം ഭാര്യ അനിലയോട് കൂട്ടുകാര്‍ വിശദമായി തന്നെ പറഞ്ഞിരുന്നു. എനിക്ക് സിനിമയില്‍ നല്ല ഭാവിയുണ്ടെന്നും അവര്‍ പറഞ്ഞു. അനില എന്നോട് അക്കാര്യം സംസാരിച്ചു. ആനിമേഷനിലായിരുന്നു എനിക്ക് താല്പര്യം. സാങ്കേതികമായി അതു പഠിക്കണമായിരുന്നു. എന്റെ കയ്യിലാണെങ്കില്‍ ഫീസ് കൊടുക്കാന്‍ കാശില്ല. മോന് ബിസ്‌ക്കറ്റ് വാങ്ങാന്‍പോലും പണമില്ലാത്ത അവസ്ഥ. ഒന്നും പറയാതെ ഭാര്യ കയ്യില്‍ കിടന്ന രണ്ടു സ്വര്‍ണവള ഊരിത്തന്നിട്ട് കോഴ്‌സ് ചെയ്യാന്‍ പറഞ്ഞു. രണ്ടു വര്‍ഷം പഠനവും ഓട്ടോറിക്ഷ ഓടിക്കലുമായി നടന്നു. ഭാര്യ തുന്നല്‍പ്പണി ചെയ്താണ് അന്ന് വീടുപുലര്‍ത്തിയത്. പിന്നീട് ഒരു ചാനലില്‍ ജോലി ചെയ്തു. അവിടെ ഒഴിവുസമയത്ത് തനിയെ ഇരുന്ന് എഡിറ്റിംഗ് പഠിച്ചു.
? ഒരു കടത്ത് നാടന്‍ കഥയില്‍ കഥ, എഡിറ്റിംഗ്, സംവിധാനം ഇതെല്ലാം പീറ്റര്‍ സാജന്‍ തന്നെ കൈകാര്യം ചെയ്തിരിക്കുന്നു. സിനിമയില്‍ ഏതാണ് ഏറ്റവും പ്രധാനം.
-ഓരോ ചെറിയ കാര്യങ്ങള്‍ക്കും സിനിമയില്‍ പ്രധാന്യമുണ്ടെന്നു കരുതുന്നയാളാണ് ഞാന്‍. ലൈറ്റിംഗ് ശരിയായില്ലെങ്കില്‍ അത് സിനിമയുടെ ക്വാളിറ്റിയെ ബാധിക്കും. അതുപോലെ നല്ല കഥയും തിരക്കഥയും അത് കോര്‍ത്തിണക്കാനുള്ള സംവിധാനമികവുമുണ്ടാകണം. പക്ഷേ അതിനേക്കാള്‍ പ്രധാന്യം എഡിറ്റിംഗിനാണെന്നാണ് ഞാന്‍ വിശ്വസിക്കുന്നത്. കാരണം എഡിറ്റിംഗിനു വരുന്ന സിനിമകള്‍ മിക്കവാറും അസംസ്‌കൃതവസ്തുവായിരിക്കും. എംടിയുടെയോ ലോഹിതദാസിന്റെയോ തിരക്കഥയില്‍ സിനിമ സംവിധാനം ചെയ്യുന്നവര്‍ക്ക് സീനുകളനുസരിച്ച് അതു ചിത്രീകരിക്കുകയേ വേണ്ടൂ. എന്നാല്‍ മിക്കവാറും അവസ്ഥ അതല്ല. ചിത്രീകരിച്ച സീനുകള്‍ പലയിടത്തായി ചിതറിക്കിടക്കുകയായിരിക്കും. നന്നായി എഡിറ്റ് ചെയ്തില്ലെങ്കില്‍ ആ സിനിമ തിയറ്ററില്‍ പൊട്ടിപ്പൊളിയുമെന്നതിന് ഒരു സംശയവും വേണ്ട. അതേസമയം വലിയ ടെന്‍ഷനുള്ള പണിയാണ് സംവിധാനം. ഷൂട്ടിംഗ് തുടങ്ങാന്‍ താമസിച്ചാല്‍, നീണ്ടുപോയാല്‍, ഏതെങ്കിലുമൊരു ആര്‍ട്ടിസ്റ്റിന് സമയത്ത് എത്താന്‍ കഴിയാതിരുന്നാല്‍, ലൊക്കേഷന്‍ റെഡിയായില്ലെങ്കില്‍… എല്ലാം ടെന്‍ഷനാണ്. എല്ലാത്തിനും മറുപടി പറയേണ്ടത് സംവിധായകനാണ്. ഇക്കാര്യങ്ങള്‍ അസിസ്റ്റന്റായി പ്രവര്‍ത്തിക്കുമ്പോഴേ നന്നായി അറിയാമായിരുന്നതുകൊണ്ട് എല്ലാം മുന്‍കൂട്ടി നന്നായി പ്ലാന്‍ ചെയ്താണ് ഒരു കടത്ത് നാടന്‍ കഥ ചിത്രീകരിച്ചത്. ഒരു ലൊക്കേഷന്‍ പറ്റിയില്ലെങ്കില്‍ സമയം കളയാതെ അടുത്ത സ്ഥലത്ത് ചിത്രീകരണം തുടങ്ങാനുള്ള സംവിധാനം വരെ തയ്യാറാക്കിയിരുന്നു. ആസ്വദിച്ച് ചെയ്യാനുള്ള പണിയാണ് സംവിധാനമെന്ന് തോന്നിയിട്ടില്ല. അതേസമയം നമ്മുടെ മനസിലുള്ള ചില കാഴ്ചപ്പാടുകള്‍, സ്വപ്‌നം… ഇതെല്ലാം ഭംഗിയായി ചിത്രീകരിക്കാനും കഴിഞ്ഞു.
? സഹപ്രവര്‍ത്തകര്‍, താരങ്ങള്‍ പ്രത്യേകിച്ച് ഷഹീന്‍ സിദ്ദിക് തുടങ്ങിയവരുടെ സഹകരണവും, പെര്‍ഫോമന്‍സും എപ്രകാരമായിരുന്നു.
-സിനിമ ഒരു ടീം വര്‍ക്കാണ്. പക്ഷേ അതിനുള്ള സൗകര്യങ്ങളും മാനസികാവസ്ഥയും ഒരുക്കിയെടുക്കണം. സിദ്ദിക്കിക്കായുടെ മകനാണ് ഷഹീന്‍. എന്റെ സിനിമയിലെ കഥാപാത്രമാകാന്‍ ഷഹീന്‍ യോജിക്കുമെന്ന് തോന്നി. സുഹൃത്തുക്കളും അക്കാര്യം പറഞ്ഞു. ഷഹീന്‍ ആദ്യമഭിനിയിച്ച സിനിമ കണ്ടപ്പോള്‍ കൂടുതല്‍ ബോധ്യമായി. തുടക്കക്കാരനായതുകൊണ്ട് വലിയ ആര്‍ട്ടിസ്റ്റുകളെ കിട്ടാന്‍ ബുദ്ധിമുട്ടായിരിക്കും. മാത്രമല്ല അവരുടെ ഡേറ്റ് അനുസരിച്ച് ഷൂട്ടിംഗും മറ്റു താരങ്ങളുടെ ഡേറ്റുമെല്ലാം ക്രമീകരിക്കണം. അത്തരമൊരു റിസ്‌കിലേക്ക് ഇപ്പോള്‍ പോകേണ്ട എന്നു കരുതി. ഇതൊരു സൂപ്പര്‍ഹിറ്റാകാന്‍ പോകുന്ന സിനിമയല്ല, ആവറേജായിരിക്കുമെന്ന് നിര്‍മാതാവിനെയും (നീരാഞ്ജനം സിനിമാസ്) ബോധ്യപ്പെടുത്തിയിരുന്നു. സ്റ്റണ്ട് മാസ്റ്റര്‍, ഛായാഗ്രഹണം, നായിക എല്ലാവരുടെയും ആദ്യസിനിമയായിരുന്നു. ഒറ്റ ഷെഡ്യൂളിലായിരുന്നു ഷൂട്ടിംഗ്. രാവിലെ എട്ടു മുതല്‍ രാത്രി എട്ടു വരെ. ഷൂട്ടിംഗിനുമുമ്പ് ക്യാമറ അടക്കം ഉപയോഗിച്ച് റിഹേഴ്‌സല്‍ നടത്തി. ഷഹീനടക്കം എല്ലാവരും കൃത്യസമയത്തു തന്നെ റിഹേഴ്‌സലിനും എത്തിയിരുന്നു. സലിംകുമാര്‍, പ്രദീപ് റാവത്ത്, സുധീര്‍ കരമന, ബിജുക്കുട്ടന്‍ തുടങ്ങിയ മുതിര്‍ന്ന താരങ്ങളും നന്നായി സഹകരിച്ചു. എന്റെ സുഹൃത്തുക്കള്‍ എപ്പോഴും കൂടെയുണ്ടായിരുന്നു. അവരില്ലെങ്കില്‍ ഈ സിനിമ ഉണ്ടാകുമായിരുന്നില്ല.
? ത്രില്ലര്‍ സിനിമകളാണോ മനസിലുള്ളത്.
-ഇപ്പോള്‍ ത്രില്ലറുകളാണ് ഉള്ളത്. നേരത്തെതന്നെ ഫാമിലി സബ്ജക്ട് എനിക്കത്ര ഇഷ്ടമായിരുന്നില്ല. പക്ഷേ മാറ്റങ്ങള്‍ വരാം. അതു നമ്മുടെ പ്രായം, പരിചയം, സന്ദര്‍ഭം ഇതൊക്കെ ആശ്രയിച്ചിരിക്കുന്നു.
? കടത്ത് നാടന്‍ സിനിമയുടെ കഥയെക്കുറിച്ച്.
-നമ്മുടെ ചുറ്റുപാടുകളില്‍ കാണുന്ന ചില സംഭവങ്ങളാണ് കഥയാക്കിയത്. ഹവാല ഇടപാട് ശരിയായ വിധത്തില്‍ മലയാളത്തില്‍ നേരത്തെ ചിത്രീകരിച്ചിട്ടില്ല. വളരെ സീരിയസായ ഒരു പ്രശ്‌നം റിയലിസ്റ്റിക്കായി ചിത്രീകരിക്കാനാണ് ശ്രമിച്ചത്. അപ്രതീക്ഷിതമായ ഒരു ക്ലൈമാക്‌സും ചേര്‍ത്തു. കഥയും തിരക്കഥയും തയ്യാറാക്കുന്നതില്‍ സുഹൃത്ത് മാധവും സഹായിച്ചു.
? ദൈവവിശ്വാസിയാണെങ്കില്‍, ജീവിതത്തെ വിശ്വാസം എത്രമാത്രം സ്വാധീനിച്ചിട്ടുണ്ട്.
-ദൈവം മാത്രമാണ് എനിക്കു പലപ്പോഴും തുണയായിരുന്നിട്ടുള്ളത്. എന്റെ സാഹചര്യം പറഞ്ഞല്ലോ. നമുക്ക് ആഗ്രഹമുണ്ടായാല്‍ മാത്രം പോര കൈപിടിച്ചുയര്‍ത്താന്‍ ആരെങ്കിലുമൊക്കെ വേണം. എനിക്ക് അത്തരം ഗോഡ്ഫാദര്‍മാരാരുമുണ്ടായിട്ടില്ല. പക്ഷേ സന്നിഗ്ധാവസ്ഥകളിലും ദൈവം കൂടെയുണ്ടായിരുന്നു. ഒരു അപേക്ഷയൊക്കെ പരിഗണിക്കപ്പെടുമ്പോള്‍ പട്ടികയില്‍ ഏറ്റവും അവസാനത്തെ ആളായിരിക്കും ഞാന്‍. ഞാനപ്പോള്‍ ദൈവമേ എന്നു പ്രാര്‍ഥിച്ചുപോകും. ഒരു കൈവന്ന് പിടിച്ചുയര്‍ത്തിക്കൊണ്ടുപോകുന്നതുപോലെ പിന്നെ അനുഭവപ്പെടും. ഞാനപ്പോള്‍ ക്യൂവിന്റെ ഏറ്റവും മുന്നിലായിരിക്കും.
Related Articles
ഫാ. സ്റ്റാൻ സ്വാമിയുടെ അറസ്റ്റിനെതിരെ ഐക്യരാഷ്ട്ര മനുഷ്യാവകാശ കൗൺസിൽ
ഇന്ത്യയിൽ മനുഷ്യാവകാശ പ്രവർത്തകർ വലിയ സമ്മർദത്തിലൂടെയാണ് കടന്നുപോകുന്നതെന്ന് ഐക്യരാഷ്ട്ര സഭയുടെ മനുഷ്യാവകാശ കമ്മീഷണർ മിഷേൽ ബാച്ച്‌ലറ്റ് പ്രസ്താവനയിൽ പറഞ്ഞു. പൗരാവകാശ പ്രവർത്തകരെ പ്രതികളാക്കുന്നത് ഒഴിവാക്കണമെന്നു യുഎൻ മനുഷ്യാവകാശ
മുന്നൊരുക്കങ്ങളുണ്ടോ പ്രളയത്തിന്?
പ്രകൃതിയുടെ പ്രതിഭാസങ്ങളെ നിയന്ത്രിക്കുന്നതില്‍ മനുഷ്യന്റെ ശാസ്ത്രീയ നേട്ടങ്ങളെല്ലാം പലപ്പോഴും പരാജയപ്പെടാറുണ്ട്. പ്രകൃതി ദുരന്തങ്ങളുടെ കാര്യത്തില്‍ പ്രത്യേകിച്ചും. ദുരന്തങ്ങളുടെ ആഘാതമൊഴിവാക്കാന്‍ പരമാവധി ശ്രമിക്കാമെന്നല്ലാതെ വിങ്ങിനില്ക്കുന്ന അഗ്നിപര്‍വതത്തോട് പൊട്ടരുതെന്നോ, കാറ്റേ
പ്രവാസികളെ മടക്കിക്കൊണ്ടുവരാന്‍ നിര്‍ദേശിക്കാനാകില്ല: സുപ്രീം കോടതി
ന്യൂഡല്‍ഹി: ഗള്‍ഫ് ഉള്‍പ്പെടെയുള്ള വിദേശരാജ്യങ്ങളില്‍ നിന്നുള്ള ഇന്ത്യക്കാരെ മടക്കിക്കൊണ്ടുവരാന്‍ കേന്ദ്രസര്‍ക്കാരിനോട് നിര്‍ദ്ദേശിക്കാനാകില്ലെന്ന് സുപ്രീംകോടതി. കേന്ദ്രസര്‍ക്കാര്‍ കൊണ്ടുവന്ന നിയന്ത്രണത്തില്‍ ഇടപെടുന്നില്ലെന്നും സുപ്രീം കോടതി വ്യക്തമാക്കി. ‘എവിടെയാണോ അവിടെ നില്‍ക്കുക’;
